YEREMIA 11:7 - Biblía Axweesantá Hhohho' ar Mungú 2004

⁷ Asma baabi'iihúng ina ló'wa gurbuú' qoomár ngiwa duúx baraá yaamaá Misrír wa aleeró, nee ana kumamiít nanaqaango ay laarí niwa kah, ‹Afór'eé' iialooeesaak.›

YEREMIA 11:7 Iomraidhean Croise

2 WAAWITÁ 17:13

Tam adoorihe AAKOÓ MUNGÚ aaruuse nee iigu'utuuse gana ya/aáw as múk Israeli kuwa nanaaqi nee oo Yudawo, iwa kaahi, «Lohduhúng kwisingá' tlakw mawaak, hara'ayar'eé' iiárií qaasaak, nee daber'eé' eeharaak, tidá' aníng aáng na hara'ayiím dír baabi'iihúng, nee tidá' na hara'iyiím ar loohír sagadiyuser'eé' ar aaruuse.»

2 QOM'I 36:15

AAKOÓ MUNGÚ, Munguú baabi'ii'ín, umuú daqto ya/abuuseerós gana amor'ín i ya/abiít, asma mukós nguwa gurtlay nee didár hootawose.

TI'INAANGW 15:26

Giri báy, «Barnaxés afór AAKOÓ MUNGÚ Munguúhúng aga iiárií qasé' ar ilakaaharu, nee adór ganaa' kari tlehhé' dír geeraawose, nee hara'ayaarós kari iialooesé', nee kaahirós kari oté', daqaní anuú AAKOÓ MUNGÚ kuungá' nu tiqtírí huwaaká, tidá' naa huúw dír múk Misri. Asma aníng an AAKOÓ MUNGÚ kudá' kuungá' nu hungu/uumiís.»

YEREMIA 11:4

Tidá' naa hara'ayiím dír baabi'iihúng qoomár ngiwa duúx baraá yaamaá Misrír wa alé, baraá asltá muqsla weeqatamiis. Inooín ina báw, afor'eé' iiárií qamimaak, nee tidá' sleémeero naa hara'ayiím tleehhaak. Kuungá' daqaní tari muk'eé', aníng tari Munguúhúng.› »

YEREMIA 25:3

«Iimír kurkú mibaá nee tám oo waawuti'iimár Yosia garmoó Amoni, waawutmoó Yuda, ay laarí, kureeri a mibeeri tsár nee tám, baraá kureeriikae aníng axweesantá AAKOÓ MUNGÚ ana axmaamiís nee umuúqo looár tlawa ngin dirhúngí aaiím ala kuungá' a axmaamisa'aaká.

YEREMIA 25:4

Tam AAKOÓ MUNGÚ aaruuserós ngi amorhúngí ya/abaabiti umuú daqto, kuungá' axweesantadá' aga iiárií qasi'iiká, laqaá tam axaasaro aga slai'iiká.

YEREMIA 31:32

Alqadoorí nee tidá' naa oó' dír baabi'ii'ín qoomár ngiwa duúx baraá yaamaá Misriro ti slay'aaká. Alqadoodá' ngina si'iyé', tam aníng dir'ine a adór aakooine. Anuú AAKOÓ MUNGÚ tí ngina oó'.

YEREMIA 32:23

Inooín niri dahiyé', yaamu ngiri oohiyé', ala tidá' kuúng kaa beér nga iiárií qaasi'iiká, tam hara'ayarók nga oohi'iiká. Tidá' kuúng kaa beér ngaa tleehhi'iiká. Gawaá adoorihe, kuúng kiri amotlakweérí húp.

YEREMIA 34:14

umuú kurkú faanqwe, umuú heewo dirhunge, hhiyaawós oo Yahudi kudá' ta dirósí weeriís, aqo gun gweer alaá lawaali'iimár kureeraá lahhooe. Kár ala baabi'iihúng tidá' aníng ngaa báw, ngaa axasi'iiká, nee ngaa iiárií qaasi'iiká.

YEREMIA 35:14

Hara'ayaadá' Yonadabu garmoó Rekabu, aa na/iiwós i hara'ayín ar difaái ngiwa wahiaaká nga boo/eesiyé'. Inooín difaái ka wahanká tám ay laarí, asma hara'ayadár baabuúín ngina iialooeesiyé'.› Ala tidá' aníng ni kuungá' i axweemamiís umuú daqto, kuungá' iga iiárií qasi'iiká.

YEREMIA 35:15

Umuú daqto nuna sagadiyuuser'eé' ya/abiít ar aaruuse, umuú daqto ngina ya/abiít, niwa káh, ‹Umuú heewo tlehhmi'iiwós kudá' tlakw ngi may, tlehhmi'iiwós ngi qwatsi, nee slaqsa'aá hatlá' munguaá eeharto nee sluufmisuuwo ngi may. Adoorí bara tlehhé', a hotá' baraá yaamuudá' naa baabi'iihúng i haniís.› Kár ala kuungá' iia aga qasi'iiká, laqaá tidá' naa káh aga iialooeesi'iiká.

YEREMIA 7:13

AAKOÓ MUNGÚ i kaahi, ‹Hám daxta muruuwí kuwa qo tlehhahhiti'i, nee qoomár nuwa i axweemaamiís iga iiárií qasi'iiká, tam qoomár nuwa ateetaatiím aga ooiindi'iiká.

HOSEA 4:1

Kuungá' múk Israeli axweesantá AAKOÓ MUNGÚ iiárií qaasaak. Asma AAKOÓ MUNGÚ i múk yaamuuká' iigahhamiit, asma inkihhimu i kaahh nee hhooeemawo tam heé Munguú xuú' i kaahh baraá yaamuwo.

HOSEA 5:1

Tí iiárií qaasaak, kuungá' kaahamuusér Mungú! Iia qaasaak, kuungá' múk Israeli! Iia qaasaak, múk doó waawutmo, asma kwasleemarí i kuungá' wa hariín. Asma kuungá' aga tsaaxweeli tleehhité' baraá Misparo, nee xotloompír taa qaás daanduú tloomár Tabori.

SEKARIA 1:4

Kuungá' ma adór baabi'iihúng tleehhitaara', kudá' aaruuseedár aáng aa beér, lohduuhúng kudá' tlakw mawaak nee tlehhmi'iihúng kudá' tlakwe.› Ala naa axasi'iiká, tam anuú AAKOÓ MUNGÚ iga ilaiwa/i'iiká.

Efeso 4:17

Gawaá adoorihe án kuungá' nun baw, slám nun gurbu'uúm kángw kilá' wa ale ar baraá umuú Aako, ma kumiitara' tawa hota' adór múk xoordaá hatlá' ar alé. Asma inooín inslaway'ín a tawo,

DABE 12:32

«Umuú gár naa kuungá' bawi ti harmagahhe' kawa tlehha' ar ilakaahara, ala ma gaa doogara', laqaá ma /aaresara' baraá hara'ayaarihe.»

DABE 30:20

AAKOÓ MUNGÚ, Munguúhúng sla'aak, nee afoorós iialooeesaak, nee inós i naga'ataak. Asma adoorí bara tlehhé' an slafingwhúng nee an hotaahúng awa tleerá' baraá yaamuudá' AAKOÓ MUNGÚ aa lo'ór wa /aáy ngiwa haniisi dír baabi'iihúng Abrahamu, nee Isaka nee Yakobo.»

DABE 4:6

Dabeerí nee hara'ayaro oohaak, ka boo/esá', asma adoorí bara tlehhé', xoordaá hatlá' kaahirí birnga axaasiyé', inooín ngiri tsaahhiyá' adór kuungá' tar múk sagalooár koóm nee fuquraango, tari ooi, ‹Tí ar tsuwa ló' xooroorí ur sagalooa nee fuqurango ngi koná'.›

DABE 5:29

Hám geera a tsiní barnaxes i meetiyá' gawaá inslawaydá' aníng iwa ilaiwawa/iya', nee hara'ayar'eé' ngiwa oohiya' umuu daqto. Geera muruuín sleémeero oo ta tlehhiiti iri ganaa' umuú daqto dir'ine nee dír na/ii'ine ay alhhe'eesay wasle.

DABE 6:2

Qooma sleémeero ar kuungá' tawa slafa', a hariindá' AAKOÓ MUNGÚ, Munguúhúng kuwa ilaiwawa/a' nee dabeerós sleémeero kawa iialooesa', nee hara'ayaadá' aníng naa dirhúng i hara'ayiím. As kahhó' kuungá' nee na/iihúng nee na/aá na/iihúng hotaá tleerá' kiwa sleera'.

DABE 8:6

Gawaá adoorihe, hara'ayár AAKOÓ MUNGÚ, Munguúhúng oohaak, as loohirós kawa eehada', nee inós kuwa ilaiwawa/a'.

2 Tesalonike 3:12

Muksíng un hara'ayiimaán nee un naanaqaán ar baraá umuú Aako Yesu Kristo tawa kaahaan, ta hooti ar tsatsaa'areema, nee gadiyeé kawa tleehhi as muruú /aymar'ín kuwa slaslay.

1 SAMUELI 8:9

Daxta hamí afor'ín iiárií qaaseek, ala gár wake gurbua hhe'eeseek, nee adór dabér waawutmoowí gi sawaawuti'iím i diri', dir'íní alki/iteek.»