YEREMIA 13:11 - Biblía Axweesantá Hhohho' ar Mungú 2004

¹¹ Adoodá' inqwaarír siinootaay ira naga'át baraá afeetlaá hee, an adór múk Israeli nee oo Yuda ngaa laáq, ina gawaaeé' naga'aás, as inooín tawa muk'eé' tleehhiti, as niwa umuueér xu'utiitiya', nee iwa xirfayeemisiya' nee iwa diidi'iimisiya'. Ala inooín aníng iga iiárií qaasi'iiká.› Anuú AAKOÓ MUNGÚ tí ngina oó'.»

YEREMIA 13:11 Iomraidhean Croise

WARA'AMI 135:4

Asma AAKOÓ MUNGUÚ Yakobo guna tsawaár tawa kós, múk Israeli guna tsawaár as nguwa mukós tleehhi.

WARA'AMI 147:20

Muruuwí gwa tleehhiiká dír xoorór hatlae, Xoordaá hatlá' kaahirós ngi xuiaaká. AAKOÓ MUNGÚ xirfayeemisaak!

WARA'AMI 81:11

Ala muk'eé' afor'eé' ngaa axaasi'iiká, tam múk Israeli i slaiiká.

ISAYA 43:21

Mukdá' naa tleéhh as aníng as xirfuueé' nguwa alki/itiya'.› »

ISAYA 62:12

Kuungá' tunduri bay, «Múk hhohhó' oo Mungú, Múk AAKOÓ MUNGÚ aa gweér.» Kiíng Yerusalemu tiri bay, «Gixsár taa leeleéhh, Gixsár ta baloó geexayká.»

YEREMIA 13:1

AAKOÓ MUNGÚ aníng ina báy, «Tláw, inqwaarír siinootaay ar taa kitaánírár tleéhh tlaxweek, ka siinót baraá afeetlowók i alé, ala ma hhuuntsaar.»

YEREMIA 13:10

Mukwí tlákw, kwí axweesante'eé' gaa sii' axaasaro, kwí sagagawduuín gwaa eehar nee inslaway'ine. Munguaá hatlá' ngina eeharahariyé' nee ngiri sagadiyusiyé', nee ngina sluufmisiyé', mukwí tay adór inqwaarirí aa hifut, tí gár ya/amaaká.

YEREMIA 13:12

AAKOÓ MUNGÚ, Munguú Israeli, aníng ina báy, «Yeremía múk Israeli ku beeto, ‹Umuú sirwiro ka hatsiisi difaáiro.› Ala qoomár bira adoorí beér, inooín kuúng turi mu/aywaats, ‹Ahaá, atén a xuanaakáhe adór sirwi difaáiro kar hatsmamisi?›

YEREMIA 19:15

AAKOÓ MUNGÚ Aleesleemusmo, Munguú múk Israeli, i kaahi, «Qaytsiít aníng muruudá' tlákw naa axweemamiís daanduú gixsarihe nee ayeemaá inslaawaywós sleémeerowo ngu huúw, asma inooín sager'ín ngina gawdeesiyé' nee axweesante'eé' ngi axamisiiaaká.»

YEREMIA 32:20

Kuúng aange layu nee muruú waa/oo/amo una tléhh baraá yaamaá Misriro, tay laarí tlehhtuuwo a kumít baraá tla/ángw múk Israeliwo, nee baraá múk xoordaá hatlae, adoorí kuúng ugwa iia tleerés.

YEREMIA 33:9

Gixsarí dir'eene tari gixsár qwal/uú huwahuuw nee ilaiwa/ame nee xirif dír geeraá xoordu sleémeero awa yaamuwo, kudá' kaangwí ngu axaasá' oo hhooeemaadá' naa dír múk Yerusalemúr i haniís. Inooín tari da'ayuut nee tari daaraax as kaangwí.»

YEREMIA 6:17

Aluuwo nuri xuumuuseérí qaás, nuri báw, ‹Afór tarumbeéta iiárií qaasaak.› Ala inooín tari oó', ‹A iiárií qaasanaaká.›

YEREMIA 7:13

AAKOÓ MUNGÚ i kaahi, ‹Hám daxta muruuwí kuwa qo tlehhahhiti'i, nee qoomár nuwa i axweemaamiís iga iiárií qasi'iiká, tam qoomár nuwa ateetaatiím aga ooiindi'iiká.

YEREMIA 7:23

Ala aníng hara'ayaarí ana dir'ínií oó', ina báw, ‹Afor'eé' iialooeesaak, daqaní aníng tari Munguúhúng nee kuungá' tari muk'eé'. Adoodá' nura hara'ayiím ar hootaak, adoorí tari hhooa dirhunge.›

YEREMIA 7:24

Ala inooín aníng iga ilaiwa/i'iiká laqaá axweesante'eé' nga iiárií qaasi'iiká. Inooín nina hootiyé' ar adoodá' sager'ine i slaiya', nee muner'ín tidá' gawden ngina eehariyé', inooín nina alií ki/iyé' kitángw tawa geerií kumiiti hhooeema tlehhtuwo.

YEREMIA 7:26

Ala inooín aníng iga iiárií qaasi'iiká laqaá iga axasi'iiká, ala inooín nina ak sage gawduduyé', muruú ak tlákw nguna tlehhiitiyé' ta baabi'ii'ine.»

AMOS 3:1

Gimsé' daxta, /aymi'iiká' AAKOÓ MUNGÚ aa axweés daanduuhunge iiárií qaasaak kuungaásingaá múk Israeli, xooroorí sleémeero inós naa duúx baraá yaamaá Misrír wa alé,

Luka 10:11

‹Tam teerír baraá gixsarhúng ar ya'aarén gaa leer, ngi kuukuuaán amorhúng i alé. Ala tí xuaak, waawuti'iimár Mungú naa tseewuúr.›

DABE 26:18

Nee AAKOÓ MUNGÚ laarí ooaro gaa gwa/atís adór kuungá' tar mukós oo kilá' adoodá' ngira oó', nee kuungá' gár tunduwa hariím a hara'ayaarós sleémeero an otá'.

DABE 26:19

Kuungá' nu xoorór ur tleehh ta xoorduukaá hatlá' sleémeero aa tlehhahhiít ba/a, as kuungá' inós kuwa xirfayeemisa', nee kuwa aleekala/a', nee kuwa ilaiwawaa/a'. Kuungá' tari mukós oo hhohhó' adoodá' AAKOÓ MUNGÚ, Munguúhúng ngira al'axweés.»

DABE 4:7

«Xooro tam ar wák ar ur i káhh ar munguúwós dirós i tseew adór atén nee AAKOÓ MUNGÚ, Munguúrén tir tsewén, qoomár bur alee/isáy firirimaán.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.