YEREMIA 13:21 - Biblía Axweesantá Hhohho' ar Mungú 2004

²¹ Hám daxta ma kát kudá' taa haraxú' tawa mulqe, kudá' kuúnguú kilá' taa intsaahhatís, barnaxes ugwa arba/iyé' nee ugwa sawaawuti'iné'? Xáy, a ló'wa slahhá'áke slahh'amaayér adór tiqár /ameenír baraá asltá xwaylár i dirii'?

YEREMIA 13:21 Iomraidhean Croise

2 WAAWITÁ 16:7

Ahasi muu guri ya/aáw amór waawutmo Tiglat-pileseri oo Ashuru iwa kaahi, «Aníng a sagadiyusmoowók oo inkihhimuú koóm, qwaláng tu/áng baraá dabaá waawutmoó Aramuwo nee oo Israeliwo kudá' aníng iga i haraatlaye'.»

ISAYA 10:3

Hám adór ta laqa' deelór muxtaaro, deelór bambaaór ur burna amór saáwá i hardát? Heé ti ta'aiinda' a heemá oo nu /iís? Dír daqaari'iimarhúng ki qasa' a diimá?

ISAYA 13:8

Inooín niri amoqwaariyá', niri dae feehhamiitiyá' nari /araaraná', slahh'amuú yaariír gi sláy adór kuquú /ameenír asltá xwayla gaa al'ot. Umuú heewo iri puungahhamkár qaytsiit amór kuqá', gitsee/er'ín iri sloo/amít kwaáo asla gina tsaara'ás.

ISAYA 21:3

Gawaá adoorihe, tla/angw'eé' iri tsatiít as iigu'utuudá', slahha'amú adór mutaai aníng iri áy, slahha'amú adór kuqú /ameenír xwayla iri áy. Aníng ana yaamií huú', tam gár ni axamiis i káhh, ana daanda feehhiít tam sleeme a xumiisaaká.

YEREMIA 2:25

Múk Israeli, kuungá' ya/ataahúng hi'iitanoro mindiwa tawo faakiyé', laqaá hheehharók miwa tawo kát! Ala kuúng a kat, «Harahhifo i káhh tam ar niiná, asma munguaá múk hatlá' ina ló'wa slaá', aníng inooín in eehár.»

YEREMIA 22:23

Kuungá' yaamuloouusér Lebanoni, handá' maraá hotaangw iga tlehhé' tla/eeraá xaa'aá sahhta, xáy adór tir tu/a' a adoomá dír slahh'amuudá' hi'iita, slahh'amuú adór kuquú /ameenír xwayla.

YEREMIA 30:6

Axáy ti yaahase' nee qaytsité', xáy, hhawaata iqo tsuwa adór /ameenír wa xwaylúya? Ahaá baré, hhawaate sleémeero tla/eeri'ín ngaa ohiné' adór /ameenír baraá slahh'amuú xwayla, nee gitsee/er'ín iri kalay warqeer?

YEREMIA 38:22

ga/aaweek, /ameena sleémeero tidá' taa geexáy baraá doó waawutmoó Yuda, kana huúw ay amór geeraharuusér waawutmoó Babuloni, i kat, ‹Waawutmo kwa al/aáy nee mulqeerós ar kilá' nee kuri baál, hám daxta inós aa /eét baraá buunqa, mulqeerós gwa baraadá' i geexeér.

YEREMIA 4:30

Kiíng Yerusalemu taa tawo geexáy. Gár tlabaá kal'aá da/aten kis dahas? Gár tis parootus ar sahaábu a milá? Nee gár hhamhhamaá ilaawók kis qaaliin? Tin tawo parootús. Sla'aaruuseerók iga qaroó waaqá', nee inooín gár i slaiya' in gaasiyá'.

YEREMIA 4:31

Afo ana axaás adór afór /ameenír asltá xwayla. Tseeo a adór tidár /ameenír na/oó baris gu laqwaliim. Gadaádá' a afór Siyoni tidá' hiinsluuwós bu'umitaaká, nee dabaawós gaa gan'ás iwa kat, ‹Tsaxwaaeé', aga slar/aát dír geeraá tsu/uutuuse.› »

YEREMIA 48:41

Gixsaduín ki hayoh nee ku/er'ín tidá' gawden ka hhaaf. Baalaarihe munér pihhuusér Moabu tari adór muunuú /ameenír dír asltá xwayla.

YEREMIA 5:31

Aaruuse i lamtá aariiriín, kaahamuusér Mungú muu gun geeraharaahát ar sager'ín, slám muk'eé' adoodá' ga slaa'. Ala alhhe'eesoó tí birna xáy, adór ta /isa' a adoomá?

YEREMIA 6:24

Múk Israeli tari oó', «Atén kangw'ín ugwa axaasaán, dabaarén na tsatmiitiyé', amotlakwe taa sleér, slahh'amuú adór kuquú /ameenír xwayla taa sláy.

ESEKIELI 28:9

Xáy, kuúng aqo kumíta tawa kat, ‹Aníng a mungú,› dír geeraá mukdá' kuúng u gaamisa? Kuúng tin tsáhh adór tar hee, ala a munguheeká dír geeraá mukdá' kuúng u tlaqmiisa'a.

Matayo 24:8

Muruuwí sleémeero an iimu/úngw slahh'amu.»

1 Tesalonike 5:3

Qoomaadá' tawa kaahi, «Wayda i deer nee amohhooa,» qoomaadá' an tidár hhitiru'uuma nuwa hhaawis, adoodá' /ameenír tsiiháy asltá xwayla ngir i hardaraarat. Ala guway ku aleeslayká.