YEREMIA 11:15 - Biblía Axweesantá Hhohho' ar Mungú 2004

¹⁵ AAKOÓ MUNGÚ i kaahi, «Muk'eé' kudá' naa tsawaár i harína tawa dahi baraá dooeé' bar inooín tlakweema nga tleehhiyé'. Xáy, ngiwa xuiya' al'axweesani nee fu'unaá ilahhooár muruú ta tsu/i slahh'amu ngu hingeesía? Xáy, kaangwí giqo qwal/atísi?

YEREMIA 11:15 Iomraidhean Croise

WARA'AMI 50:16

Ala Mungú tlakusmo gu babay, «A milá kuúng gár kaahir'eé' kas alki/it, nee alqador'eé' gár kas axwes ar afkók?

WARA'AMI 60:5

Atén ti mu/aywats nee ti baalírí sleer ar /uuruuwók, as kahhó' mukdá' kuúng ta sla' kuwa ba/amis.

AXWEESANOÓ SAGALOOA 10:23

Dír daktanto tlakweema tlehhit a adór neeto, ala dír heé tsaahhár kooma sagalooa i sla'atimís.

AXWEESANOÓ SAGALOOA 15:8

Ilahhooár muruú ta tsu/i ar heé tlaákw AAKOÓ MUNGÚ ga waak, Ala firór heé hhoó' gun qwal/atimís.

AXWEESANOÓ SAGALOOA 2:14

kudá' tlakweema tlehhtuuwo ngi saqwalala/á', múk ta sla'atamisi nee tlehhma'aá tlakw awa qwaareemisá',

AXWEESANOÓ SAGALOOA 21:27

Ilahhooár muruú ta tsu/i ar heé tlakusmo ka waak, Heé inslaway tlákw ilahhooarós kan ak slaiiká.

AXWEESANOÓ SAGALOOA 26:18

Adoodár slarhhamá gufér asla ngir gilaleehhi nee maheeriiwo, iri tsu/uut,

AXWEESANOÓ SAGALOOA 28:9

Heé dabe gaa artá wa may tam firoorós sleeme ka waak.

ISAYA 50:1

AAKOÓ MUNGÚ i kaahi, «Slaambare/idá' aayorhúng aníng ngiwa talaákár i haniís i amá? Laqaá aníng kuungá' heé nuy weeriís a heemá oo aníng i iinuús? Ga/aawaak, kuungá' tunduna weeriís as tlakweemaahúng. Aayorhúng kinga guús as dakuúsarhúng.

YEREMIA 12:7

AAKOÓ MUNGÚ i kaahi, «Aníng múk dooeé' ugwa sií', aníng mukduú aalir'eé' ugwa geexáw. Mukduú sla'aaruser'eé' ar muuná ugwa haniís baraá dabaá wakuuser'ín.

YEREMIA 13:27

Aníng muruuwók kudá' ni waak ugwa ár, fuqtók nee tsaatuuse kawa al/aa/amiin, sli'iimarók tidaá harwaarahh gawaá tlom'i nee baraá qamuuwo. Aá Yerusalemu, a tsaxwaawók. Ay xaylá hheehhe'eesa ka siaaiin?»

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

YEREMIA 2:2

«Tláw ay amór yaamuloouusér baraá Yerusalemu, ki beer, adoorí an tidá' AAKOÓ MUNGÚ i kaahi, ‹Aníng inkihhimuduú qoomár kuúng tawa masoomo un insláw, adoodá' ira slá' geerií aleeró adór múk ti duuxór wa slaá'. Ina eehát baraá xaanxaywo, baraá yaamuudá' taa dooslikahe.

YEREMIA 23:11

AAKOÓ MUNGÚ i kaahi, «Aaruuse nee kaahamuusér Munguhe Mungú ngu ilaiwawa/iaaká. Tam ay baraá dooeene tlakweemaaín iga ár.

YEREMIA 3:14

«Ki/aaré', kuungásingá' na/aá inkihhimu wasl, asma aníng an Aakoohúng. Aníng umuú heewo u leéhh dír umuú gixsaro, nee múk tsár baraá umuú tlahhaywo, ngiri huúw ay tloomár Siyoni. Anuú AAKOÓ MUNGÚ tí ngina oó'.

YEREMIA 3:8

Múk Yuda fuqtá múk Israeli kudá' inkihhimu wásl gana ga/aa/áy, inooínaadá' aníng naa sií'. Ala hhaeekaá lamuuse awa Yuda naa da'ayuti'iiká, nina tlayé' niri fuqtá ayé'.

HOSEA 3:1

AAKOÓ MUNGÚ ina báy, «Tláw malé ale, /ameenír hhawaatuú hatlá' i slai slaeek, inós a fuquso'o, asma adoorí an adór AAKOÓ MUNGÚ múk Israeli ngura slaá', inooín tam ngwaa geexay'i munguaá' hatlá' ngiri i warqayé', nee ngiri mikaátér sabiíbuú kaaharén i hanmiisiyé', aluuwo inooín mikaáteedá' ngiri haayusiyé'.»

Matayo 22:11

«Waawutmo iri dáh baraá do', as dahaayeerós ngiwa taaqweesi. Heeko guri ár baraadae oo tlabaá duuxo gi koomaaká.

Luka 8:28

Heedaádá' Yesu nguwa ár iri tseé', iri dír geeraawós i tumbarara'aát, afór ur ganara tseé', iri oó', «Aníng nee kuúng a milá, Yésu, Garmoó Munguú Gáwtí dirií'? Un harhheehhe'eés, mi slahh'eemisaar.»

Rumi 11:28

Múk Israeli a wakuusér Mungú asma Ya/abtór hho' kawa sií'. Adoorí ina tleehharút as kuungaásingá' múk xoordu. Ala múk Yahudi a múk taa tsawaár nee Mungú. Gawaá adoorihe inooín Mungú gi slaa' as baabi'ii'ín.

1 Korinto 13:6

/Ayta bir deer, sla'aari i qwalaala/ká, ala in qwalaalá/ as looeema.

Tito 1:15

Mura' sleémeero ku hhohhó' dír mukdá' hhohhoe, ala gár hhoohhoo' i káhh dír mukdá' slasla/arene, kudá' haratlintaaór kooma'aaká. Asma fuqurangw'ín kwaa slasla/aareés, nee muner'ine sleeme.

Yakobo 4:16

Ala hám daxta kuungá' a daara/aandá', nee ti kiloohúng xirfayeemisá'. Ala daara/aangwí sleémeero ku tlaákw.