YEREMIA 13:16 - Biblía Axweesantá Hhohho' ar Mungú 2004

¹⁶ AAKOÓ MUNGÚ, Munguúhúng, diidi'iimisaak dír giwti ngira huwiiká nee dír tundura dukuutsiiká baraá tlom'aá giwa'a. Kuungá' gwa/aateema bira haraaxué', inós gin warqees tawa ma/mír aa qipit.

YEREMIA 13:16 Iomraidhean Croise

YOBU 3:5

Masók baalaadá' ma/ami nee giwtír aa qipit gan ót, huunkoó iló' ngi tuuntuuki. Ma/ami tlaatla/angwdá' ngu de'e tsat.

WARA'AMI 107:10

Bahh'alé tana hoót ar deewa'ame nee baraá wa/ángw giíw, kina slahh'eemiís ar tsegmuú muqsla.

WARA'AMI 107:14

Giri duúx baraá deewa'ameero nee baraá giwtiro, nee muqsladá' kira tsegiít gari giqáy.

WARA'AMI 29:2

Umuú AAKOÓ MUNGÚ xirfayeemisaak as kuwa úr, AAKOÓ MUNGÚ i tumbarara'ataak ar tlabaá hhohho'.

WARA'AMI 44:19

Tam adoorihe atén kuúng taa kwáhh ay dír tawer i hooti, atén kuúng taa geexeér baraá ma/amír aa kiqit.

TI'INAANGW 10:21

Aluuwo AAKOÓ MUNGÚ Mose guri báy, «Dakók gawaá doorí tleeseek, as kahhó' ma/ami yaamaá Misri ngiwa ot, ma/amír aa qipit tidá' hee iwa tararahhamiiti.»

AXWEESANOÓ SAGALOOA 4:19

Ala loohír múk tlákw a adór ma/amír aa qipit, Gár inooín gi gee/asliim ngi xuiaaká.

DAHARUSMO 11:8

Hee kureeraá yaariir birnga hoót, ngi saqwalaa/i, ala masók in inslawín adór deelór slahh'amaaye kar úr. Muruú aluú wa hi'iít sleémeero a tawo.

ISAYA 5:30

Baalaadae nin /orootliyá' gawaá múk Israeli adór tlawtá aa lexwaandut. Heé yaamu gaa i qaytsiit, gár i ari a giwti nee slahh'amu, gwa/aateema kin tuuntuuk ar huunkáy.

ISAYA 59:10

Atén koo/i an dabár leelehhitaán a adór heé taampa an dabár leelehhitaán adór heé ilaá koomaaká. Tin sadukuuts tlaatla/aango adór múk xweeraá hi'imiít. Dír múk /uuruú kooma atén an adór tu'u.

ISAYA 59:9

Laatí an gár sakwasleemár ganaa' direne kas saáw, nee an gár hotaá ganaa'á' direne is kahhiya' atén gwa/aateema ina daamaán, ala naxés gaa a giwti kilós, gwa/aateema ina haraxuaán, ala hamí an baraá giwtír wa hi'imitaán.

ISAYA 60:2

Asma ga/aawaak daanduú yaamu ku tuuntuuk nee giwti. Ma/amír hhamhhám muu gu tuuntúk. Ala kiíng gwa/aateemaá AAKOÓ MUNGÚ i i gwa/aatiyá', xirfuuwós ku ar diroge.

ISAYA 8:22

ga/aawaak, tam yaamu kiri xuuxuu', ala gár ta ari aqo slahh'amu, nee giwti nee ma/amír aa qipit, inooín kiri tliwii/ baraá ma/amír hhamhhám.

YEREMIA 14:19

Aá AAKOÓ MUNGÚ, múk Yuda una tsuwa si'ima hhe'ési? Kuúng múk Siyoni una ló'wa áhhi? Ahaá, asma mista adoorír sláhh, tam hungu/uusaro ti aleeslayká. Atén wayda una harahhifaán, ala gár hhoo' ar taa slawaán i káhh. Harahhifo ana qaasaán as tawa hunguu/aan, kitaangose tina dae tsaát.

YEREMIA 2:6

Inooín taa yaahasi'iiká, ‹AAKOÓ MUNGÚ kudá' atén taa baraá yaamaá Misrír wa duux i amá? Kudá' atén taa geeraharahaar baraá darmuuwo nee yaamaá xaanxaay nee boh'e, baraá yaamaá kaahaar nee awa ma/ami, yaamaá muu ira waaraahhiiká nee awa ta hootiiká.›

YEREMIA 23:12

Gawaá adoorihe, loohir'ín tí dir'ine a adór loohír tar ninkiriitsiti ay baraá giwti, tidá' inooín kiwa tliwii/i niri huuhu'uná'. Asma aníng i amotlakwérí huúw qoomár muxtar'ín birna xeér. Anuú AAKOÓ MUNGÚ tí ngina oó'.

YEREMIA 4:23

Aníng ana qaytsiít baraá yaamu, naxés gaa a sluhhaay nee gár dáw i káhh. Doori ina i qaytsiít, gwa/aateema sleeme i kahhiyá'.

YEREMIA 50:6

«Muk'eé' a adór bee/ángw aa qwaar, kin qwaareemiis nee de'eemuuser'ín, kina gan'aás gawaá tlom'i, nin gawaá tloomarí wa tláy ay gawaá gongoamooqá', inooín slumtaín ngiri gunqareesiyé'.

YEREMIA 6:21

Gawaá adoorihe anuú AAKOÓ MUNGÚ a kah: Qaytsiít mukwí aníng u dukuutseérí qaás, dukuutseerí gi dukúts, giri daráhh yaamií alé. Ín baabá nee na/ii'ín nin dinkwaárií huuiyá', tam inslaawmo nee mulqumoowós aqo kin hhaamiis.»

YEREMIA 8:15

Atén gár taa harahhifaán a wayda kuwa slawaan, ala ar hhoo' taa slawaán i káhh. Qoomár tiwa hungu/uusi ana haraaxuaán kitaangose tina ló'wa dae tlaáq.

WA/AA/I 4:17

Ilaarén naa buqanumitiyé' as alee/isaay kuwa daamaramaan, baraá dal'amaayerene xoorór ba/amisaro ti aleeslawaaká ana daamaramaán.

ESEKIELI 21:15

Gawaá adoorihe awa yaariir naa diqiya' tsatiitiyé' nari huuhu'uné'. Afkú paánga dír afér maray'ín sleémeero gaa qwiiri/itís adór mankari, kaa qwiiri/itís as tsu/uta.

ESEKIELI 34:12

Adoodá' de'eemusmo bee/aangós kudá' aa diyaya/aat ngur leelehhaahhiti, an adoodá' aníng bee/angw'eé' ngur leelehhiit. Un haraaki/ís umuú dír iqo diyaa/ati, bál huunkáy nee ma/amír a kiqiti.

ESEKIELI 36:15

Aníng xoordaá hatlá' i malé pa/aángwí hanisaaká oo kuungá' nuwa /oosliislina'. Nee sleeme xoororhúng i malé dakuuská.› Anuú Aakoó MUNGÚ tí aga oó'.»

Yoeli 2:2

A deelór giwti nee gurhaami, deelór huunkáy nee ma/amí. Slawtá ur ar ingigi naa naká/, tlom'ii gi tuuntúk gay giwís. Gár adoorí kaa ariiká kureeriiwo iimír aange, slám ka baloó ariiká baraá qari sleémeero ar aluú wa hi'iita.

AMOS 4:13

Mungú an kudá' tlom'i gaa tleehh nee fur'aaro, inós inslawaywós gun dír heéwí oo', inós an kudá' tlaatla/aangw gu xweerí warqeés, nee an kudá' sagér tlom'i ga yaamií adaráh. Inós umuuwós an AAKOÓ MUNGÚ, Munguú Aleesleemusmo.

AMOS 5:18

Tsaxwaahúng, kuungaásingá' deelór AAKOÓ MUNGÚ daamaaramá' ar ilatleeri. A milá gár kuungá' deeloorí kas ilatleerusa'? Deelór AAKOÓ MUNGÚ dirhunge a giwti ala a gwa/aateemaawooká.

MALAKI 2:2

Axaasaro bar sla'a'aaká, nee bar baraá munér i qaasaro a sla'a'aaká, as umuueé' iwa xirfuuti,» AAKOÓ MUNGÚ Aleesleemusmo i kaahi, «nu lo'órí huúw. Aníng tsuuqaahúng in lu'ús, nee, iga qaroó lu'ús, asma tí a baraá munerhúng i qamiinda'aaká.

Yohana 12:35

Yesu iri oó', «Qoomár niinawe gwa/aateema i kumiitiyá' iwa gwa/aatiya' dirhunge. Hi'iimité' ar baraá gwa/aateemaaká', giwti munduwa ót. Asma hee bir baraá giwtír wa hi'iimiit, amór i kay ga xuiiká.

YOSHUA 7:19

Yoshua Akani guri báy, «Garmaaeé', na'ás, AAKOÓ MUNGÚ, Munguú Israeli, xirfayeeseek, lama ma tsataar. Daxta gadaádá' taa tléhh na ooang dir'eéní ale. Nee ma gaa lu/aar tam ar wák dir'eene.»

1 Petro 2:8

Nee kaa malé gooín, «tlaa/ár inooín gi dukuuts, nee tlaa/ár inooín ta i huui.» Inooín Axweesantadá' haratlintaaooro kan siaasii'. Gawaá adoorihe axweesantadá' iri dukuutsmo tleehhít dir'ine, asma gaarí an gár Mungú aa qoomeés daandeemooine iimír iimu/uungo.

1 SAMUELI 6:5

Gawaá adoorihe slaqsa'aá um'iidá' naa ohine' tleehhaak nee slaqsa'aá gareeraá hhituuse baraá yaamuwo, kuungá' Munguú múk Israeli kuri xirfayesá', dooqa Mungú dakós gu har'oh gawaahunge, nee gawaá munguiihunge, nee baraá ayaahunge.