YEREMIA 12:11 - Biblía Axweesantá Hhohho' ar Mungú 2004

¹¹ Ngina darma tleehhiyé', gár i koon i káhh geeraaeene. Yaamu sleémeero a xaanxaay, slám heé ga gaárií xuú' i kaahh.

YEREMIA 12:11 Iomraidhean Croise

DAHARUSMO 7:2

Tsiní heé aa qaytsuú ay amór doó hee iwa gwaá', ta tawa daqeera amór doó deelór úr kawa qaás. Asma gwa'ara an alhhe'eesaay oo muu sleémeero, i ganá' múk slaáf tí binga insláy baraá muner'ine.

ISAYA 42:25

Gawaá adoorihe inós gin i daa/atúy buhhtaawo, tiri doogiyá' nee slaqwara. Buhhtaawós inooín ngin al'oohiyá', ala inooín kaa gaárí xuiiká. Kaa mak daá/, ala inooín gar naa tsaahhiyé' i káhh.

ISAYA 57:1

Heé hota ganaá' bira gwaá', heé adoorí ga gaárií xuú' i kaahh. Heé hhoó' bira gwaá', heé gaarí ga tsatsaahhaám i kaahh oo káh, «Heé hota ganaá' kura tláy, amotlakwe munguwa sleér,

YEREMIA 10:22

Iia qaasaak, afo taa i hardát, tsimaahhír xoorór yaamaá /iikú daahh ni hardát, gixsadaá Yuda giri xaanxay tléhh, tari dír hotángw intsaawe.

YEREMIA 10:25

Daa/atúw buhhtaawo daanduú xoordaá kuúng u xua'aaká, nee gawaá kudá' umuuwók ngu ateetima'aaká. Asma inooín múk Yakobo nguna tsu/iyé', nguna tsu/iyé' ngway hhaamiisiyé', yaamuuín ngiri taanguyé'.»

YEREMIA 14:2

Múk Yuda i tsuunqumiis, afér gixsaduuín aa sololo'ót, mukós aa yaamií huuhu'ún ta tsuunqumiis, nee múk Yerusalemu ta gáwtí tsee' /aa/eewo.

YEREMIA 19:8

Aníng gixsarí a dír de'e tlaaq tleéhh, nee gár ta waaqaseesen. Umuú heé waaraahha adoodá' birnga ár, iri da'ayuut nee gari waaqasén as slahh'amuudá' gaa slay.

YEREMIA 23:10

Asma yaamu naa hatsiyé' fuquseero, yaamu i tsuunqumiisiyá' asma lo'o, qawtantaín ar baraá darma aa kát. Tlehhma'aá muu ki ló'wa tlakw, /uuruuín kun ar gadiyuus ar adór qoomaaká.

YEREMIA 25:11

Yaamuuká' sleémeero ni taangu tleehhitiyá' nari deewaaiyá', nee xoordaá inslaawaywí waawutmoó Babuloni ngun sagadiyuusiyá' kureeri mibeeri faanqwe.

YEREMIA 4:20

Slahh'amaaye tí bira waaráhh ar tidá' ba/a nin ti'ít, yaamu sleémeero naa hhitiruutiyé'. Heemaduurén kaa wa'aá wák ar hhaamiís, nee inqwaruú pe/eeriiwós kuna karslamiís.

YEREMIA 4:27

AAKOÓ MUNGÚ i kaahi, «Yaamu sleémeero i xaanxay tleéhh, ala sleémeero i ak hhitiimaaká.

YEREMIA 4:28

Gawaá adoorihe yaamu i tsuunqumisiyá', nee doori i boo/ayá'. Tí án aga oó', i baloó warqeeraaká. Aníng tí aga ístí tsaát, sleeme a alií ki/aaká.

YEREMIA 6:8

Múk Yerusalému, tí masók a gurbu'utahúng, laqaá bar adooriheeká nun ló'wa kwaáhh ar aahhi, nuri xaanxay tleéhh oo hee i baloó hootiiká.»

YEREMIA 9:10

Aníng an /aa/aá áw gawaá sagér tlom'i, nee an tsuunqumiís as qawtantá hikwa ar baraá darma, asma yaamu naa xaanxay tleehhitiyé', tam gár baraadár waaraahh i káhh. Baraadae afór hikwa a axaská nee ar tsir/ooro, nee ar makaá sla/to, asma sleémeero naa diyaa/atiyé'.»

YEREMIA 9:11

AAKOÓ MUNGÚ i kaahi, «Aníng gixsár Yerusalemu a ufuú tse/ewasi tleéhh, tay dír qatuú intsaawe. Gixsadaá Yuda in xaanxay tleéhh, heé gi hoót iri qwaar.

YEREMIA 9:9

AAKOÓ MUNGÚ i kaahi, «Xáy, mukwí uqo sakwasleemutakáhe as muruuwí, xáy, li/oó muruuwí uqo buaakáhe dír xoorór adór tihe?

Yoeli 1:10

Qamu naa hhitruutiyé', yaamu i tsuunqumisiyá', asma balaangw aa hhitruút, nee sabiíbudá' ta difaáír ar tlehhiiti aa káh tam di/i i káhh sleeme.

TLAHHOÓ LAÁWI 26:32

yaamuuhúng in hhitiím tam wakuuserhúng ar baraadií loohoó slaa' kiwa waa/oo/i.

SEKARIA 7:5

«Muu sleémeero nee kaahamuusér Munguhe ki beer, ‹Qoomár tawa gwaawiindé' nee tawa tsuunqumiisé' umuúqo slahhángw kooán nee oo faanqwe, baraá kureeriká mibeeri faanqw awa naa waarahhii'i, xáy aníng ina sa gwaawiindí'i?

MALAKI 2:2

Axaasaro bar sla'a'aaká, nee bar baraá munér i qaasaro a sla'a'aaká, as umuueé' iwa xirfuuti,» AAKOÓ MUNGÚ Aleesleemusmo i kaahi, «nu lo'órí huúw. Aníng tsuuqaahúng in lu'ús, nee, iga qaroó lu'ús, asma tí a baraá munerhúng i qamiinda'aaká.

Rumi 8:22

Asma atén a xuaán adór tam ay laarí mura' sleémeero kudá' taa tleéhh ir /ifi baraá slahha'amaayér wa ale adór /ameenír asltá xwayla gaa da/.