YEREMIA 14:17 - Biblía Axweesantá Hhohho' ar Mungú 2004

¹⁷ AAKOÓ MUNGÚ aníng ina báy, as muu nguwa kángw baw daanduú gurhaamir'eene nee nay oó', «Masók hhirhheeraá ilaaeé' nin wa/aminá' tlaatla/aangw nee xweeraawo, masók an kumaamiít /aa/eewo, asma muk'eé' kwa ló'wa hariiáy, nee kwa ló'wa slahh'eés.

YEREMIA 14:17 Iomraidhean Croise

2 WAAWITÁ 19:21

AAKOÓ MUNGÚ daanduú Senakeribuwo i kaahi, ‹Dasír Siyoni kuúng ugwa waaqá', nee ugwa ló'wa waniqís, nee dasír Yerusalemu kuúng ugwa aluú wa qoongo'ós,

WARA'AMI 119:136

Hhirhheeri in xintsaatsiím, asma muu dabeerók gaa sií'.

WARA'AMI 39:10

Na'ás, mawáng muxtaaro. Asma muxtár dabaawók iga afkú bohóngwí qás.

ISAYA 37:22

AAKOÓ MUNGÚ waawutmoodá' gun babay, ‹Gixsár Siyoni tidár dasír maa/i kuúng una waaqá' uri niqiín, Gixsár Yerusalemu tidár adór dasír hhoohhoo' sagós guna mumukumís aluuwók wa ale.

YEREMIA 10:19

Múk Yerusalemu tari ooi, ‹Tsaxwaarén asma slahh'amuurén inkahhi'iirén i ló'wa gon'eeliná'.› Atén geeraawo ana mak ooaán, ‹Gaarí an slahh'amuú tawo oo ta saqiitlaan.

YEREMIA 13:17

Ala barnaxes aga axasi'iiká, aníng an baraá gurií /aá/, asma daara/angwhúng, ilaaeé' nin /aa/iyá' nee hhirhheerieé' niri baráy gororoxotiyá', asma múk AAKOÓ MUNGÚ kwa loohatís.

YEREMIA 18:13

AAKOÓ MUNGÚ i kaahi, «Gawaá adoorihe, axáy xoordu sleémeero yaahasaak, kángw adór kwí heé gwa axaas iqo deéro? Múk Israeli adór ló'wa slasla/aar gaa tleéhh.

YEREMIA 8:18

Gurhaamir'eé' tihe ti tu/iiká, muunaáeé' i ló'wa slahhahhaa'.

YEREMIA 8:21

Slahh'amuú muk'eé' an slahh'amueé', aníng a amoqwaqwadiím nee an tsuunqumiís.

YEREMIA 9:1

Alók geeraawo sagw'eé' an adór ma'aay nee ilaaeé' tari adór kutltá hhirhheeri, as kahhó' niwa /aa/amiim tlaatla/aangw nee xweeraawo, as daanduú muk'eé' kudá' taa tsuú/.

YEREMIA 9:18

Inooín ni gaanslár hardihiyé' tawa tsuunqumisi as atén, hhirhheeri baraá ilaarene ni baráy gororoxotiye', hhirhheeri ni baraá ilaarén wa ti'imitiye'.

WA/AA/I 2:11

Ilaeé' naa slahhaaiyé' /aa/eewo, guruueé' /ur/uri gwa eér, muunaáeé' i ló'wa gurhaamír kón, asma muk'eé' kuwa hhaamiís, nee as na/aá qaweero nee kudá' du'uumá' niwa /araarana' baraá lohdaá gixsa.

WA/AA/I 2:13

Kuungaá múk Yerusalemu, gár nu baw, gár nur alqoomees? Kuungaá múk Siyoni gár nur alqoomees, as kahhó' nuwa gurkwa/as? Asma adór tundura hhitín ka ló'wa ur, heé kuungá' huungu/uusaro nu aleesláw a heemá?

WA/AA/I 2:18

Kuungaá múk Siyoni, amór AAKOÓ MUNGÚ i /aa/aak! Hhirhheerihúng ni wa/amine' adór duxa tlatla/aangw nee xweeraawo! Kuungá' ma huungu/uusara', ilaahúng mindiwa huungu/uusiyé'!

AMOS 5:2

Xoorór Israeli a adór /amaatlito'ór aa hu', nee i baloó sihhitaká. Inós kaa kilós geexáy baraá yaamuuwós i alé, nee heé ga gáwtí tleés i kaahh.

MIKA 6:13

Ga/aawaagáy, aníng kuungá' naa qaroó iimu/uúm muxtaaro, nee nu gaárí geexawaaká, asma tlakweemaahúng.