YEREMIA 12:10 - Biblía Axweesantá Hhohho' ar Mungú 2004

¹⁰ De'eemuusér yaariir qaymor'eé' ar sabiíbu gaa hhitiín. Daqaari'iimar'eé' nga yaamií kalaa/iyé', qaymor'eé' tidá' hhoohhoo' nga xaanxay tleehhiyé'.

YEREMIA 12:10 Iomraidhean Croise

ISAYA 3:14

AAKOÓ MUNGÚ i dah baraá sakwasleema, dinkwa nee bariise nee geeraharuusér mukós, «Kuungá' an kudá' qaymór sabiíbu aga /age', daqaari'iimár taa dír narkuutér wa hayohindé', aga batsé' baraá marayhúng.

ISAYA 43:28

Gawaá adoorihe aníng geeraharuuseedá' hhohho' an meeta gaás. Aníng múk Yakobo nguri hhaamiís, nee múk Israeli nguri máw kuwa /oosliislin.»

ISAYA 63:18

Mukók kudá' hhohhó' har qoomár niinawe yaamu gina aál, ala wakuuseerén niri hardát, dirók tidá' hhoohhoo' kari yaamií kalaá/.

YEREMIA 23:1

Tsaxwaaín de'eemuusedá' bee/ángw hhaamimiis, nee gu baraá qawtantaeé' wa diya/aam.

YEREMIA 25:37

Daqtidá' amohhoo' kaa hhitín, asma buhhtaadá' xaraaslá' awa AAKOÓ MUNGÚ.

YEREMIA 25:38

AAKOÓ MUNGÚ mukós gwa tawo geexáy, adór diraangw mar'irós ngir tawo gixaaxay. Yaamuuín naa deewaaiyé' asma slaqwarár mukdá' gi baramaanuús, nee as buhhtaá xaraaslá' awa AAKOÓ MUNGÚ.»

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 3:19

Aníng ngiwa xuu' geeraawo, kuúng un adór na/ay'eé' tleéhh, yaamaá sla'atimiisá' ngiri kuúngií haniís, aalír ló'wa hhoohhoo' baraá xoorduuwo, ngiwa xuu' geeraawo kuúng in baabuúwógár atét, nee kuúng in baloó meeraaká eeharto.

YEREMIA 39:3

Qoomár gixsár Yerusalemu kawa hayóh geeraharuuse sleémeero ar waawutmoó Babuloni tari dáh nee tari iwiít dír afkú tla/aangw. Umer'ín a ti: Nergal-sharesa, nee Samgar-nebo, nee Sar-sekimu heedaádá' úr oo mukdá' taa karmuumúy nee Nergal-sharesa geeraharusmoó xu'utuusér tsatse/ dinkwa nee geeraharuusér hatlá' ar aa met ar waawutmoó Babuloni.

YEREMIA 6:3

Muu in i hardah adór de'eemuuse nee daqooroó bee/angw'ín, heemaduuín kiri kikii' kiri kiíngár harweer, as daqooray'ín nguwa gan'aamisiya'.

YEREMIA 9:10

Aníng an /aa/aá áw gawaá sagér tlom'i, nee an tsuunqumiís as qawtantá hikwa ar baraá darma, asma yaamu naa xaanxay tleehhitiyé', tam gár baraadár waaraahh i káhh. Baraadae afór hikwa a axaská nee ar tsir/ooro, nee ar makaá sla/to, asma sleémeero naa diyaa/atiyé'.»

ESEKIELI 34:2

«Heewí, aariím daanduú de'eemuusér Israeliwo. De'eemuuse kabeeto, anuú Aakoó MUNGÚ a kah, ‹Tsaxwaahúng, kuungaásingaá de'eemuusér múk Israeli, kuungaásingá' ti kiloohúng /aymisá'. Xáy, hariimaro a de'eemuuse bee/angw'eé' gun /aymiskáhe?

ESEKIELI 34:5

Gawaá adoorihe, asma de'eemusmoó bee/aangwí iwa kahhi, inooín niri diyaa/atiyé', sleémeero tari /aymár makaá sla/a.

DANIELI 8:13

«Aluuwo malaykamoó wák una axaás iwa axweesi, malaykamoó hatlá' kudá' axweés guri yaahaás, ‹Xáy, muruuwí ta ooiin nee iigu'utuwí i kumaamitiya' ay xaylá? Xáy ilahhooár da/a ar umuú deelo tidá' taa hhitín waaqa'a'ati ay xaylá? Xáy, hhitiru'umarí ar umuú gaa kawa hhaamimiisi i kumaamit ay xaylá, nee didá' hhoohhoo' dinkwa nee múk Mungú kuwa yaamaá hara'adararahi ay xaylá?›

SEKARIA 7:14

Ala án inooín in diyaá/ ar bambaao baraá tla/ángw xoordaá inooín ni xuiaaká. As adoorí yaamuudá' naa geexayé' niri deewaaiyá', tam heé tla/angwdár waaraáhh iri kaahh, asma yaamuudá' sla'atimisá' kaa deewa'ameérí geexáy.»

Luka 21:14

Ala kuungá' baraá munerhunge gár ta oa' ma geerií amohhe'eemisaara'.›

Geehhoeemaá 11:2

Ala afeenidá' tsee/aá Doó Mungú i dirii' maweek, ma qoomeesaar. Asma afeenidá' kaa múk xoorduú i haniís. Nee inooín gixsár Mungú ka adarah ar ya'aaín slahheeri mibeeri tsiyáhh nee tsár.