YEREMIA 12:2 - Biblía Axweesantá Hhohho' ar Mungú 2004

² Kuúng inooín ina hátl, dee/ár nguri sihhiyé', nina urarayé' mamu ngiri laqwaaliyá'. Kuúng afer'ine burtu kah kwaáo tu tseéw, ala baraá muner'ine tu saáw.

YEREMIA 12:2 Iomraidhean Croise

YOBU 24:12

Baraá ayko /ifór múk slahhaá' tiqtiro a axamiisaán, nee múk slahhaá' inkahhi'iiwo i alee/isoó firiirín, ay nee hamí Mungú /aa/aá mukwí gi axamiisiiká.

YOBU 5:3

Daktantá aa slu/ubibiin ana ár, aníng hotaarirós ngari gaanslár lu'ús.

WARA'AMI 37:35

Heé tlaákw una ár adór ir ló'wa xaraasli. Tina tsaafiís adór haleemaá xaa'aá miereési ar gawaá tloomár Lebanoni.

ISAYA 29:13

Asma Aako i kaahi, «Mukwí aníng in sluufmisiyá' ar afér tawo, nee in xirfayeemisiyá' ar axweesanoó tawo, siwaadár kilae muner'ín ka sawen dir'eene, nee aníng in ilaiwawa/iyá' ar hara'ayár taa dir'íní intsaahhatís nee muu.

YEREMIA 11:17

«Anuú AAKOÓ MUNGÚ Aleesleemusmo, kudá' kuugá' naa qaas baraá yaamuuká', amotlakwe ngi gawaahúng i huúw, kuungá' múk Israeli, nee oo Yuda asma tlakweemaadá' taa tlehhé'. Aníng iga buhhtisiyé' as mooyángw tsuú' nguwa da/iyé' dír munguúdá' ta bay Ba'ali.»

YEREMIA 3:10

Tam adoorihe hhaeeín awa Yuda kudaá al/aymuuse naa amor'eénií ki/i'iiká ar muner'ín sleémeero, aqo har hhahhafiingw kilós. Anuú AAKOÓ MUNGÚ tí ngina oó'.»

YEREMIA 45:4

«Ala aníng AAKOÓ MUNGÚ ina báy, kuúng uwa ádbaw, ga/aaweek, tidá' aáng naa tleéhh aga feé/, nee tidá' na dahasiím aga tuú/, adoorí an tleéhh baraá yaamu sleémeero.

ESEKIELI 33:31

Nina dír geeraawók i hardihiyé' adór múk wa ale, nee nina dír geerawók i iwiitiyé' adór muk'eé', axweesantók ngiri axaasiyé', ala naa iialooeesi'iiká. Barta axwees i sla'aarír koná', ala muner'ín i baraá slaasláw leelehhit.

HOSEA 7:14

Aníng i firirina'aaká ar muunuú ló', qoomár niwa gawaá qateenoín wa /a/amina'. Gár naa i burumburitiyé' a balaangw nee difaái, aníng iga aahhiyé'.

HABAKUKI 1:13

Kuúng tu hhoohhoó', tam gár tlaakw ii qaytaro a sla'aká, kuúnguudá' sagagawdu gu sla'aaká arto. Ahaá waáy, mukdá' al/aymár tlehhiít misa tawo ga/eér nee tari dirógí xaslít, qoomár heé tlaákw bar heé hota ganaá' ta inose gu gaamiis.»

Matayo 15:8

‹Mukwí aníng in ilaiwawaa/ ar afér tawo, ala muner'ín ka sawen dir'eene.

Marko 7:6

Yesu giri báy, «Tidá' Isaya aa aarír wa oó' daanduú hhaahhafingwhunge ar ló', adoodá' kara gooín, ‹Mukwí aníng i ilaiwawaa/ ar afe, ala muner'ín ka saaw dir'eene.

Tito 1:16

Inooín ta kaahi atén Mungú u xuaán, ala inooín Mungú ku siaasii' ar tlehhemi'ii'ín. Inooín a múk aa dee/aanuut ló'wa ale, múk iawaslén, Múk hariimaaká gadiyér hho' tam ar wák kawa tleehhi.