YEREMIA 15:16 - Biblía Axweesantá Hhohho' ar Mungú 2004

¹⁶ Aníng axweesantók ana sláw nee ngiri /aáy, axweesantók aníng iri qwal/atís, nee muunaáeé' guri sla'atís, asma aníng tawa kók, aá AAKOÓ MUNGÚ Aleesleemusmo.

YEREMIA 15:16 Iomraidhean Croise

NEHEMIA 8:12

Muu sleémeero iri tláy tawa /ayin nee tawa wahan, muu kuri tooín huúw, qwal/uú úr kway tleéhh, asma /aymi'iidá' taa dir'ín i alki/iít ngaa tsaahhiyé'.

YOBU 23:12

Aníng dabeerós aga baloó mawiiká. Axweesantós aga amohhe'eés baraá muunaáeé'.

WARA'AMI 119:111

Adoodá' i babeer aalir'eé', dir'eene ka afhhamít, eeít, a qwal/amaayér muunaáeé'.

WARA'AMI 119:16

Axweesantók a saqwalalaá/. Tidá' kuúng ta kat a gunqareesaaká.

WARA'AMI 119:72

Dabeerók tidá' taa qás ka aníng wa hhoo', ta daqaari'iimár baraá yaamuwo.

WARA'AMI 119:97

Dabeerók aga gurií baá/, tlaatla/angw sleémeero an gár ni aldakuut.

WARA'AMI 19:10

Tam kari waatlakwés ta sahaábuwo, ta sahaábuú ló' wa hhoohhooe. Nee i nuqnúq ta xaaramtá danuhe, ta danuú /aamiro.

YEREMIA 14:9

Ahaá waáy, kuúng misti ilaqaamís tawa adór heé aa sagaqwaar, adór pihhusmoó hee alee/isaro gu aleeslawaaká. Ala tam adoorihe, kuúng, AAKOÓ MUNGÚ, a dinkwa nee atén, nee atén tina ateét ar umuuwók, atén a mukók. Miti mawaar.»

ESEKIELI 2:8

«Ala heewí, tí kuúng u babaw iia ti qas, kuúng ma dee/anutaar adór inooín wa alé. Afkók awaatleek, gaarí aníng ni hanmiis /ayeek.»

MIKA 2:7

Xaysé' xwaylár Yakobo, axweesanoó adoorí i qóna? Xáy, AAKOÓ MUNGÚ qitluuwós gwaa máyi? Xáy, inós adoorí ga tlehhaahhíti? Xáy, axweesantaeé' ka hhooeekáhe dír kudá' gan'amúr hoota?»