YEREMIA 15:8 - Biblía Axweesantá Hhohho' ar Mungú 2004

⁸ /Ameenár kwaeeli ka yaariir ta hhasángw afaá tlawto. Aníng masoomba ana tsuú/ baraá /uuruuine, nee xwaylitér'ín ngiri slahh'amaayérí huúw. Inooín ina gaanslár dae tsaát, tari slahhaá'.

YEREMIA 15:8 Iomraidhean Croise

ISAYA 3:25

Hhawaateehúng ki slururu'uus ar paánga, miguuserhúng kan daasl baraá slaqwaraaro.

ISAYA 3:26

Afér gixsár Siyoniro gaa a wa/aa/i nee tsuunqumis, gixsarí tari adór /ameenír taa geexáy ar pakáy, iri iwít baraá teeri.

ISAYA 4:1

Qoomaadae /ameenár faanqw hhawaatuú wák gun ót tawa kaahi, «Gám atén muruú /aymaarén u /ayaán nee ti kiloorén tsiitimiisaán, ala atén ti duxut mureerén tí hingeeseek.»

YEREMIA 16:3

AAKOÓ MUNGÚ daanduú na/aá daaqaay nee awa dasuuwo awa ta laqwaali yaamuká' i alé, nee xwayliitér'ine i kaahi,

YEREMIA 18:21

Gawaá adoorihe, hám daxta na/ii'ín maweek ki tsu/i nee qwari, inooín ki tsu/i ar paánga baraá slaqwaraaro, nee /ameenar'ín i kampeerut, nee i kwaali'iimit. Maweek hhawaate ki tsu/i nee tiqtír pu/i, nee masoombar'ín ka iso tlaaqi ar paánga baraá slaqwaraaro.

YEREMIA 22:7

Múk kuúng u hhaamiís daa ngu amohhe'eés, umuú hee nee xooslmoowós baraá dakose. Xaaiiwók kudaá sahhta awa hhohho' kin tsaat kiri kwaahh baraá asla.

YEREMIA 4:16

I xoordaá gurbu'uún nee i Yerusalemúr kángw babeér, i kat, «Tundu i haraatláy amór saáw wa ale, nee gixsadaá Yuda kiri dae tsaat.

YEREMIA 5:6

Gawaá adoorihe dirángw baraá sla/atá daáhh gin uhín, taweeramoó baraá xaanxoó daáhh gin hhaamiis, du'uma i baraá gixsaduuín wa gigidín. Umuúqo heé tsee/áy ti'iita kun karslamiis. Asma tlakweemaaín naa ló'wa tlahhiyé', nee inooín Mungú siasiuuwo naa ak harwaarahhiyé'.

YEREMIA 6:26

Tlabaá guniyadu dahasaak, muk'eé', nee ta gwangwara'amitá' baraá da/arár wa aleeró. Tsuunqumisé' ar /aa/aá uren, adór heé na/aywós oo wák aa gwaa'. Asma heedá' nu hhaamiís ni gaanslár hardah.

WA/AA/I 5:3

Atén a adór panaay, múk baabi'i wásl, amuurén a adór kwaeeli.

ESEKIELI 22:25

Geeraharuuserhúng in /orótl adór dirángw makiito'ór aa óh ga /aáy. Muu ngun tsu/iyá' daqaari'iimár muu ngin hayoohiná' nee muruudá' tlaxo gawdene'. Faarór /ameenár kwaeeli ngin dogiitiyá'.

HOSEA 4:5

Kuúng dukuutsmo u tuu' qoomár tlaatla/aango, aarusmo dukuutsmo gu tuu' dinkwa nee kuúng qoomár xweeraawo, aníng aayorhúng a gaás.

Luka 21:35

Asma deeloodá' niqo hardát dír umuúqo heewo baraá yaamu sleémeerowo.