YEREMIA 12:12 - Biblía Axweesantá Hhohho' ar Mungú 2004

¹² Gawaá tlom'aá kwankwaari sleémeero awa baraá xaanxaywo, mukdá' gi hhaamiís naa hardáh, paángár AAKOÓ MUNGÚ i hardát as yaamu ngiwa hhaamis, bartaqá' wa aleeró ay tiqá' hee tumu wák oo waydúr hoót i kaahh.

YEREMIA 12:12 Iomraidhean Croise

ISAYA 34:6

AAKOÓ MUNGÚ i paángár kón, aa da/atuúr tseerero, wayo ngaa oohiyé' tseerdu a adór kuqaá deeloó bee/aangw nee oo aara, tlawaanqa a tidár guumbayayáuú gwaandaawe. Asma AAKOÓ MUNGÚ amór Bosraro i ilahhooár muruú ta tsu/i ga hanmiis, tsu/utár yaariir baraá yaamaá Edomuwo i deer.

ISAYA 57:21

Munguúeé' i kaahi, «Wayda i kaahh dír múk tlakwe.»

YEREMIA 15:2

Burta báy, ‹Amór ti tlawaan a amá?› Ki beer, AAKOÓ MUNGÚ i kaahi, ‹Kudá' ta tsu/i ar tiqtír pu/i, ki tsuu/ ar tiqtír pu/i. Kudá' qatlá' ar kiwa tsu/i baraá slaqwara, ki tsuu/ baraá slaqwara, kudá' ta tsu/i ar qwari, ki hhaamiis ar qwari, kudá' tar tlay baraá loohaay, aqo kin ar tláy.›

YEREMIA 16:5

Asma AAKOÓ MUNGÚ i kaahi, «Ma dahaar baraá doó hee iwa gwaá', laqaá ma tsuunqumisaar, laqaá mi alee/aa/amimaar. Aníng waydueé', nee sla'aarír warqawaaká, nee gurtleemueé' iga hingeés dir'ine.

YEREMIA 25:11

Yaamuuká' sleémeero ni taangu tleehhitiyá' nari deewaaiyá', nee xoordaá inslaawaywí waawutmoó Babuloni ngun sagadiyuusiyá' kureeri mibeeri faanqwe.

YEREMIA 3:2

Axáy ilaawoge sagér tlom'i xuxueek. Dii a diimá ar kuungá' nee inooín tawa alqati'iiká? Mulqeerók ana daamaraán bihhaá loohír wa aleeró adór Ma/araábuduú baraá xaanxaay. Yaamu iga meetagasé' ar tsaatu'uumarhúng tidá' slasla/aruuwo aa harwaarahh.

YEREMIA 3:21

Tsimaahhi an gawaá sagér tlom'i axamisaán, tsuunqusmo nee /aa/aá na/aá Israeliwo. Asma loohír ganaa' ngina dakuusiyé', AAKOÓ MUNGÚ, Munguúín, nguna gunqaaresiyé'.

YEREMIA 30:5

AAKOÓ MUNGÚ i kaahi, «Afór dae tlaaq aga axaasaán, /aa/aá dae awa wayda wasl.

YEREMIA 34:17

Hám daxta, anuú AAKOÓ MUNGÚ a kah, As kuungá' aníng iwa iialooeesi'iiká, as lawaaleedá' kawa gwedi'iiká. Ar ló', aluuwo aníng kuungá' nu gweér, aníng kuungá' nu gweér as tunduwa tsu/i ar paánga, nee giyeé nee tiqtír pu/i. Aníng xoordu sleémeero i dae tsaát, qoomár birnga axaasiyé' tidá' ni tleehh.

YEREMIA 4:27

AAKOÓ MUNGÚ i kaahi, «Yaamu sleémeero i xaanxay tleéhh, ala sleémeero i ak hhitiimaaká.

YEREMIA 46:10

Baalaarí an baalár Aako, MUNGÚ Aleesleemusmo, an baalár inós li/ay nguwa bui. An deelór wakuuserós ngiwa sakwasleemuti, mukwí paánga gun /ák ay dír i hhe'es. Tseerer'ín gan wát ay dír i ax. Asma Aako, MUNGÚ Aleesleemusmo ilahhooár muruú ta tsu/i ga hanmiis amór yaamaá /iya awa iisaapoó yaaér Eufrate.

YEREMIA 47:6

Aá, paángár AAKOÓ MUNGÚ, ay xaylá ta kumaamit? Dír tara tsauuriká kií/ baraá tlakwaywók, ta hungu/ús, xasliít.

YEREMIA 48:2

Xirfuú múk Moabu aa faák! Baraá Heshboniro ta kangwkoó qoomeemees daanduuwoge, ta kaahi, ‹Gimsé' i hhaamiisaán mindiwa malé xooro tleehhitiyé'!› Kiíng gixsár Madmeni sleeme ti xasltis, paánga iri eehát.

YEREMIA 8:15

Atén gár taa harahhifaán a wayda kuwa slawaan, ala ar hhoo' taa slawaán i káhh. Qoomár tiwa hungu/uusi ana haraaxuaán kitaangose tina ló'wa dae tlaáq.

WA/AA/I 3:17

Baraá muunaáeene wayda aa qwaár, adoodá' qwala/ i dirii'i aga gunqareés.

ESEKIELI 14:17

«Barnaxes aníng slaqwara an iimu/uuma dír yaamuukae ar muu nee makaywo kiwa hhaamisi.

ESEKIELI 21:28

«Heewí, aariím daanduú múk Amoniwo, nee daanduú axweesantaín tidár waaniqaay dír múk Israeliwo. Inooín ki beer, ‹Paánga! Paánga kaa amohhe'eés muu tsu/taaro, kaa duúq as ngiwa hhaamis, kaa qwiiri/iís i war'eeliín adór mankari.

ESEKIELI 21:4

Aníng inooín i tsuú/ iimír bihhaá baskú wa ale ay bihhaá /iiko, muu sleémeero oo tlákw nee oo hhoe nguri ló'wa hhaamisa ar paángar'eé' tidá' naa baraá qawáy wa duúx.›

ESEKIELI 21:8

Axweesantá AAKOÓ MUNGÚ ana male axaás, i kat,

ESEKIELI 21:9

«Heewí, aariím ta o', Aakoó Mungú i kaahi, ‹Paánga! Paánga kaa duúq nee kari /awaakeés sleeme.

ESEKIELI 5:2

Ala gixsár Yerusalemu barka hhe'eés harweeraro, ufuú wák oo se'eengók, baraá ufeedá' tame, da/eek baraá gixsár i alé. Ufuú hatlá' paángaro tlaaqeek, gixsa tir harwet. Ufuú tám kuduú alhhe'eesáy ku tsiyayaáx ar fur'a. Aníng paángar'eé' a aluú wa geeleéhh as nguwa diyaa/.

TLAHHOÓ LAÁWI 26:33

Nun tsiyayaáx baraá tla/ángw xoordu, nee nuri paangadúr ayá', yaamuuhúng niri darma tleehhiyá' nee gixsaduhúng niri hhituruutiyá'.

AMOS 9:4

Inooín tam bar kira tláy nee wakuuser'ín kiri loohatís, aníng paánga an ya/aáw amoodá' i ale, inooín kiri tsuu/. Aníng inooín in harmagaáhh ngiwa hhaamiis, ala gár hhoo' dir'ín i tleehharo a sla'aaká.»

SEFANIA 2:12

Kuungá' múk Kushi sleeme tundu tsuu/ ar paángár AAKOÓ MUNGÚ.

DABE 32:42

Maheerieé' in xufitiís ar tseere, paángar'eé' fu'unaay giri /ák, tseerér mukdá' taa tsuú/ nee kudá' taa hayóh, tam geeraharuusér wakuuse sleeme.»

Geehhoeemaá 6:4

Faraásír hatlá' ar daa/aat adór asltá wa ale niri ti'ít. Nee heé faraásirí gaa i tsa/an kuri aleesleemuú i haniís oo wayda nguwa hingeesi baraá yaamuwo, as muu tiwa kilooín tsu/i. Nee paángár ur kari inós i haniís.