YEREMIA 14:2 - Biblía Axweesantá Hhohho' ar Mungú 2004

² Múk Yuda i tsuunqumiis, afér gixsaduuín aa sololo'ót, mukós aa yaamií huuhu'ún ta tsuunqumiis, nee múk Yerusalemu ta gáwtí tsee' /aa/eewo.

YEREMIA 14:2 Iomraidhean Croise

YOBU 34:28

Inooín /aa/aá narkutmo ngina kwatiitiyé', ngiri hardahasiyé' baraá iaá Mungú. Mungú /aa/aá mukwí taa slahh'eemiís giri axaás.

WARA'AMI 144:14

Hikwaarén masók ki slaqo hho'. Gur'e mingiwa kwakwahhiyé', laqaá na/ii mingiwa slaqwarahhiné'. Qununu/aay laqaá /aa/e mindiwa deeruutiyé', baraá lohduurene.

TI'INAANGW 2:24

Mungú /aa/eeín giri axaás, nee alqadoorós tidá' aa oó' dír Abrahamu, nee Isaka nee Yakobo gari insláy.

ISAYA 15:5

Aníng a /aa/amiím as yaamaá Moabu, mukós aa tiaaín ay Soari, aa tiaaín ay Eglat-shelishiya, mukós i tsa/aa/án amór Luhiti, ta hara /aa/amín, amór loohír Horonaimúr kawa, mukós i /aa/aamín as qwanaay.

ISAYA 24:11

Baraá lohduuwo muu /aa/eewo tsee/a gaa faák, as difaái kawa dakuús, qwala/ sleémeero aa faák, qaseengw baraá yaamuwo aa suquút.

ISAYA 24:4

Yaamu i tsuunqumiisiyá' nee i hhiturutiyá', yaamu i amoqwaqwadiná' nee i hhiturutiyá', doori nee yaamuwo i amoqwaqwadiná'.

ISAYA 24:7

Sabiíbu i kahaakah, difaái i káhh, nee mukdá' sleémeero ga saqwalalaá/ i tiiq gurhaamiro.

ISAYA 3:26

Afér gixsár Siyoniro gaa a wa/aa/i nee tsuunqumis, gixsarí tari adór /ameenír taa geexáy ar pakáy, iri iwít baraá teeri.

ISAYA 33:9

Yaamu i tsuunqumiisiyá' nee na kahiyé', Lebanoni ina qor'ót, iri kát, Sharoni ina adór xaanxaay tleehhít, nee loo/ór xaa'aá Bashani nee Karmeliro i páhh.

ISAYA 5:7

Asma qaymór sabiíbu ar AAKOÓ MUNGÚ Aleesleemusmo, an xoorór Israeli. Sabiíbuudá' hhohhó' naa dahaás, an múk Yuda. Inós geera gana mak haraxuú' sakwasleemár ganaa' ngiwa tleehhiya', ala naxés nina tsu/uutiyé'. Geera gár aa haraxuú' a hotaá ganaa'á', ala naxés gaa an /aa/e.

YEREMIA 11:11

Gawaá adoorihe AAKOÓ MUNGÚ i kaahi, «Ga/aawaak, aníng i amotlakweérií huúw ar i baloó kwirhhitiiaaká, tam ni amor'eé' /aa/iia i baloó iiárií qaasaaká.

YEREMIA 12:11

Ngina darma tleehhiyé', gár i koon i káhh geeraaeene. Yaamu sleémeero a xaanxaay, slám heé ga gaárií xuú' i kaahh.

YEREMIA 12:4

Ay xaylá yaamu i tsuunqumaamisiya', nee gitsór umuú diiro i /otsaatsit? Makaay nee tsir/o kina hhaamiís as tlakweemaá yaamuloouuse. Asma muu i kaahi, Mungú alhhe'eesoó slafingwrén gu ariiká.

YEREMIA 18:22

Masók /aa/e ki axaas baraá maray'ine, qoomár daqtá malguuse bara dir'íní gaanslár húp. Asma inooín bohoongw ngwa fooliyé' as aníng iwa oohiya'. Tsaaxwel ngwa qaasiyé' as ya'aaeé' kiwa ohin.

YEREMIA 4:28

Gawaá adoorihe yaamu i tsuunqumisiyá', nee doori i boo/ayá'. Tí án aga oó', i baloó warqeeraaká. Aníng tí aga ístí tsaát, sleeme a alií ki/aaká.

YEREMIA 46:12

Xoordu alsi'iimuuhúng ngwa axaasiyé', /aa/eehúng daanduú yaamu ngwa tsataatiyé', asma migusmo migusmoó hatlá' guri sadukuúts, tsaraawo tari alhuhu'ún.

YEREMIA 8:21

Slahh'amuú muk'eé' an slahh'amueé', aníng a amoqwaqwadiím nee an tsuunqumiís.

WA/AA/I 2:8

AAKOÓ MUNGÚ aa tsabín koo/ír gixsár Siyoni ngiwa dahhi, himuduú qoomeemes gwa gawaawós i qaás, nee inós dakós gur ki/iiká as hhaamisaro ngiwa may. /Aampu nee koo/iro giri daahh, sleémeero gay hhaamiis.

WA/AA/I 2:9

Afér gixsarós aa yaamií sluk'umít, muqslaadá' kar tsegiiti gana giqáy gay hhitín, waawutmoowós nee geeraharuuser'ine i baraá tla/ángw xoordu. Dabe i sangw malé káhh, aaruuseerós iigu'utuú amór AAKOÓ MUNGÚ daáhh gu slasleeraaká.

WA/AA/I 5:10

Atén ana tsi/imitaán adór bohóngw asla, asma qwari tiwa dá/.

HOSEA 4:3

Gawaá adoorihe yaamu naa slahhaaiyé' nee umuúqo heé baraadí diriia in beehhuut, dinkwa nee makaá sla/ato, tsir/ór hhampe'eerír tlatlaw i beehhuumít, tam siyó baraá tlawi sleeme iri hhán.

Yoeli 1:10

Qamu naa hhitruutiyé', yaamu i tsuunqumisiyá', asma balaangw aa hhitruút, nee sabiíbudá' ta difaáír ar tlehhiiti aa káh tam di/i i káhh sleeme.

Yoeli 1:11

Muruuté', kuungá' doosluúse, kuungaásingá' sabiíbuú amohhe'eemisá', uué', as angaáno nee angaánooduú shayiíriro aa hhitiruút, asma bu'úngw baraá qamu aa qwaár.

Yoeli 1:14

Muu ádbawaak i gwaawin, dinku'uumár saaliingw ateetaak. Bariise nee yaamuloouuse sleémeero ar Yuda buruumburaak, ta tlay amór Doó AAKOÓ MUNGÚ, Munguúhúng, nee AAKOÓ MUNGÚ kuwa baraadá' wa ii/aa/amiinda', tawa kata',

Yoeli 2:6

Dír geeraaine muu ina amooqwaár, gitsee/er'ín iri hhimaamí' daeero.

HAGAI 1:11

Aníng qoomár slahhemasi ngi tleés baraaká yaamií ale, nee gawaá daandemaá tlom'i, nee baraá balaangw, nee gawaá difaáidá' /aben, nee baraá umuúqo gár di/tá duxuuma, nee baraá umuúqo gár yaamu i duxuna', nee gawaá muu, nee gawaá daanduú makaá ta de'en, nee gawaá daanduú gadiyeé sleémeero ar daba'.»

SEKARIA 7:13

Adoodá' anuú AAKOÓ MUNGÚ Aleesleemusmo inooín ngira ateetiím niri axasi'iiká, inooín sleeme aníng i ateetiyá', ala aníng i iiárií qaasaaká.

1 SAMUELI 5:12

Mukdá' aa qatliiká kuna tiqtír um'ií kwaáhh. Tsuunquusmoó muu baraá gixsaro ay doori.

1 SAMUELI 9:16

guna báy, «Matlo qoomár adór tihe heé yaamaá Benyaminír daáhh ngu huúw dirók, kuúng ku iimbaláx ar di/i, as kahhó' tawa geeraharusmoó muk'eé' kwí oo Israeli. Inós muk'eé' gu ba/amis baraá dabaá múk Filistiro, aníng slahh'amuú muk'eé' ugwa ár, asma /aa/eeín iga axaás.»