YEREMIA 13:19 - Biblía Axweesantá Hhohho' ar Mungú 2004

¹⁹ Gixsadaá Negebu sleémeero kaa afe tsegiít, heé gweeraro gi aleesláw i kaahh. Múk Yuda sleémeero kura tláy baraá loohaay, inooín sleémeero kaa huúw baraá lawaali'iima.»

YEREMIA 13:19 Iomraidhean Croise

2 WAAWITÁ 25:21

Waawutmo Nebukadnesa mukwí sleémeero guna Riblárí tsuú/ baraá yaamaá Hamati. Gawaá adoorihe, múk Yuda kuna ar tláy baraá yaamuuine.

1 QOM'I 9:1

Umér múk Israeli kana gooín ar tlahhi'i, kaangwí dír kway gooín a baraá kitaábuú waawituú múk Israeli. Nee múk tlahhoó Yuda kuna ar tláy ay yaamaá Babuloni as inkihhimu wasler'ín.

YOBU 12:14

Bira fe/iít, heé tleehharo ga aleesláw i kaahh, hee burngwa tseék, heé gweeraro gu aleesláw i kaahh.

YEREMIA 17:26

Muu ni hardah amór gixsadaá Yuda wa alé, nee ayeemaá Yerusalemu ngaa harweeriye', múk yaamaá Benyaminír daáhh, nee oo yaamaá Shefela, nee oo yaamaá tlom'i gi daáhh, nee oo Negebu as ilahhooár da/a ngiwa huwiya', nee ilahhooár muruú ta tsu/i, nee ilahhooár bu'uungw, nee mooyángw tsuú' dinkwa nee ilahhooár sluufaay. Muruuwí sleémeero kungun huuw baraá doó AAKOÓ MUNGÚ.

YEREMIA 20:4

Asma AAKOÓ MUNGÚ i kaahi, ‹Qaytsiít aníng kuúnguú kilá' u de'eérí tleés, mulqeerók kari dae tláq. Inooín kin tsuu/ ar paánga, nee wakuuser'ín dír ilaawók wa alé. Múk Yuda sleémeero un haniís baraá dabaá waawutmoó Babuloni, inós bahh'ale gin loohatis ay Babuloni, nee bahh'ale gin tsuu/ ar paánga.

YEREMIA 24:1

Nebukadnesa waawutmoó Babuloni, Yekonia garmoó Yehoyakimu waawutmoó Yuda guna Yerusalemúr wa loohatís ay yaamaá Babuloni, dinkwa nee geeraharuusér Yuda, nee mukdá' maray tlehhtuwo gi xua, nee kareerahe. Aluudae AAKOÓ MUNGÚ aníng ina iigu'uútuwí laqán. Aníng lakwaantoó tsár oo /aantsír aa hamat una ár kwa qaás dír geeraá Doó AAKOÓ MUNGÚ.

YEREMIA 28:4

Sleeme Yekonia garmoó Yehoyakimu, waawutmoó Yuda, dinkwa nee muu sleémeero oo Yuda, kudá' taa loohatís ngu ki/ís. Kár eeít, taaqwantidár waawutmoó Babuloni a geqáw, Anuú AAKOÓ MUNGÚ tí ngina oó'.› »

YEREMIA 32:44

Muu qamu gin tlaxún ar peésa, gooidá' qamu kir aali kan gooín nee kari dugenií qaas nee lamabu'uuseero. Adoorí kan tleehh baraá yaamaá Benyamini, nee iisaapoó Yerusalemu, nee baraá gixsadaá yaamaá Yuda, nee baraá gixsadaá yaamaá tlom'i, nee baraá gixsadaá Shefela, nee baraá gixsadaá xaanxoó Negebu. Asma aníng inooín i malé diihhooárí ki/ís. Anuú AAKOÓ MUNGÚ tí ngina oó'.»

YEREMIA 33:13

Baraá gixsadaá yaamaá tlom'i, nee gixsadaá Shefela, nee baraá gixsadaá xaanxoó Negebu, nee baraá yaamaá Benyaminiwo, nee baraá yaamaá iisaapoó Yerusalemuro, nee baraá gixsadaá Yudawo, muu bee/angw'ín gu malé fadiit. Anuú AAKOÓ MUNGÚ tí ngina oó'.»

YEREMIA 39:9

Naagáy Nebusaradani geeraharusmoó xuumuuse mukdá' sleémeero aa meet baraá gixsár Yerusalemu guri huúw baraá yaamaá Babuloni, nee kudá' sleémeero naa amoorós i haragwaaiye' dinkwa nee kudá' sleémeero naa meetiye'.

YEREMIA 52:27

Waawutmo Nebukadnesa oo Babuloni mukwí guna muúx, guri tsuú/ baraá Ribla tidár baraá yaamaá Hamati. Gawaá adoorihe múk Yuda kuri loohatís baraá yaamuuine.

YEREMIA 52:28

Gár taa diirí gooín a faarór mukdá' Nebukadnesa aa loohatís: Baraá kurkú faanqw oo waawuti'iimarós, múk Yahudi oo aa loohatís a kume tám nee mibeeri tsár nee tám,

YEREMIA 52:30

Kurkú mibeeri tsár nee tám oo waawuti'iimár Nebukadnesa, Nebusaradani geeraharusmoó úr oo xuumuuse, múk Yahudi oo ira tláy a tsiire faanqw mibeeri tsiyáhh nee kooán. Muu sleémeero oo taa loohatís dinkwaaro a kume tsiyáhh nee tsiire lahhoó'.

WA/AA/I 1:3

Múk Yuda kwaa loohatís as slahh'eemis nee lawali'iimár xaraasl, inooín tan baraá tla/ángw xoorduú wa hoot, ala amohhooár ta slaslay i káhh. Inooín kaa ohín nee mukdá' gi eeharahár qoomár iwa baraá slahh'amuín i dirii'iya'.

SEKARIA 7:7

Xáy, /aymi'iiká' a kudá' AAKOÓ MUNGÚ naa oóiíke ar afér aaruusér aáng, qoomár Yerusalemu kawa hoót nee muu nee slaasláw kawa sláy. Qoomár gixsaduuwós ngiwa harweeriyé' nee yaamaá Negebu nee Shefela kiwa hoót nee muu.

DABE 28:15

«Ala barnaxes kuúng afór AAKO MUNGÚ, Munguúwók, aga iialooeská, laqaá barnaxes hara'ayaarós sleémeero nee dabeerose, tí laarí ni kah, aga harmagahhká ooharo, naagáy kuúng lo'oorí sleémeero un /ák:

DABE 28:52

Mukwí kuúng un harweer baraá gixsaduuwók sleémeerowo, ay dír koo/irók tidá' gawden, tidá' taa haraxu' i yaamií huuhu'uun umuú diiro baraá yaamuuwók, kudá' AAKOÓ MUNGÚ, Munguúwók naa haniisi.

YOSHUA 18:5

Inooín yaamu ngi ka'amiisiye' baraá ayeemo faanqw. Ala tlahhoó Yuda i meeti dirós tidá' kway ka'aás amór bihhaá basko, nee xwaylár Yosefu i met dir'ín tidá' ki ka'aás bihhaá /iiko.