YEREMIA 14:3 - Biblía Axweesantá Hhohho' ar Mungú 2004

³ Múk urén ta sagadiyuuser'ín ya/abiit as tawa ma'aá hheeki, ala ma'aay kaa slayká. Inooín tana waátl ar dahhaaroó kaaharén, sage ngiri tuuntukuné' as mure nee amoqwaqwadiingw.

YEREMIA 14:3 Iomraidhean Croise

2 SAMUELI 15:30

Ala Daudi ina kumamiít iri tsa/án tloomár Seituni, i hara /aa/amín, i ya/ataá konká, nee sagós gwaa tuuntuúk. Tam mukdaádá' sleémeero nee inós ti alkoomá', sagér'ín kaa tuuntuúk tawa tsa/aa/an gawaá tlooma, ta hara /aa/amín.

2 SAMUELI 19:4

Waawutmo gitsee/awós gina tuuntuúk, i /aa/amín ar afór ur i kaahi, «Ma /imamiís, garmaaeé' Absalomu! Ma /imamiís, Absalomu garmaaeé'! Garmaaeé'!»

1 WAAWITÁ 17:7

Alaá deelór niinawe duxuudá' iri /ón, asma tluwoó aa tluuw i kaahh baraá yaamuwo.

2 WAAWITÁ 18:31

Kuungá' Hesekia mu iiárií qamimara', asma waawutmoó Ashuru i kaahi, ‹Kuungá' wayda koomaak dir'eé' wa ale, ti hanise' gawaá dabaeé'. Daqaní dír kuungae umuú heewo mamaá sabiíbuuwós gi /aay kilós alé, nee mamaá /aantsírós gi /aay, nee ma'aá hhalaangós gi wahán,

ESTA 6:12

Aluuwo Mordekai iri kií/ afkú doó waawutmo. Ala Hamani iri ta'aaín ay amór do'ós, i tsuunqumiis, sagós gwa tuuntuúk.

YOBU 6:20

Kin buhhtamis as harahhifór tawo, tan hardah duxeedá' tari qa/iimiit.

WARA'AMI 109:29

Wakuuser'eé' ka tsi'isi, mure ngi tsiitiye' adór tlawú wa ale.

WARA'AMI 40:14

Ki mureekeesi i amoqwaariye', kudá' slafingw'eé' leelehhiitá' nguwa qwaareesiya'. Ki alií ki/isi ki mureekeesi, kudá' slahh'amaayer'eé' ngi sa qwalala/á'.

YEREMIA 14:4

Doosluuse i gurhamút baraá muner'ine, sager'ín gari tuuntúk mureero, asma tluwaay iwa kahhi nee yaamu kiwa kaahaár.

YEREMIA 15:18

Ahaá waáy, gár slahh'amueé' is kumaamiti, inkaahhay'eé' mis hungaagu/ká, baré maasáy ga hungu/umisiiká? Ahaá, mis diqay tláq adór duxuú ma'aywós kahaakaahá'?»

YEREMIA 2:13

Muk'eé' tlakweemaá tsár gaa tleéhh. Aníduú kutltá ma'aá slafiingw iga geexayé', hhaleeri'ín ngiri kilooín fooliyé', kudá' ma'aay iwa /oomaa/ona'.

YEREMIA 2:37

Nee slám ni amoodá' wa kí/ daba' kiwa gawaá ságw i qás as mure. Anuú AAKOÓ MUNGÚ kudá' kuúng ta haraxu' aníng iga sií', slám alee/isay'ín gár uwa bui i káhh, ala kuúng alee/iisaro u aleeslayká.

YEREMIA 20:11

Ala kuúng AAKOÓ MUNGÚ a dinkwa nee aníng. Dir'eene kuúng a adór migusmoó dae tlaáq. Gawaá adoorihe kuká' aníng i baramaanuusá' i dukuutsiyá', baaliro i aleeslay'aaká. Ki ló'wa mureekees, asma i baalina'aaká. Murér alhhe'eesay wasle ngin slayá', ar taqo baloó gunqareesiiká.

YEREMIA 3:3

Gawaá adoorihe baafáy i taxatiiká, tam tluwoó saxi i tluwiiká. Tam adoorihe ilaahúng ki gawden adór kuqaá tsaatuso'o, mure tam ar niiná i káhh.

WA/AA/I 4:4

Afér na/aá ninakw aa kahaakát waxeero, i mak muruú /aymár firiiriná' ala heé gi qáw i kaahh.

HOSEA 2:3

Bir axamiská aníng a tlaba' hingeés, gwe'eedo gay tsee/áy tsát, ngiri ki/ís adoodár bál kingiwa laqwaál, inós ngiri adór xaanxaay tleéhh iri mét ar pakáy, ngiri gaás ar waxe.

Yoeli 1:20

Tam makaá sla/a sleémeero un i /aa/aminá', asma ma'aá baraá yau naa kahiyé', nee asla gitsór baraá darma gaa fák.

AMOS 4:7

«Slám aníng nuna tluwoó /iít qoomár slahheeraá tám niwa meetiyé' hamnoó balaango. Ala tluwaay una haniís gixsár wák i alé, dír gixsár hatlae ngway ilaá/. Baraá qaymór wake tluwaay ina tluúw, nee qaymór hatlae i tluwiiká, iri qor'ót.

AMOS 4:8

Múk baraá gixsadaá tsár, laqaá tám tan ma'aá leelehhtuú áy baraá gixsár wák, ala naa bu'uti'iiká. Tam adoorihe kuungá' naa amor'eéní ki/i'iiká. Anuú AAKOÓ MUNGÚ tí ngina oó'.

SEKARIA 14:17

Slám malé alé umuúqo heewo baraá xoordu sleémeero baraaká yaamuwo, oo Yerusalemúr kawaaká as waawutmo AAKOÓ MUNGÚ Aleesleemusmo nguwa sluufmisuú ay, tluwaay ayaaine i tluwiiká.