YEREMIA 11:6 - Biblía Axweesantá Hhohho' ar Mungú 2004

⁶ AAKOÓ MUNGÚ iri báy, kaangwí alki/iteek baraá gixsadaá Yuda sleémeero nee baraá lohdaá Yerusalemuro. Inooín ki beer, «Axweesantír alqado iiárií qaasaak nee ka boo/esá'.

YEREMIA 11:6 Iomraidhean Croise

WARA'AMI 15:5

Gár aa kirkitís ga slaasláwárí iinuusiiká, tam slukuma ga ohinká as hariímár heé dakuús wásl ngiwa qwaareesi. Heé muruú adoorí gu tlehhahhiít ku hingeesiiká ay kureeraá kureér.

ISAYA 58:1

AAKOÓ MUNGÚ i kaahi, «/Aá/ ló'wa ale, ma xaslitaar, tseé' adór tarumbeéta. Muk'eé' dakuúsar'ín ti alki/it, Tlakweemaá doó Yakobo ooeek.

YEREMIA 19:2

Ti alkoonde' ay baraá xatstá garmoó Hinomu, nee ta waarahhá' ar dír afkú ta bay Qambeesama'. Bar aga didií hardát, axweesante'eé' tidá' ni oó' ka dir'íní ó'.

YEREMIA 2:2

«Tláw ay amór yaamuloouusér baraá Yerusalemu, ki beer, adoorí an tidá' AAKOÓ MUNGÚ i kaahi, ‹Aníng inkihhimuduú qoomár kuúng tawa masoomo un insláw, adoodá' ira slá' geerií aleeró adór múk ti duuxór wa slaá'. Ina eehát baraá xaanxaywo, baraá yaamuudá' taa dooslikahe.

YEREMIA 3:12

Tláw múk Israeli axweesantí baweek: Ki/aaré' kuungaá múk Israeli, kudá' inkihhimu wasl! Aníng kuungá' nu ga/aawaaká ar iltá tlaakw, asma aníng a gurtleemuú koóm. Eeít aníng kuungá' nu i buhhaaká ay alhhe'eesay wasle.

YEREMIA 7:2

«Tláw, sihhiít dír afkú doó Mungú nee axweesantí dahareemiseek, ta o', kuungá' múk Yuda, iia qaasaak kuungaáká' sluufmisuú aa'awá' baraá Doó AAKOÓ MUNGÚ.

SEKARIA 7:7

Xáy, /aymi'iiká' a kudá' AAKOÓ MUNGÚ naa oóiíke ar afér aaruusér aáng, qoomár Yerusalemu kawa hoót nee muu nee slaasláw kawa sláy. Qoomár gixsaduuwós ngiwa harweeriyé' nee yaamaá Negebu nee Shefela kiwa hoót nee muu.

Yohana 13:17

Tí kuungá' bara xué', kuungá' tundu amohhoó bar aga tlehhé'.

Rumi 2:13

Asma múk ta gan'amuú i harafaari nee Mungú, a ooanaaká an kudá' hara'aya gaa axaas, ala múk ta gan'amuú i harafaari, an kudá' adoodá' hara'aya i kat ga tlehhiít.

DABE 4:1

Mose axweesanto iri kumiít iwa kaahi, «Gimsé', kaahi nee hara'ayaarí ni kuungá' í intsaahhatimis ooha hhe'eesaak, nee adoodá' i kat ka tlehhitá' as tawa slafa', nee yaamuudá' AAKOÓ MUNGÚ, Munguú baabi'iihúng naa kuungá' i haniís kiwa ala'.

DABE 4:5

Gimsé', aníng kuungá' naa intsaahhatís kaahi nee hara'ayaro adoodá' AAKOÓ MUNGÚ, Munguúhúng aníng ira ádbáy, as hara'ayaarí kuungá' kawa harmagahha' ooharo baraá yaamaá tay dahmaá eera' as kiwa ala'.

Yakobo 1:22

Kuungá' adoodá' axweesani i kat na tlehhiitaak, ala ma tawó axamiisara', tiri kiloohúng al/agiindá'.