YEREMIA 15:19 - Biblía Axweesantá Hhohho' ar Mungú 2004

¹⁹ Gawaá adoorihe, AAKOÓ MUNGÚ i kaahi, «Barnaxés iga i kí/, aníng kuúng un adoodár aángií ki/ís, nee kuúng uri malé sagadiyusmooeé' tleéhh. Barnaxes axweesanoó lama ugwa meér, nee oo ganaá' bura axwés, daqaní kuúng an aarusmooeé' tleehhít. Muu nin amoorók i burumburiit, ala kuúng amor'ín a keeraaká.

YEREMIA 15:19 Iomraidhean Croise

1 WAAWITÁ 17:1

Aarusmooko ta bay Eliya oo Tishbe oo yaamaá Gileadi, waawutmo Ahabu guri báy, «Ar umuú AAKOÓ MUNGÚ, Munguú múk Israeli kudá' slaáf, kudá' aníng ni sagadiyuus, tluwaay i baloó taxaatiiká, laqaá hara' u aandaaká ay dír aníng kaangw gway oo'.»

TI'INAANGW 4:12

Daxta tláw, aníng kuúng u alee/iís gár ta oa, nee aníng gár kuúng ta o' ngi oó'.»

AXWEESANOÓ SAGALOOA 22:29

Heé baraá gadiyeérose fuqurángw koóm ugwa aándi? Heé adoorí i dír geeraá waawitá i sihhiit, inós u dír tla/ángw múk amoowásl i eeraaká.

YEREMIA 1:9

Naagáy, AAKOÓ MUNGÚ afkueé' guri kwatiít ar dakós, iri báy, «Qaytsiít axweesante'eé' aga qaás baraá afkók.

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

YEREMIA 20:9

Ala aníng bara oó', «Aníng umuú AAKOÓ MUNGÚ daxta un baloó ooaaká, sleeme a ilaawatsaaká ar umuuwós,» muunaaeé' in da/aa/anuut baré kwaáo adór asla in baraá faduueé' wa ót, an mak qiítl as mawa ilawaáts, ala ila/aro tin harslaaqaát.

YEREMIA 35:19

gawaá adoorihe, anuú AAKOÓ MUNGÚ Aleesleemusmo a kah, Yonadabu garmoó Rekabu dirose heé aníng i sagadiyuús i baloó qwaariiká.»

YEREMIA 4:1

AAKOÓ MUNGÚ i kaahi, «Aá múk Israeli, kuungá' bar ki/imaá sla'á', amor'eé' ni ki/aaré'. Muruudá' aníng i buhhtamís dír ilaeene bur ugwa hingesé' nee bar kumita'aaká toonganuuwo.

YEREMIA 6:29

Asla kaa oohisa hhe'eés, ala muqslaadá' harimaaká i weqaweqká as tiwa paratl, kár ala gár nis kumiit muk'eé' hhohhoeemisuwo i káhh, asma múk tlákw slasla/aremaín gi hingemisiiká.

WA/AA/I 1:11

Mukós sleémeero i baraá /ifo, as tawa gár /aymár leelehhiiti, daqaari'iimar'ín ngin muruú /aymár ar tlaxún as tiwa tu/iya' i kaahiya', «AAKOÓ MUNGÚ, ti i qaytsit, asma atén taa waaqaá'.»

ESEKIELI 2:7

Kuúng ki axweesante'eé' beér, tam ka axaás, laqaá tam ka axasiiká, asma inooín a múk aa dee/anuut.

ESEKIELI 22:26

Kaahamuuser'ín daber'eé' ngina si'iyé', xooslar'eé' tidá' hhohho' ngina meetagasiyé'. Inooín muruú hhohhó' nee kudá' hhohhoeekahe paraatlaro ngwa harslaaqatiyé', slám muu ngu intsaahhatimisiaaká daanduú muruudá' slasla/arén nee oo hhohhoe. Inooín slám deelor'eé' ar Sabaáto ngi boo/eemisiaaká, inooín aníng tiri ilaiwawa/i'iiká.

ESEKIELI 44:23

«Kaahamuuse xooror'eé' gan intsaahhatís as gár hhoo' nee ar tlaakwe ngiwa tsaahhiya', nee muu kuwa xu'utisi gadaádá' gi meetagaamiis nee tidá' gi meetagamisaakahe.

TLAHHOÓ LAÁWI 10:10

A gár hariim gár hhoohhoo' nee ar hhoohhooeeká kawa paratl, nee gár meetagaamiis nee ar meetagaamisaaká.

TLAHHOÓ LAÁWI 14:57

Adoorí an adór gár slasla/aar kar tsaahhi nee ar hhoohhooe. Adoorí an adór dabér tiqtír tsatmit i diri'.»

YONA 3:2

«Tláw amór yaamaá Ninewi, gixsadá' ur kaweek, ya/abtoodá' naa dirók i oó' ilaharmiseek.»

SEKARIA 3:7

«AAKOÓ MUNGÚ Aleesleemusmo i kaahi, ‹Kuúng barnaxés loohir'eé' aga eehát, nee hara'ayar'eé' bara ót, daqaní dooeé' u sawaawuti'iín nee un de'eén, aníng pa/aangw ngu haniís oo iwa i tseewuur tla/ángw kudá' geeraaeé' wa sihhimiita'a.

Luka 1:19

Malaykamo iri oó', «Án a Gabrieli, kudá' geeraá Mungú i dirií'. Nee aníng tina ya/aáw nee kuúng niwa axweesaan, nee ya/abtoorí hho' ngiwa dirógií oo'.

Luka 10:16

Yesu eeharuuseerós gari báy, «Heé axweesantahúng gaa ya/an, a axweesante'eé' gana ya/án. Heé kuungá' naa sii', a án ina sií'. Oo aníng iga sii', a kudá' án iga ya/aaw guna sií'.»

Luka 12:12

Asma siiwadae Qeeruú hhoohhoó' oo Mungú kuungá' nu intsaahhatis tidá' hariim ooaro.»

Luka 21:15

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

Luka 21:36

Dalaaé', fiririimé' deelo sleémeero, as /uuru kuwa sleera', oo tí sleémeero hardah kawarar ba/a', nee tawa geeraá Garmoó Heé i sihhita'.»

Tlehhema'aá ya/Abuuse 20:27

Asma aníng adoodá' sleémeero Mungú i slai dirhúngí alki/iituuwo ngaa mawiiká.

2 korinto 5:16

Gawaá adoorihe iimír hamí atén hee u tsatsahhaamanaaká ar adór slaqwa. Aáng atén Kristo una tsaahhaán ar adór slaqwa, ala tam adoorihe hamí u adoodár tsatsahhaamanaaká.

Galatia 1:10

Kuungá' ka xua', aníng axweesanaywí un axweésa, as muu aníng iwa ya/an, laqaá Mungú? Kuungá' ka xua' aníng gár ni leelehhiit a sla'atisár múko? Án barnaxes tam hamí a kumiít muu nguwa sla'atimis, daqaní aníng a sagadiyusmoó Kristowooká.

Galatia 2:5

Ala atén adoodá' inooín i slaiya' aga ya/aamaniiká tam adór niina. Atén gár taa sla'aán a looeemaá Ya/abtór hho' masók in kumiitiyá' dirhúng wa ale.

Ebrania 5:14

Ala muruú /aymár gawdén a oo múk urén. Asma inooín muruú hhó' nee oo tlákw kwaa intsaáhh partlituuwo.

Yuda 1:24

Mungú kuungá' nu aleesláy nuwa de'en as dukuutsmo munduwa tuú', slám nuri sihhitis dír geeraá xirfuuwós tawa múk xaslxaansli wásl, nee tawa múk baraá qwal/uú úr.