YEREMIA 14:9 - Biblía Axweesantá Hhohho' ar Mungú 2004

⁹ Ahaá waáy, kuúng misti ilaqaamís tawa adór heé aa sagaqwaar, adór pihhusmoó hee alee/isaro gu aleeslawaaká. Ala tam adoorihe, kuúng, AAKOÓ MUNGÚ, a dinkwa nee atén, nee atén tina ateét ar umuuwók, atén a mukók. Miti mawaar.»

YEREMIA 14:9 Iomraidhean Croise

2 QOM'I 7:14

barnaxes muk'eé' kwí birta tsatsaa'areés nee iri firiné', nee iri leeleehhiyé', nee tlehhmi'ii'ín kudá' tlakw ngiri mayé' tlehhtuuwo, aníng inooín i axaás gawaá doorí wa ale nee tlakweemaaín in gurtláw, nee diihhooa ngi slayá' baraá yaamuuine.

WARA'AMI 10:1

Xáy AAKOÓ MUNGÚ, asma milá baré aga sihhít amór saaw? Masa nahhát qoomár slahha'amko?

WARA'AMI 27:9

Mungú, ilaawók mi aníng wa lu/aar. Anuú sagadiyusmoowók mi guusaar ar buhhta. Kuúng dir'eene a alee/isusmo. Án mi geexawaar, laqaá tam mi mawaar, Mungú, kuúng a ba/amusmooeé'.

WARA'AMI 46:5

Mungú i baraawós i dirii', gár ga diinqiis i káhh. Mungú ga alee/iis matlaatlér boo/e.

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 43:7

Umuúqo heewo oo taa ateét ar umuueé', kudá' naa tleéhh as xirfueé', kudá' naa buqumbuquúm nee naa tleéhh.»

ISAYA 51:9

Tlawáng, tlawáng aá AAKOÓ MUNGÚ, ar /uuruuwoge ti ba/amis. Daarikiitáng adoodá' aáng taa tléhh qoomár qartadá' aa waarahhi. Ahaá a kuungeekáhe oo Rahabu gaa tlaqaqaat nee kudá' dayshamoodá' úr oo baraá ma'aay gwaa tla/a feehhamiis?

ISAYA 59:1

Ga/aawaak, dákw AAKOÓ MUNGÚ ku ququmaareeká tam ba/amisaro nuri harslaqaát. Laqaá iaawós i giwiaaká tam iri axaasiiká.

ISAYA 63:19

Atén a adór múk kuúng taa baloó sawaawuti'iindiiká, a adór múk taa umuuwók ar ateetiiká.»

YEREMIA 15:16

Aníng axweesantók ana sláw nee ngiri /aáy, axweesantók aníng iri qwal/atís, nee muunaáeé' guri sla'atís, asma aníng tawa kók, aá AAKOÓ MUNGÚ Aleesleemusmo.

YEREMIA 51:5

Asma múk Israeli nee oo Yuda kwaa gunqareesiiká nee AAKOÓ MUNGÚ Aleesleemusmo, Munguúín, tam yaamuuín naa hatsii'i tlakweemaawo, geeraá Kudá' Hhoohhoó' oo Israeliro.

YEREMIA 8:19

/Aa/aá muk'eé' iiárií qaasaak badu sleémeero awa yaamu, ta kaahi, «Xáy, AAKOÓ MUNGÚ i káhhi Siyoniro? Xáy, waawutmoowós i barawoseekáhe?» «Ahaá baré aníng iga buhhtisiyé' ar slaqsi'ii'ín kudaá adór Mungú, slaqsii'ín kudaá munguaá xuaawaslen.»

WA/AA/I 5:20

Ahaá, atén mista gunqaarés ay kureeraá kureér? Waáy, mista kwáhh deelór yaariire?

ESEKIELI 48:35

Tlenángw koo/irí sleémeero bihhe tsiyahhaawo a miíta kume gweleél. Umuú gixsa iimír hamí ku báy, ‹AAKOÓ MUNGÚ i diirí dirii'.› »

HABAKUKI 1:2

«Aá AAKOÓ MUNGÚ, kuúng firor'eé' ka siaaiin ay xaylá? Una i /aa/amiím asma /ayta, ala kuúng i sla'aká ba/amisaro.

SEKARIA 2:5

Aníng an adór koo/ír asla tleehhiít badu sleémeero, niri baraá gixsaadá' wa hoót ar xirfuueé'.› Anuú AAKOÓ MUNGÚ tí ngina oó'.»

SEKARIA 8:3

Aníng a wayaá' Siyoni, án niri hotaá áw tla/ángw gixsár Yerusalemu, nee gixsár Yerusalemu kay bay, ‹Gixsár inkihhím.› nee tloomár AAKOÓ MUNGÚ Aleesleemusmo kari bay, ‹Tloomár hhoohhoo'.›

FAARO 11:23

AAKOÓ MUNGÚ Mose guri mu/aywaáts, «Ahaá aleesleemueé' aa /aarúyí? Gimáy daxta axweesante'eé' adór tar ló' laqaá lama a tsáhh.»

Tlehhema'aá ya/Abuuse 15:17

Gawaá adoorihe múk hatlá' sleémeero Aako ngu leeleehhi, múk xoordu sleémeero kudá' naa ateét tawa muk'eé'. Tí Aako gana oó', kudá' muruuwí gwaa tleehh,

2 korinto 6:16

Slám Doó Munguú nee munguaá hatlá', adór tir slaslaya' a adoomá? Asma atén an Doó Munguú kudá' slaáf. Asma Munguú ina oó', «Aníng a baraaín wa hoót, nee nay baraá tla/angw'ín wa hi'iimiít. Aníng tari Munguúín, nee inooín tari muk'eé'.»

DABE 23:14

Xafoó hotaahúng masók ku hhohhó', asma AAKOÓ MUNGÚ, Munguúhúng ni baraá xafayhúng wa hi'iimiit as nuwa ba/amisi, nee wakuuserhúng ngiwa gawaá dabaahúng i haniisi. Gawaá adoorihe gár slasla/aar mingiwa ár dír tla/angwhunge. Bar adooriheeká inós i warqáy nuri geexáy.

DABE 28:10

Nee xoordu sleémeero awa baraá yaamu birnga ariyé' kuún AAKOÓ MUNGÚ ugwa tsawaár tawa xooroorós, kuún uri da'ayuutiyá'.

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»

Geehhoeemaá 21:3

Aníng afór ur ngiri axaás ar baraá kitangwduú aleesleemuú daahh. Afoorí i kat, «Ga/aawaak, hotángw Mungú dír i dirii'i a dír tla/ángw muu. Inós iri hoot tla/angw'ín wa ale, nee inooín tari mukós. Nee Mungú inósuú kilá' tari dinkwa nee inooín.

1 SAMUELI 12:22

AAKOÓ MUNGÚ mukós gu geexayká as ilaiwa/amér umuuwós kudá' iia tleér, asma AAKOÓ MUNGÚ adoorí guna sla'atís ar kuungá' nuwa mukósuú kilá' tleehhi.