YEREMIA 12:8 - Biblía Axweesantá Hhohho' ar Mungú 2004

⁸ Muk'eé' kudá' naa tsawaár ugwa sakií/. Adór dirángw baraá sla/a aníng iga i /orootliyé'. Gawaá adoorihe aníng iga aáhh.

YEREMIA 12:8 Iomraidhean Croise

ISAYA 59:13

AAKOÓ MUNGÚ, atén aga dee/aanutaán nee ugwa satlaankaán, Munguúrén eeharto ugwa mawaán. Gár ta axweemamisaan a baramaani nee aahhi. Baraá muneerene lameemo in aldakutaán nee in kaahaán.

YEREMIA 2:15

Inós kuna i /oroótl nee direeri, inooín naa /orootliyé' ar afór uren. Yaamuuwós nga deeli tleehhiyé', nee gixsaduuwós nga sluhhay tleehhiyé', múk baraadá' wa hoót i kaahh.

YEREMIA 51:38

Inooín ni /orootliyá' dinkwár wa ale adór direeri. Tari /oorootl adór na/aá diraangw.

ESEKIELI 23:18

Inós iwa kumít fuqto nee /aankwetsuuwós laqaqaango, aníng ana máw adoodár kilá' aáng hho'oorós ngira máw.

HOSEA 9:15

Tlakweemaín sleémeero dír ni dahhiya' a Gilgali, asma amorqá' an amór ngiwa geerií aáhh. Aníng inooín i guús baraá dooeene, asma tlehhmi'ii'ín awa tlakw Aníng inooín i malé sla'aaká, geeraharuuser'ín sleémeero aa dee/aanuumít.

AMOS 6:8

Aakoó MUNGÚ lo'o gaa huúw ar umuuwós, AAKOÓ MUNGÚ, Munguú Aleesleemusmo i kaahi, «Aníng ti buhhtamis nee daara/ángw múk Yakobo, nee koo/irós tidá' aa parootuús aníng aga aáhh. Gawaá adoorihe gixsarí aníng a haniís dír wakuuse dinkwa nee umuú gaaro ar baraadií diriia.»

MIKA 2:8

Aako múk adoorí káh, gu babay, «Kuungá' muk'eé' un hara/uuntsiitsiindá' adór wakuuse. Múk naa baraá slaqwarár wa waatl kawa xui amohhooa i deer, laatí kuungá' in daamaraandá' kiwa inqwar hayota'.

SEKARIA 11:8

Aníng de'eemuusér tám ana tsuú/ baraá slahhángw wákí ale, asma aga slaaqaát as inooín, nee inooín sleeme án iga aahhiyé'.