YEREMIA 14:7 - Biblía Axweesantá Hhohho' ar Mungú 2004

⁷ Muk'eé' iga i /aá/ tawa kaahi, «Tam tlakweemaarén i lamaabu'uná' daandeemorene, AAKOÓ MUNGÚ atén kuúng ti alee/is as kuúng kilók, dee/aanurén ku úr, atén kuúng ugwa tlakweemáy tleehhaán.

YEREMIA 14:7 Iomraidhean Croise

ESRA 9:15

Aá AAKOÓ MUNGÚ, Munguú Israeli, kuúng an gan'amuú koón, atén tina meetís, tari kotsqotaán adoorí tay diriaan. Ga/aaweek, atén a dír geeraawók i diriiaán, atén awa tlakuuse, asma heé hariím sihhtanór dír geeraawoge i kaahh as tlakweemaaká'.»

WARA'AMI 115:1

A ateneeká, AAKOÓ MUNGÚ, a ateneeká, ala kuúng kilók na xirfuút, as sla'aarirók ar warqawaaká nee inkihhimuwók.

WARA'AMI 25:11

Aá AAKOÓ MUNGÚ, tlakweemaaeé' gurtlaweek as umuuwók, asma tlakweemaaeé' ki yaariir.

WARA'AMI 79:9

Na'ás Mungú, ba/amusmoorén, atén ti ba/amis as xirfuú umuuwók, tlakweemaarén gurtlaweek ar umuuwók.

ISAYA 48:11

Adoorí an tleéhh as daanduueénuú kilá'. Asma waáy gár umuueé' kus waaqaqai? Aníng xirfuueé' u baloó heé hatlá' i haniisaaká.

ISAYA 59:12

Asma tlakweemaarén dír geeraawoge naa ló'wa tlahhiyé', atén tlakweemaarén tin lamabu'uná', atén nee tlakweemaarén tin alkoomakoomaán, nee tlakweemaarén iga tsaahhaán.

YEREMIA 10:19

Múk Yerusalemu tari ooi, ‹Tsaxwaarén asma slahh'amuurén inkahhi'iirén i ló'wa gon'eeliná'.› Atén geeraawo ana mak ooaán, ‹Gaarí an slahh'amuú tawo oo ta saqiitlaan.

YEREMIA 2:19

Tlakweemahúng awa kilá' kuungá' nu muxiyá', nee kuungá' lo'o nu eér as aníng iwa geexeeré'. Gimsé' xuaak, ka ló'wa tlaakw nee a gár slahh'eemiis, anuú AAKOÓ MUNGÚ, Munguúhúng, bira geexeeré', nee ilaiwa/amer'eé' bara hingesé' baraá muunerhunge. Anuú Aakoó MUNGÚ Aleesleemusmo tí ngina oó'.

YEREMIA 3:25

Gimsé' atén gár tiwa hariím an yaamií qaataán as mureerén, nee masók mureekesayrén ti tuuntuuk, asma tlakweema iga tleehhaán dír AAKOÓ MUNGÚ, Munguúrene, atén nee xwayliteérene. Iimír masoombi'iimarén wa tleemu ay laarí atén afór AAKOÓ MUNGÚ, Munguúrén, aga iialooeesaniiká.»

YEREMIA 3:6

Qoomár waawuti'iimár waawutmo Yosia AAKOÓ MUNGÚ aníng ina báy, «Xáy aga aándi adoodá' múk Israeli kudá' inkihhimu wásl aa tleéhh? Ina geexayé' niri tsa/ané' gawaá umuúqo ságw tloomaro nee umuúqo dír gamuú xa'anoó loo/o naa/e as tsaatu'uuma ngiwa tleehhiya'.

YEREMIA 5:25

Dakuúsarhúng kuungá' naa tsuuqaá /ít, nee tlakweemaahúng nuna hhooeemaá /itiyé'.

YEREMIA 5:6

Gawaá adoorihe dirángw baraá sla/atá daáhh gin uhín, taweeramoó baraá xaanxoó daáhh gin hhaamiis, du'uma i baraá gixsaduuín wa gigidín. Umuúqo heé tsee/áy ti'iita kun karslamiis. Asma tlakweemaaín naa ló'wa tlahhiyé', nee inooín Mungú siasiuuwo naa ak harwaarahhiyé'.

YEREMIA 8:14

Xaysé', gár ta daamaramaan diirihe? Burumburiité' baraá gixsadaá koo/i gawden ta hhaamaán baraadá'. Asma AAKOÓ MUNGÚ, Munguúrén gaa qoomeés atén tawa hhaamaan. Ta ma'aá qarkwí haniís asma kuwa sadakusaán.

YEREMIA 8:5

Ahaá ala waáy, mukwí loohír ganaa' maska sií', niri ak kumiitiyé' baraá qwanay'ín. Inooín niri ak naagisiyé' munguaá lama eeharahaduuwo, niri si'iyé' ki/imaá amor'eene.

ESEKIELI 20:14

Ala aníng tina kilooeé' ilaa/, as ilaiwa/amér umuueé' makawa waaqaá' nee xoorduudá' ngaa ariye', qoomár inooín ngiwa duúx baraá yaamaá Misrír wa aleeró.

ESEKIELI 20:22

Ala aníng dakw'eé' una ilaá/ as ilaiwa/amér umuueé', makawa waaqaá' nee xoorduudá' inooín ngaa ariye', qoomár ngiwa duxuum baraá yaamaá Misrír wa aleeró.

ESEKIELI 20:9

Ala aníng adoorí tleehhamooro ana máw as ilaiwa/amér umuueé', as kahhó' mukuwa waaqaqaá' nee xoorduudá' nee inooín alhootá', kudá' ngaa ariye', aníng tiwa xu'utís ngiwa duúx baraá yaamaá Misrír wa alé.

HOSEA 5:5

Nee daara/ángw múk Israeli ku geehhoó'. Gawaá adoorihe inooín ta dukuuts baraá tlakweemaaín. Múk Yuda sleeme i aldukuuts dinkwa nee inooín.

HOSEA 7:10

Daara/ángw múk Israeli ku geehhoó'. Ala tam adoorihe inooín taa ki/iiká amór AAKOÓ MUNGÚ, Munguúín. Tam sleeme ngwa leelehhi'iiká baraá muruuwí sleémeero.

AMOS 7:2

Baraá iigu'utueene ingigi ana ár, umuú gár qantsare gana /ák ar sa baraá yaamií diriia. Aníng nari oó', «Aá Aáko MUNGÚ, na'ás án kuúng u harhhehhe'eés, mukók gurtlaweek, adór xwaylár Yakobo ir hot a adoomá? Inooín a na/aá ninakw.»

MIKA 7:9

Aníng tlakweema ina tleéhh. Gawaá adoorihe buhhtaá AAKOÓ MUNGÚ in saqiqtliím ala alé ay dír i aleekalaa/i. Inós sakwasleemar'eé' gan tleehh aluuwo, as hariímar'eé' ngiwa slaw. Aníng i tsee/á i duux amór gwa/aateema, adór inós ira ba/amís ngay ár.

Efeso 1:12

Asma a sla'aarirós atén tawa xirfuuwós tleehhitaan baraá Kristowo, ateédá' Kristo ugwa geerií harahhifoórí gaasaan.

Efeso 1:6

Adoorí gana tleéhh as atén tsuuqaawós kuká' xiríf kiwa ló'wa ilaiwawa/aan, as adoodá' inós tira ló'wa tsuúq, qoomár Garmaawós kuduú sla'aarusmo nguwa atén i haniís.

DABE 32:27

Ala aníng axweesantá wakuuser'ín ana da'ayuút, as wakuuser'ín mingiwa adór hatlár tsáhh tari ooi, ‹Atén aga baalimaán, nee AAKOÓ MUNGÚ inooín gaa alee/isiiká.› »

YOSHUA 7:9

Múk Kana'ani nee muu sleémeero oo baraá yaamuudá' i dirií' kaangwí bur ngwa axaasiyé', atén tin harweeriyá' tiri hhaamiis, aluuwo daqaní kuúng adór umuuwók kudá' xiríf kur iiatleeres?»