YEREMIA 11:4 - Biblía Axweesantá Hhohho' ar Mungú 2004

⁴ Tidá' naa hara'ayiím dír baabi'iihúng qoomár ngiwa duúx baraá yaamaá Misrír wa alé, baraá asltá muqsla weeqatamiis. Inooín ina báw, afor'eé' iiárií qamimaak, nee tidá' sleémeero naa hara'ayiím tleehhaak. Kuungá' daqaní tari muk'eé', aníng tari Munguúhúng.› »

YEREMIA 11:4 Iomraidhean Croise

IIMU/UUNGW 17:8

Aníng yaamuká' kuúng ta dahi'iimár wa hot, ngi haniís dirógí ale, nee dír xwaylarók ar kumiit aluuwoge, yaamuká' sleémeero awa Kana'ani, tawa kók ay alhhe'eesay wasle, aníng tay Munguúín.»

1 WAAWITÁ 8:51

Asma inooín a mukók, nee a slaasláwaarók, mukók kwí taa dúx baraá yaamaá Misrír wa ale, baraá asltadár gufteeri, tidá' ta muqslaárár weeqatmaamiisi.

2 WAAWITÁ 18:6

Inós AAKOÓ MUNGÚ guna eehár ar inkihhimu, sleeme gwa geexayká, inós hara'ayaadá' AAKOÓ MUNGÚ aa haniís dír Mose gana óh.

TI'INAANGW 20:6

Ala kudá' aníng i sla'á' nee hara'ayar'eé' ngaa oohiye', in slaá' ar sla'aarír warqawaaká ay nángw sagaáwa kumér kúm.

ISAYA 30:6

Kaangwí an iigu'utuú Mungú aa laqán daanduú makaydaá baraá xaanxoó bihhaá basa, «Ya/abuuse i waaráhh ar baraá tla/ángw yaamaá slahh'amuú koomá', yaamaá direeraá /ameena nee awa yaqambeero ngi koomá', nee daysheero nee dayshér ti gileehha. Inooín daqaari'iimar'ín nga tsa/aasiyé' gawaá daanduú daqwayer'ín, nee gawaá daanduú angamíar'ín, as tawa daqay amór múk gi gaa wa buaaká.

ISAYA 48:10

Ga/aaweek, aníng kuungá' naa kwahhuút ala a adór peésa kar kwahhumamitiiká ar baraá asla. Nun iiár ar slahh'amaayér hhamhhám.

YEREMIA 11:7

Asma baabi'iihúng ina ló'wa gurbuú' qoomár ngiwa duúx baraá yaamaá Misrír wa aleeró, nee ana kumamiít nanaqaango ay laarí niwa kah, ‹Afór'eé' iialooeesaak.›

YEREMIA 24:7

Aníng in tsaahhárí haniís adór aníng tar AAKOÓ MUNGÚ. Inooín tari muk'eé', aníng tari Munguúín, asma inooín nin amor'eéní ki/iyá' ar muner'ín sleémeero.›

YEREMIA 26:13

Gimsé', hám daxta hotaahúng gan'aasaak, nee tlehhmi'iihúng gan'aasaak, nee afór AAKOÓ MUNGÚ Munguúhúng iialooeesaak. Adoorí bar aga tlehhé', AAKOÓ MUNGÚ inslawaywós gu warqees, nee amotlakweedá' aa uín ngi huwiiká dirhunge.

YEREMIA 30:22

Daqaní kuungá' a muk'eé', nee aníng tari Munguúhúng.

YEREMIA 32:28

Gawaá adoorihe anuú AAKOÓ MUNGÚ a kah: Gixsarí aníng an haniís baraá dabaá múk Kaldayo nee baraá dabaá Nebukadnesa, waawutmoó Babuloni, inós gari hayoh.

YEREMIA 38:20

Yeremia iri oó', «Kuúng tu dir'ín i hanisiiká. Kuúng afór AAKOÓ MUNGÚ iialooeeseek baraá tí u babaawa, daqaní adoorók i qoón nee slafiingók u tú/.

ESEKIELI 11:20

as kuungá' daber'eé' kawa eehada', nee tidá' naa káh kawa ilaiwa/a', kuungá' tari muk'eé', aníng tari Munguúhúng.

ESEKIELI 14:11

Adoorí an tleéhh as múk Israeli miwa malé geexáy, tari kilooín slasla/aresiyá' ar tlakweemaaín kiwa tleehhi, as inooín tawa muk'eé' nee aníng tawa Munguúín. Anuú Aakoó MUNGÚ tí aga oó'.»

ESEKIELI 36:28

Tari hotá' baraá yaamaá baabi'iihúng naa hootiyé'. Kuungá' tari muk'eé', aníng tari Munguúhúng.

ESEKIELI 37:23

Inooín tin male slasla/aresiaaká ar slaqsi'iidaá mungui, nee muruudá' aníng i buhhtamís, laqaá tlakweemaaín. Aníng i ba/amís as tawa malé dee/anutiiká. Inooín tari muk'eé' nee aníng tari MUNGUÚÍN.

ESEKIELI 37:27

Niri hoót tla/angw'ín wa ale, aníng tari Munguúín nee inooín tari muk'eé'.

DANIELI 3:26

Aluuwo Nebukadnesa iri saáp dír afkú bohóngw asltá gufteeri, iri oó', «Aá Shadraki nee Meshaki nee Abednego, sagadiyuusér Munguú Gawa, ti'iitaré', qwalaasé' amoorí.» Aluuwo Shadraki nee Meshaki nee Abednego tari ti'iít baraá asltadá wa aleeró.

TLAHHOÓ LAÁWI 26:12

An hi'iimiít baraá tla/angwhúng wa ale, aníng tari Munguúhúng nee kuungá' tari muk'eé'.

TLAHHOÓ LAÁWI 26:3

«Barnaxes daber'eé' aga eehadé' nee kaahir'eé' kay oté',

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

SEKARIA 6:15

«Múk sawén ni hardah as niwa alee/isoó tlehhmuú Doó Mungú ay.» Kuungá' kari tsahhá' adór AAKOÓ MUNGÚ Aleesleemusmo ira amorhúng i ya/aáw. Muruuwí i tleehharuut bar kuungá' aga ilakaaharesé' afór AAKOÓ MUNGÚ, Munguúhúng kawa iialooeemisa'.

SEKARIA 8:8

Aníng inooín ngiri huúw, tawa hotaá ay tla/ángw Yerusalemu, inooín tari muk'eé', aníng tari Munguúín, ngiri geerahaár ar inkihhimu nee hotaá ganaa'á'.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

2 korinto 6:16

Slám Doó Munguú nee munguaá hatlá', adór tir slaslaya' a adoomá? Asma atén an Doó Munguú kudá' slaáf. Asma Munguú ina oó', «Aníng a baraaín wa hoót, nee nay baraá tla/angw'ín wa hi'iimiít. Aníng tari Munguúín, nee inooín tari muk'eé'.»

DABE 11:27

Tsuuqa a kuká': Barnaxes hara'ayár AAKOÓ MUNGÚ, Munguúhúng tí laarí nu babaw aga iialooesé', tsuuqa i sleerá'.

DABE 4:20

Ala kuungá' an múk inós naa ba/amís baraá yaamaá Misrír wa ale, didár bohóngw asla oo muqsla kar weeqatamisi. Nuna amoodá' wa duúx as tawa mukós tleehhitá', an adoosíng hám laarí tay diria'.

DABE 5:6

‹Aníng a AAKOÓ MUNGÚ, Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.›

Ebrania 5:9

Gawaá adoorihe inós kuri bu'uutiís nee Mungú. Bu'uutisaro kuwa hhe'eés, inós tari heé ba/amár alhhe'eesay wásl ngaa huuw dír mukdá' sleémeero inós ngu iialooemisa'a.

1 SAMUELI 15:22

Samueli iri oó', «Xáy, AAKOÓ MUNGÚ ilahhooár da/a nee ilahhooár muruú ta tsu/i gan ak ló'wa slái, ta ilaiwa/amér afór AAKOÓ MUNGUHE? Qaytsiít ilaiwa/ame ka hhoo' ta ilahhooár muruú taa tsu/i, nee iialoeesa i waaráhh ta di/tá gwaandaaweero.