YEREMIA 16:13 - Biblía Axweesantá Hhohho' ar Mungú 2004

¹³ Gawaá adoorihe, aníng kuungá' baraá yaamuukae nun kwaáhh ay yaamaá kuungá' nee baabi'ihúng ta baloó xua'aaká. Nee amoodaádae munguaá hatlá' kiri sagadiyusá', xweera nee tlaatla/aango, aníng kuungá' nu baloó wa hhooawaaká.»

YEREMIA 16:13 Iomraidhean Croise

2 WAAWITÁ 25:21

Waawutmo Nebukadnesa mukwí sleémeero guna Riblárí tsuú/ baraá yaamaá Hamati. Gawaá adoorihe, múk Yuda kuna ar tláy baraá yaamuuine.

2 QOM'I 7:20

aníng kuungá' nu hingeés baraá yaamuuká na kuungá' i haniisi, nee Do'owí aníng naa hhoohhooeés as umuueé', un amór saáwí kwaáhh dir'eene. Xoordu sleémeero do'owí ngway waqaaiyá' nee ngway niqiná'.

WARA'AMI 81:12

Gawaá adoorihe aníng ina máw tawa tlay ar adoodá' inooín i slaiya', nee ar baraá hara'ayduín.

YEREMIA 10:18

Asma AAKOÓ MUNGÚ i kaahi, «Ga/aawaak, qoomaarihe aníng yaamuloouusér yaamuuká' an tsee/áy kwaáhh ar kukumaayi. Aníng i slahh'amií huúw as inooín tawa slahhaahhai.

YEREMIA 14:8

Kuúng kilók an harahhifór múk Israeli, kuúng an ba/amusmoorén qoomár slahh'amaayero, ahaá, kuúng baré a adór dahaaymo baraá yaamuurene, a adór heé waaraáhh oo aa qaat xweeraá wake.

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

YEREMIA 15:14

Aníng kuungá' nu lawaalér wakuuserhúng tleéhh baraá yaamaá kuungá' ta xua'aaká, asma buhhtaeé' naa daa/atuyé' adór gil'ór asla, tidá' baloó gwa'aaká daqisleém.

YEREMIA 15:4

Aníng inooín in gár dae tlaaq tleéhh dír waawuti'iima sleémeero ar daanduú yaamuwo, asma tlakweemaadá' Manase garmoó Hesekia aa tleéhh baraá Yerusalemuro, qoomár tawa waawutmoó Yuda.

YEREMIA 16:5

Asma AAKOÓ MUNGÚ i kaahi, «Ma dahaar baraá doó hee iwa gwaá', laqaá ma tsuunqumisaar, laqaá mi alee/aa/amimaar. Aníng waydueé', nee sla'aarír warqawaaká, nee gurtleemueé' iga hingeés dir'ine.

YEREMIA 17:4

Yaamuuká' aníng naa kuungá' i haniís aqo in geexeerá', nee aníng kuungá' nun gawaá dabaá wakuuserhúng i haniís, as kiwa sagadiyuusa' baraá yaamaá kuungá' ta baloó xua'aaká, asma aníng an daa/atúw buhhtaawo adór asltá baloó gwa'aaká.

YEREMIA 22:26

Aníng kuúng un guús baraá yaamaá ta xu'uká, kuúng dinkwa nee aayoorók tidár xwayliito'ó. Kuungá' tsaraawo tari lawaalér yaamaá kuungá' tunday laqwaaliiká, tari amoodá' i qatlá'.

YEREMIA 22:28

Xáy, heewí ta bay Konia a adór hutloó aa gwaái kudá' ta waaqaaqai nee kuri kwaáhh tsee/ií alé? Ahaá waáy, inós nee na/iiwose gár kisa amór saáw i kwaáhh, baraá yaamaá i xuiiaaká?»

YEREMIA 5:19

Nee qoomár mukhúng burnu yaahamiis, tawa kaahi, ‹Ahaá waáy, gár AAKOÓ MUNGÚ, Munguúrén, muruuwí sleémeero ngusa atén i tleéhh a milá?› Kuúng inooín ki beer, ‹Kuungá' aníng ina sié', munguaá dahaaye awa baraá yaamuuhúng kiri sluufmisuú eeré' as adoorí kuungá' xoorór ta xua'aaká kari sagadiyusá' baraá yaamaá xuaawásl wa ale.› »

YEREMIA 6:15

Xáy, qoomár tawa tlehhma'aá slasla/aren tlehhiiti mure ka ara'ári? Aasla'áy, mure ka ara'ariiká tam ar niiná. Tam adór baraá gitsee/er'ine ngir laqana' ngi xuiaaká. Gawaá adoorihe inooín ta alhuu' nee kudá' huuhu'uumá' qoomár bira slaáhh ngiri hhaamiís. Anuú AAKOÓ MUNGÚ tí ngina oó'.»

DABE 28:36

«AAKOÓ MUNGÚ kuúng, dinkwa nee waawutmoowók kudá' kuúng taa tsawdi, nun huuw ay baraá xoorór kuúng ta baloó xu'uká, laqaá baabi'iiwók sleeme. Nee amodaádae kuúng munguaá hatlá' awa xaai nee awa tlaa/e kiri sagadiyús.

DABE 29:28

AAKOÓ MUNGÚ giri tlatlahhaás baraá yaamuuín wa ale ar buhhtaá xaraasla', giri kwaáhh baraá xoordaá hatlá' adoodá' hamí laarí i dirii'iya'.›