YEREMIA 15:3 - Biblía Axweesantá Hhohho' ar Mungú 2004

³ Anuú AAKOÓ MUNGÚ aga tsabiím mukwí nguwa hhaamiis ar muruuwí tsiyáhh: Inooín kin tsuu/ baraá slaqwara, bahh'alé seeaawe gin karslamís, kookaariya' kin /aay nee tsir/o, nee makaá sla/a, sleémeero kiri hhaamiis.

YEREMIA 15:3 Iomraidhean Croise

WARA'AMI 68:23

As kahhó' ya'aawók i hamátl baraá tseere, as kahhó' seeaaweerók tseerdaá wakuuseerók ngiwa naatsiin ay dír ni aaxiya'.»

ISAYA 18:6

Inooín sleémeero kin geexáy tawa muruú /aymár gwaresuú gawaá tlom'i nee muruú /aymár makaá baraá yaamu. Inooín gwares gin /aay qoomár qu'uuwo, kiri /aay nee makaá baraá yaamu qoomár tsaaqutmoowo.»

YEREMIA 12:9

Muk'eé' kwí naa tsawaár a adór tsir/ór taa harweér bihhe sleémeero nee geenaangw, makaá sla/a ateetang ta burumburiiti as kiwa /ayi.

YEREMIA 14:12

Tam ta gwaawin, firor'ín a baloó iiárií qaasaaká, tam barnaxés iga ilahhooár dá/tí haniisiyé', nee tam ilahhooár balaango, aníng ilahhooar'ín a ya/aamaaká. Inooín aqo in hhaamiís ar paánga nee giyeé nee pu/i.»

YEREMIA 14:16

Tuaá kudaádá' taa i aariirín, kin kwakwaahh baraá lohudaá Yerusalemu, kudá' taa tsuú/ nee qwari nee slaqwara, slám heé gi foliít i kaahh tumu wák. Tí sleémeero inooín gin sleér, nee tlaaway'ín nee na/ii'ín awa dasu nee awa daaqaywo, asma aníng tlakweemaaín awa kilá' tini ku'uús.› »

YEREMIA 16:4

‹Mukwí i qaatl ar tiqtír pu/i nee heé tsuunqumiís i kaahh, laqaá heé gi foliít i kaahh. Tu'uuín nin tlufaafuiyá' adór tsuunkáy daanduú yaamuwo. Mukwí ku hhaamiis ar paánga nee qwari, nee tu'uuín a muruú /aymár tsir/o nee makaá sla/a.› »

YEREMIA 7:33

Tuaá mukwí tari muruú /aymár gwares nee oo makaá sla/a, heé makayká' gi dae tsaát tumu wák i kaahh.

WA/AA/I 3:11

Inós loohir'eé' gana qwaareés, iri tlaqaaqán, iri kilooeé' geexáy.

ESEKIELI 14:21

«Ala anuú Aakoó MUNGÚ a kah, qoomár bar Yerusalemu aga slaáhh ar muruuwí tsiyáhh oo sakwasleemar'eé' tidá' ló'wa xaraasl, ngiri sakwasleemuút ar slaqwara nee qwari, nee makaá xaraaslá' nee tiqtír pu/i, as muu nee makaywo ngiwa hhaamiis baraakae.

ESEKIELI 33:27

«Kibeeto, Anuú Aakoó MUNGÚ a kah, Adoodá' aníng nir hotaatima, looeemaawo kudá' sleémeero aa baraá gixsadií meet kin hhaamiis ar paánga, heé tsee/aá /awaákí dirií' ku /aay nee makaá xaraaslá', kudá' baraá koo/ír gawít i dirií', nee kuduú baraá mar'o, tiqtír pu/i gin tsú/.

TLAHHOÓ LAÁWI 26:16

daqaní aníng adoorí an tleéhh, nun slaáhh ar nuwa de'ér urií huuw ar gaanslaay, nee tiqtír da/eewe, nee ga/atantá nu ila' taampuupuuw, nuri naduduúr. Dahaasingwhúng un dahaasiindá' ala u gár wa sleera'aaká, asma wakuuserhúng gun /ák.

TLAHHOÓ LAÁWI 26:22

Nun makaá xaraaslá' i tleés awa na/iihúng ngi xampoamiisá', nee hikwaahúng ngiri /ayiyá' nee faarorhúng iri /aaruúr, nee lohduuhúng niri warqayá' tari adór xaanxaay.

TLAHHOÓ LAÁWI 26:25

Nun paángárí huúw as li/oó alqador'eé' tidá' taa geeqeeré' nguwa buu'. Kuungá' bara gobé' baraá gixsaduhúng, ala nuri tiqtír tlákw i kwaáhh, nee nuri baraá dabaá wakuuserhúng i qaás.

AMOS 5:19

Deeloorí dirhunge a adór heé aa dirángw wa goow tiri doogiyé' nee duúbu. Laqaá adór heé aa dah baraá do', dakós gway qaás gawaá baqa, kuri kiihh nee dayshamo.

DABE 28:26

Tuuaarók tari /aymár gwarsuú gawaá doori nee makaá sla/a, nee hee tumu wák oo gu guús i kaahh.

DABE 32:24

Inooín qwari gi hhaamiis, nee duuraai gin fák, i tiqtír tlákw i kwaáhh. Aníng i makaá xaraaslá' i tleés, nee dayshér qarkú koom, tidá' gur'ér ar hi'imiit.

Geehhoeemaá 6:8

Aníng niri qaytsiít, faraásír hatlá' ngiri ár ar baabahay. Heé faraásirí gaa i tsa/an umuuwós a Gwa'ara, gi'i nee inós tina al koomakoné'. Inooín kiri aleesleemuú i haniís baraá yaamuwo daanduú barakár wák baraá baduudá' tsiyahhawo, as muu kuwa tsu/i ar paánga, nee ar giyeé nee ar pu/i, nee ar makaá xaraaslá' awa baraaká' yaamu.