YEREMIA 15:21 - Biblía Axweesantá Hhohho' ar Mungú 2004

²¹ Aníng kuúng un ba/amís baraá dabaá múk tlakwe nee un tuú/ dír múk xaraasla.»

YEREMIA 15:21 Iomraidhean Croise

IIMU/UUNGW 48:16

nee malaykamoodá' iga ba/amis nee tlakweema sleémeero, masoombarí ngi tsuuqi! Umuueé' ku aain baraaine, nee umér baabi'iieé' Abrahamu nee Isaka. Inooín ni xoorór ur tleehhitiye' baraá yaamuwo.»

WARA'AMI 27:2

Múk tlakuuse niwa amor'eé' haratláy, as aníng iwa gu/tá wa slai, wakuuser'eé' tí sleémeero tari dukuúts nee tari huuhu'ún.

WARA'AMI 37:40

AAKOÓ MUNGÚ gin alee/iimiis nee gin ba/amis. Gin tu/ún baraá dabaá múk tlákw wa ale, nee gin ba/amis. Asma inós ngwa i guwiyé'.

WARA'AMI 97:10

AAKOÓ MUNGÚ múk tlakweemaá ahhiít gu slaa', slafíngw heé hhoohhoó' gun xún, gin tuu/ gawaá dabaá múk tlakuuseero.

ISAYA 29:20

Asma mukdá' baramaanumaamiís ku qwaarees, nee kudá' niqaaqimá' i faakiyá', nee mukdá' gigdaadiím as tlakweema kiwa tleehhi ku hhaamiis.

ISAYA 29:5

Wakuuseerók tidá' yaariir i adór teeri tleehhít, nee mukdá' kiíng iga baramaanumaamiis ku adór tsinór balaangw tleehh, kaangwí in gaanslár tleehharuut.

ISAYA 49:26

Mukdá' kuúng u baramaanuús, aníng un /aymiís ar fu'unaá slaqooín i oonitís ar tseerduuín adór múk a oonimiit ar difaái. Daqaní umuúqo heé slafa gari xuu' adór aníng tar AAKOÓ MUNGÚ, Gweerusmoowók, Ba/amusmoowók kudá' /uuruú koóm oo Yakobo.»

ISAYA 54:17

Xooslár slaqwara tidá' taa tleéhh as tawa slaqwi nee kuungá', kuungá' adór nu /is i káhh. Heé bura sakwasleemuút doó kwasleemaro, kuungá' an baaliindá'. Gaarí an gadaádá' sagadiyuuser'eé' i sleer, an hariímár naa dír'ín i haniís Anuú AAKOÓ MUNGÚ tí ngina oó'.»

ISAYA 60:16

Xoordu in muruú /aymárí huwiyá', waawitá sleeme iri muruú /aymár i huuw. Kiíng daqaní a tsáhh adór aníng tar AAKOÓ MUNGÚ, aníng an ba/amusmoowók. Nee an gweerusmoowók, kuduú Aleesleemusmo oo Yakobo.

YEREMIA 16:1

Axweesantá AAKOÓ MUNGÚ aníng ana axaás, i kat,

YEREMIA 20:13

AAKOÓ MUNGÚ i daa'aak, AAKOÓ MUNGÚ xirfayemisaak, asma inós heé liitlakusmo gwaa ba/amís dír dabaá múk tlakwe.

YEREMIA 26:24

Ala Yeremia kuna xún nee Ahikamu garmoó Shafani as mukuwa gaás nee muu.

YEREMIA 31:11

Anuú AAKOÓ MUNGÚ múk Yakobo ngwa gweér baraá tseegamooro. Una ba/amís dír kudá' inós gu baá/ /uuruuwo.

YEREMIA 38:28

Yeremia iri hoót dír afeenidár xuumeesér wa alé ay baldá' gixsár Yerusalemu kawa hayóh.

YEREMIA 39:11

Nebukadnesa waawutmoó Babuloni Nebusaradani kuduú geeraharusmoó xuumuuse, daanduú Yeremiawo guri báy,

YEREMIA 39:12

«Tláw Yeremia leehheek, ló'wa amohhe'eeseek, mu gaa laqaar, adoodá' inós i slai ti tlehh.»

YEREMIA 50:34

Ala ba/amusmooín oo /uuruú koóm, AAKOÓ MUNGÚ Aleesleemusmo an umuuwós. Inooín gin aleekalaa/, giri amohhooárií haniis baraá yaamuwo, ala yaamuloouusér Babuloni amoqwanaay gway sleér.»

DANIELI 3:17

Bar adoosíng Munguúrén kudá' atén ta sagadiyusaan tiqo ba/amis baraá bohongwduú asltá gufteeriwo, inós atén ti ba/amis baraá dabaá waawutmoowo.

DANIELI 3:25

Iri oó', «Qaytsité' án baré muu ngu ga/aw a tsiyáhh, slám kwa gweér, i baraaqá' wa hi'imitiyá', gár gi a'aw i káhh. Nee slaqsoó kuquú tsiyáhh a adór malaykamo.»

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Rumi 16:20

Nee Munguúduú wayduú hanmiís, inós kuungá' nu /uurií haniis oo Neetlaangw kuwa nakaa/aruura' ar gaanslaay baraá tsa/a'aá ya'aahúng i alé. Aakoorén Yesu Kristo kuungá' nu tsuuqi.

2 korinto 1:10

Inós atén taa ba/amís baraá tsaxwaá gwa'arár adór tihe, nee slám ti malé ba/amis. Atén aa harahhifaán inós iwa kumiiti atén tiwa ba/amiimisi.