YEREMIA 11:21 - Biblía Axweesantá Hhohho' ar Mungú 2004

²¹ Gawaá adoorihe AAKOÓ MUNGÚ i kaahi daanduú múk Anatotiro, kudá' slafiingók ngu leelehhiitá', nee kaahá', Ma aaririmaar ar umuú AAKOÓ MUNGÚ, bar adooriheeká u gaasaán ar dabaarén.

YEREMIA 11:21 Iomraidhean Croise

ISAYA 30:10

Inooín iigu'utuuse ngin babaya', ‹Iigu'utu mu ara'araara',› nee aarusmo ngun babaya', ‹Muruurén oo ló' mu kaahaar, ala muruú atén ni sla'aan na alki/iiteek, muruú al/ayma na dahareemiseek.

YEREMIA 1:1

Kaangwí an axweesantá Yeremia garmoó Hilkia, heé wák baraá tla/ángw kaahamuusér Munguhe, oo baraá gixsár Anatoti daáhh ar baraá yaamaá Benyamini.

YEREMIA 1:19

Inooín tan slaaqw nee kuúng, ala u baaliaaká, asma aníng nee kuúng a dinkwa as uwa ba/amis. Anuú AAKOÓ MUNGÚ tí ngina oó'.»

YEREMIA 20:10

A axamiís muu iwa saasahhan daanduueene, aníng taa umií tsaát i babaya', «Dae tlaqa umuú bihhiwo.» Bahh'alé ta kaahi, «Tlawsé', sakwasleemutaak! Qwalaas, u sakwasleemutaán!» Mulqer'eé' sleémeero i daamaraán iwa kat, «Doóqa i tapiis, atén daqaní li/aay un buaán.»

YEREMIA 26:8

Alaá Yeremia kangwdá' sleémeero AAKOÓ MUNGÚ ngwaa báy kahaango nguwa hhe'eés dír muu sleémeero, kaahamuusér Mungú nee aaruusero nee muu sleémeero Yeremia nguri oohiyé', ta kaahi, «Naxooro laarí kuúng a gwá'!

YEREMIA 32:7

«Ga/aaweek, Hanameli garmoó Shalumu, maamáywók, ni amoorók i hardah i kaahi, ‹Qaymor'eé' tlaxweek, tidár baraá yaamaá Anatoti, asma kuúng an mar'afmooeé' ló'wa alé, nee a hariín kawa tu/.› »

YEREMIA 34:20

Aníng inooín i baraá dabaá wakuuser'ínií qaás, nee baraá dabaá mukdá' inooín gi tsu/utár wa slaá'. Tu'uuín tari /aymár tsir/ór gawaá doori nee makaá sla/a.

AMOS 2:12

«Ala kuungá' mukdá' al'axweesanoó qamiím una xufiitisé' difaáiro, aaruuse kay beeré', ‹Ma aariirimaara'.›

MIKA 7:6

Asma qoomaarihe garma baabuúwós gun waaqaqaa', tam dasi in aayiírós tlaampa'aamís, nee harér garma in aayiír hhawaatuuwós tlaampa'aamís sleeme. Wakuusér hee a múk do'ósú kilá'.

Matayo 10:21

«Hhiya' hhiyaawós gu sakii/ as kuwa gaasi, nee baabá na/aywós gu sakii/, nee na/ii xwaylitér'ín ngi i haratlayá', ngiri tsu/iyá'.

Matayo 21:35

Ala doosluuseedá' sagadiyuuseedá' gari ohiín, oo wák kuri muúx, oo hatlá' kuri gaás, nee kuqá' kuri tlaquút ar tlaa/e.

Matayo 22:6

Nee mukdá' aa meet, lawaaleedá' gari ohín, gari muúx, gari tsuú/.

Luka 4:24

Iri oó', «Án a kah, aarusmoó taa ya/án nee múk ayaawós i kaahh.