YEREMIA 12:14 - Biblía Axweesantá Hhohho' ar Mungú 2004

¹⁴ AAKOÓ MUNGÚ i kaahi, «Aníng gár ni oo' i deer dír inslaawoó múk Israeli, kudá' yaamaá naa muk'eé' haniís nga hhitine'. Ga/aaweek, Mukwí tlákw aníng un hingeés baraá yaamuuine. Tam múk Yuda un hingeés baraá yaamuuine.

YEREMIA 12:14 Iomraidhean Croise

WARA'AMI 105:15

Aakoó Mungú iri oó', «Sagadiyuuser'eé' ar hhohho' ma kwatiitara', aaruuser'eé' ma gár tlaákw i tleehhara'!»

WARA'AMI 106:47

Ti ba/amis, AAKOÓ MUNGÚ, Munguúrén, ti dinkwárí ki/is baraá múk xoordaá hatlae. Daqaní kuúng un sluufisaán as umuuwók kudá' hhoohhoó', atén tay xirfuutaán as xirfuuwók.

YEREMIA 2:3

Múk Israeli a múk hhohhó' dír AAKOÓ MUNGUHE, xwaylarós tidár baris. Heé gi gár tlaákw i tleéhh i hhitiruut, amotlakwe ga sláy.› Anuú AAKOÓ MUNGÚ tí ngina oó'.»

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 3:18

De'emaadae múk Yuda nee oo Israeli ti haragwaa', sleémeero niri yaamuudaá bihhaá /iíkwí tlayá', niri hardihiyá' baraá yaamuudá' aníng naa aalír wa haniís dír baabi'ii'ín.»

YEREMIA 32:37

ga/aaweek, aníng inooín in baraá yaamu sleémeeró wa burumbuúr, amoodá' ngay guús as buhhtaaeé' nee xarasleemaeé' as niwa qa/iít. Inooín in malé diirí ki/ís. Aníng inooín ngiri waydúr hootiís.

YEREMIA 48:1

Axweesantí an tidá' AAKOÓ MUNGÚ Aleesleemusmo, Munguú Israeli aa oó' daanduú xoorór Moabuwo iwa kaahi, «Tsaxwaahúng múk Nebo, asma gixsa ka xaanxay tleehh. Gixsár Kiriataimu kari mureekees, kari hayoh, koo/irós tidá' gawit ka mureekees, kari yaamií daahh.

YEREMIA 48:47

Tam adoorihe aníng múk Moabu un diihhooárí ki/ís de'emaá hi'iita'a. Anuú AAKOÓ MUNGÚ tí ngina oó'. Kaangwí an sakwasleemár múk Moabu gu slaw.»

YEREMIA 49:1

Axweesantí an tidá' AAKOÓ MUNGÚ aa oó' daanduú múk Amoniwo. AAKOÓ MUNGÚ i kaahi, «Xáy, múk Israeli i daaqoó konkáhe? Xáy, múk Israeli i aaliitér konkáhe? Ahaá ala munguú ta bay Milkomu baré yaamaá Gadi gina aál, nee mukós gixsadá' kay tooín tleéhh?»

YEREMIA 49:7

Axweesantí an tidá' AAKOÓ MUNGÚ Aleesleemusmo aa oó' daanduú múk Edomuwo iwa kaahi, «Xáy, sagalooa i káhha baraá Temaniro? Xáy, kudá' daharuú koomá' hara'aya aa qwádi dir'ine? Sagaloa aa qwanaay hhe'ési?

ESEKIELI 28:25

«Anuú Aakoó MUNGÚ a kah, Án múk Israeli un burumbuúr nee nguri dinkwárí ki/ís baraá xoordu sleémeero amoodá' ni diyaya/atiyé'. Gawaá adoorihe múk xoordaá hatlá' gari tsaahh adór aníng tir hhoohhoó'. Múk Israeli tari hoot baraá yaamuudá' aníng naa sagadiyusmooeé' Yakobo ii haniís.

ESEKIELI 28:26

Inooín tari baraaká' wa hoot ar saxareema, maray'ín ngiri tleehhiyá' nee xaa'aá sabiíbu ngiri dahaasiyá'. Inooín tari hoot ar saxareema, asma xoorduudá' inooín ngi slahh'eemiisá' aníng i sakwasleemuút. Daqaní inooín ngiri tsaahhiyá' adór aníng tar AAKOÓ MUNGÚ, Munguúín.»

ESEKIELI 36:24

Aníng kuungá' nu duúx baraá tla/ángw xoordú wa alé, nee nuri burumbuúr baraá yaamaá dah'iimár wa alé, nuri ki/ís baraá yaamuuhúng awa kilá'.

ESEKIELI 36:5

«Ala hám daxta aníng taa ló'wa buhhtís, aníng xoordaá hatlá' i sakwasleemuút, kawa ure múk Edomu. Inooín adoodá' yaamuueé' ngiwa kooín tleehhiyé' ngina saqwalaala/iyé', aníng iri waaqaaiyé'.

ESEKIELI 37:21

Kibeeto, Anuú Aakoó MUNGÚ a kah, Aníng múk Israeli ngu ki/ís baraá xoordudá' nay tlay'i, in burumbuúr bihhe sleémeerowo, ngiri ki/ís baraá yaamuuín i alé.

HOSEA 1:11

Múk Yuda nee múk Israeli ta haragwaa' diinkwárí alé, geeraharusmooín oo wák kuri tsawaar, inooín nay diihhe'eesiyá' baraá yaamuudae. Asma deeloodár Yesre'eli ka ló'wa ur.

SEKARIA 1:15

Ala aníng xoorduudaá baraá diihhooár hootá' ina buhhtisiyé'. Ar ló' aníng múk Israeli una i buúhh gár niinawe, ala xoordu slahh'maayedá' ngina doogiyé'.›

SEKARIA 2:8

AAKOÓ MUNGÚ Aleesleemusmo, kudá' iga ya/aaw as xirfuuwós daanduú xoorduudá' kuungá' na loohatisi'i i kaahi, «Heé kuungá' naa kwatiit, a maamár iltaeé' gana kwatiít.

DABE 28:63

Adoodá' AAKOÓ MUNGÚ ngira slaá' uri dihhooárí haniís, nee uri tlahhás, an adoorír kilá' AAKOÓ MUNGÚ gan slaa' kuúng uwa amotlakweérí huwi, nee uwa hhaamiisi. Kuúng turi hingees baraá yaamuudá' ta aalír eera.

DABE 30:3

daqaní AAKOÓ MUNGÚ, Munguúwók uri ki/is baraá amohhooarók, nee guruuwós iri tláy as kuúng, nee uri ki/is baraá xoorduudá' uy diyaa/i.