YEREMIA 10:9 - Biblía Axweesantá Hhohho' ar Mungú 2004

⁹ Slaqsi'ii'ín kuká' kina parootuús ar peésár Tarshishír daahh, kina parootuús ar sahaábuú Ufasír daáhh. Gaarí an gadiyér kareeruú kwahho ga xuú', nee múk sahaábuú kwahhuút. Kaa tlabaá sirbó/ií dahaás nee awa sirda/aten, kudá' taa tleéhh ar daba'.

YEREMIA 10:9 Iomraidhean Croise

1 WAAWITÁ 10:22

Asma waawutmo miringér Tarshishír kakaw ngiwa kon baraá tlawto nee ar Hiramu in al'aa'aá kakeér. Baraá kureeraá tame daqeemu ngu hhe'es wak. Gár ni huwahuwiya' a sahaábu nee peésa nee xareemi nee poohám nee tsir/orká ta bay tausi.

2 QOM'I 9:21

Solomon miringér sagadiyuusér waawutmo Hiramu ir aa'aá kakeer ay yaamaá Tarshishi gan kón. Alaá kureeraá tame miringeedá' ni kikí/ ar sahaábu nee peesaaro nee xareemaá daweero, nee poohame nee tsir/ór ta bay tausiro.

WARA'AMI 115:4

Munguii'ín kina tleéhh ar peésa, muqsla nee sahaábu, a gadiyér dabaá muu.

WARA'AMI 72:10

Waawituú Tarshishi nee múk yaamaá kaahaar oo baraá tla/ángw tláwtií dirií', koódi ngi huwiye', waawituú baraá Sheba nee Seba qeemuú i kona' ngu haniisiye'.

ISAYA 23:6

Tlawsé', ta'aaimé' ay yaamaá Tarshishi, tsuunqumiisé' kuungaásá yaamuloouusér afaá tlawi.

ISAYA 40:19

Inós nee slaqsi'iidaá mungui taa dakuút ti slay'aaká. Slaqsaydá' taa sliík ar sahaábu nee tlaatlawtá taa muqslír /awaákár tleéhh.

ESEKIELI 27:12

«Múk yaamaá Tarshishi nee kiíng halaanu'uuma ana tlehhé', asma daqaari'iimarók tidá' a tsiniq, tidár umuú daa'awto. Daqaari'iimár peésa, nee ar muqsla, nee ar baáti nee ar harsaásaay as muruuwók kudá' taa slá' kuwa sleer.

ESEKIELI 27:7

Tlabaá taa qaalín ar neewór kitaáni ar yaamaá Misrír daahh kiri parootús ar miringeerók nee bendeérarók. Inqwaarír qatuuwók tuntukuung kana tleéhh ar kaloó sirboó/ nee oo sirdaa/aát awa yaamaá Elisha dahhá'.

DANIELI 10:5

Niwa qaytsiít, naxés heé tlabaá neewór kitaáni ngaa tsiit una ár, nee afeetloowose himuú sahaábuú Ufasír daáhh nguna tseek.

HOSEA 8:6

Asma baraá Israeliwo múk dakór baál i deer, inooín dama ngina tleehhiyé' ala a munguheeká baloó ale. Ala damarír Samaria ka suwawaa'.

YONA 1:3

Ala Yona ina tláy, iri goów amór yaamaá Tarshishi, as iwa nahhaati AAKOÓ MUNGÚ wa alé. Ina aweér ay yaamaá Yopa, miringamoó yaamaá Tarshishír káw guri ár. Yona peésa gari buú', iri tsa/án baraá miringamoó i alé, as tiwa kona' nee inooín ay yaamaá Tarshishi, as iwa nahhaati dír AAKOÓ MUNGÚ wa alé.

HABAKUKI 2:19

Tsaxwaawós heedaadá' xa'anoó babáw, ‹Tlawáng›, laqaá kudá' tlaa/ár afaa wasl ga babáw, ‹Sihhiitáng›. Xay, muruusíng kuúng u intsaahhatísi? Qaytsiít, kwaa sliík ar sahaábu nee ar muqslár peésa, ala i hiinsluú kon'aaká baraaine.»