YEREMIA 14:22 - Biblía Axweesantá Hhohho' ar Mungú 2004

²² Xáy, munguaá lama awa xoordaá hatlá' tluwaay ngu huwiía? Laqaá tlaangú duuxaro ngu aleesláy'a? Xáy, aqo kuungeekáhe AAKOÓ MUNGÚ, Munguúrén? Atén kuúng un harahhifaán, asma kuúng tí sleémeero ana tléhh.

YEREMIA 14:22 Iomraidhean Croise

1 WAAWITÁ 17:1

Aarusmooko ta bay Eliya oo Tishbe oo yaamaá Gileadi, waawutmo Ahabu guri báy, «Ar umuú AAKOÓ MUNGÚ, Munguú múk Israeli kudá' slaáf, kudá' aníng ni sagadiyuus, tluwaay i baloó taxaatiiká, laqaá hara' u aandaaká ay dír aníng kaangw gway oo'.»

1 WAAWITÁ 17:14

Asma AAKOÓ MUNGÚ, Munguú múk Israeli i kaahi, ‹Puuruúdá' baraá hutlaywók i dirií' i baloó faakiiká laqaá di/tadá baraá chupiito'o i baloó fakká, ay dír anuú AAKOÓ MUNGÚ tluwaay ngway huuw baraá yaamu.› »

1 WAAWITÁ 18:1

Alaá deelór yaariir iwa waaráhh ar har afiqoomár kureeraá tám awa giyeé, Eliya axweesantá AAKOÓ MUNGÚ gana axaás iwa kat, «Tláw ti geehhooes dír waawutmo Ahabu, daqaní aníng tluwaay ngu haniís baraá yaamu.»

1 WAAWITÁ 8:36

na'ás, iiarií qaaseek gawaá doorí wa ale, tlakweemaá sagadiyuuseerók, mukók oo Israeli gurtlaweek, ki intsaahhatís loohirók ar ganaa' kawa eehari. Tluwaay huweek baraá yaamuuwók kukae, kuká' taa mukók i hanís tawa kooín.

YOBU 28:26

baldá' tluwaay nguwa i axweés, nee loohír mankari nee kwarara/a gari tleéhh,

YOBU 5:10

Inós an kudá' tluwoó huwahuúw baraá yaamu. Nee an kudá' qamu gi ma'áy wa/amiís.

WARA'AMI 130:5

Aníng AAKOÓ MUNGÚ un daamaraám, muunaáeé' AAKOÓ MUNGÚ gun daamarán, axweesantós aga harahhiíf.

WARA'AMI 135:7

Inós an kudá' huunkáy gu tlehhiít baraá yaamuú wa ale. Tluwoó mankarór koóm guri tleéhh, fur'a sleeme ngi huuw iimír didá' aa amohhe'eés wa ale.

WARA'AMI 147:8

Doori gin tuntukaakín ar huunkáy, yaamu gin tluuwáy i huuw, gawaá dindirmawo gitso gan titi'imiis.

WARA'AMI 25:21

Hhooeema nee gan'amu masók aníng in de'ená', asma aníng kuúng un harahhiíf.

WARA'AMI 25:3

Ar ló', kudá' kuúng u harahhifá' tumu wák mukuwa mureekeés, ala kudá' al/aymár tlehhiitá' tawó alé i muruutiye'.

WARA'AMI 27:14

AAKOÓ MUNGÚ na harahhifeek! Ilakaahareés, muuna hhe'eés, AAKOÓ MUNGÚ na harahhifeek!

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

ISAYA 30:23

Mungú tluwaay nguri haniis oo kuungá' tar dahasiinda', balaangw kuri sleerá' oo tindi hamareesi nee yaamu, balángw yaariír nee oo bu'uút. Baalaadae hikwaahúng sleeme qawór yaariir ngi slayá'.

ISAYA 41:29

Ga/aaweek, munguii'ín sleémeero a al/ayma, gár tleehharo i aleeslaya' i káhh, slaqsi'ii'ín kudá' taa tleéhh a fur'ár tawo.

YEREMIA 10:12

AAKOÓ MUNGÚ yaamu gina tleéhh ar /uuruuwós, ar sagalooaarose yaamuuká' gina gawdeés, ar fuquraangose doori gina hhaáf.

YEREMIA 10:13

Qoomár inós birna ilawaáts ma'aá gawaá doori in xuuru'utiyá'. Inós tlaangú gun duxún baraá ku/iyá yaamú wa alé. Inós mankari gan war'eemiis qoomár tluwaywo. Nee fur'a ni ti'imít baraá kuuntaywós wa aleeró.

YEREMIA 10:15

Inooín an muruú tawo, gadiyer'ín a al/aymár tawo, qoomár birka slahhtá áy i hhaná'.

YEREMIA 10:3

Asma alhotaarír xoordaá hatlá' a al/ayma, hee xa'ano gun tsaat baraá sla/atá wa aleeró, kuri daakw ar tsawo nee heé dakór xuú'.

YEREMIA 16:19

Aá AAKOÓ MUNGÚ, kuúng an /uuruueé', nee koo/ir'eé' ar gawit, kuúng an dír guway'eé' qoomár slahh'amuwo! Xoordaá badu sleémeero awa yaamu nin amoorók i hardihiyá' tawa kaahi, «Baabi'iirén gár taa aál i káhh, aqo har munguaá lama, muruú tawo oo slaasláwár koomaaká.

YEREMIA 5:12

Inooín lama ngaa tsatiyé' daanduú AAKOÓ MUNGUHE, nari ooiyé', «Atén gár ti /iisi i káhh, gár tlaakw ar atén ti slaw i káhh, laqaá tam slaqwara ti sleeraaká, laqaá giyeé.»

YEREMIA 5:24

Slám i baraá muner'ín i kaahiaaká, AAKOÓ MUNGÚ, Munguúrén un ilaiwa/aán, kudá' tluwoó hanmiís ar qoomaadá' hariim, tluwoó saxi, nee oo buhaareewo ngu hanmiis, nee umuúqo kurko bu'úngw hhó' ngun hanmiis ar qoomaadá' iwa harin.

YEREMIA 51:16

Qoomár bira ilawaáts ma'aay dooriwo nin xuuruiyá'. Tlaangú iri tleehharuut bihhér yaamu sleémeerowo. Maankari iri wer'eeliín qoomár tluuwaywo. Fur'a ngin baraá kuuntaywós wa duxún.

HOSEA 2:7

Inós mulqeerós gay eeharahaduú eér, ala gi sleeraaká, gi leelehhít ala gi aandaaká, iri o', «Aníng a kií/ amór hhawaatuueé' kuduú bi/i, asma adoodá' dír hhawaatueene nira hoót a tsiní ta adoorí hám ni diriia.»

Yoeli 2:23

«Qwalalaa/é', kuungá' múk Siyoni, AAKOÓ MUNGÚ, Munguúhúng saqwalala/aak, asma inós kuungá' nuna tluwoó buhareé i haniís ar afi qoomoó ganaá'. Tluwoó yaariír in tluuw, tluwoó buhaare, nee tluwoó saxi, adoodár kureeraá geera.

AMOS 4:7

«Slám aníng nuna tluwoó /iít qoomár slahheeraá tám niwa meetiyé' hamnoó balaango. Ala tluwaay una haniís gixsár wák i alé, dír gixsár hatlae ngway ilaá/. Baraá qaymór wake tluwaay ina tluúw, nee qaymór hatlae i tluwiiká, iri qor'ót.

MIKA 5:6

Inooín yaamaá Ashuru kiri baal ar paánga, yaamaá geeraharusmooín oo geera oo ta bay Nimrodi kiri sawaawuti'ín ar xoslaá slaqwara. Inooín atén tari baraá dabaá múk Ashúrú wa tu/iyá', qoomár múk Ashuru birna baraá ayaarén i hardáh, nee yaamuurén biringa kalaa/iyé'.

MIKA 7:7

Ala aníng guruueé' un amór AAKOÓ MUNGÚ xu'ús ar sla'aari, Munguúeé' kudá' aníng i ba/amís un daamaaraám. Munguúeé' aníng i axaas.

Matayo 5:45

as kahhó' kuungá' tawa na/aá Baabuúhúng kuduú gawaá doori tleehhita'. Asma inós tsee/amá gun gwa/atimis dír múk tlákw nee oo hhoe, slám tluwaay gun hanmiis dír múk gan'amuú koóm nee oo ngu kooma'aakahe.

DABE 28:12

AAKOÓ MUNGÚ qaasirós tidá' hho' aa qaás gawaá doori ngi dirógií gweer, tluwaay ngun haniis qoomaadá' hariima, nee gadiyeérók gari tsuuq. Xoordaá yaariir kiri kirkitimís, ala kuúng a kirkimér eeraaká.

DABE 32:21

Aníng ina da/tár ayé' ar gár munguheeká. Inooín iga mune duuxiyé' ar slaqsi'ii'ín kudá' naa dabár tleehhiyé'. Aníng inooín in da/itár aw ar muruú mukooká, nee in buhhtís ar xoorór múk daktana.