YEREMIA 10:7 - Biblía Axweesantá Hhohho' ar Mungú 2004

⁷ Aá waawutmoó xoordu, oo kuúng u ilaiwawa/aaká a heemá? Asma kuúng an hariín tuwa ilaiwawa/i, oo sagaloó' adór kuúng i kaahh baraá xoorduuwo, tam baraá waawuti'iima sleémeero.

YEREMIA 10:7 Iomraidhean Croise

2 WAAWITÁ 17:39

ala aqo har aníng AAKOÓ MUNGÚ, Munguúhúng kilós in sluufmisá', daqaní aníng kuungá' nu tuú/ baraá dabaá wakuuserhunge.»

1 QOM'I 16:25

Asma AAKOÓ MUNGÚ ku úr nee aa ló'wa xirfuút, inós i harín ilaiwa/ameero ta munguaá hatlae.

ESTA 1:13

Aluuwo waawutmo mukdá' sageeloén kudá' qom'i gi xuú' guna ateét. Asma alhootaariro waawutmo gurbua gan leelehhaahhiit dír múk sageeloén kudá' qom'i gi xuú', aluuwo waawutmo mukdá' dabér xuú' nee kuduú hara'ayuuseero giri yaahaás adór ta laqi.

WARA'AMI 147:5

AAKOÓ Munguúrén ku úr, nee /uuruuwós ku yaariír, xu'utiirós i qoomoó koondaaká.

WARA'AMI 22:28

Asma waawuti'iima ar AAKOÓ MUNGÚ. Inós an kudá' xoordu gi sa waawuti'iím.

WARA'AMI 47:3

Xoordu ngina gawaá dabaarén i qaás, as kiwa sawaawuti'iimaan.

WARA'AMI 72:11

Kár ee, waawitá sleémeero ngu ilaiwaa/iye', nee xoordu sleémeero ngu sagadiyuusiye'.

WARA'AMI 76:7

Ala kuúng an dae tláq, kuúng kilók, kuúng bar aga búhh, heé sihhiít dír geeraawoge a heemá?

WARA'AMI 86:8

Baraá yaamuwo Munguú adór kuúng i kaahh, Aáko, tam tlehhma'aá adór tlehhmi'iiwók i kahhiyá'.

WARA'AMI 86:9

AAKOÓ MUNGÚ, xoorduudá' sleémeero kuúng taa tléhh u i hardihiyá', kuúng turi i tumbararaa'amiit, umuuwók kuri xirfayemiis.

WARA'AMI 89:6

Xáy, a heemá heé nee AAKOÓ MUNGÚ qoomá' gawaá dooriwo? I kaahh tam oo wák baraá dooriwo oo nee kuúng qoomá'.

TI'INAANGW 8:10

Farao iri oó', «A matlo.» Mose iri oó', «A adoosíng kara ó'. Masók kuúng a xú' adór oo nee AAKOÓ MUNGÚ Munguúrén alqoomá' ir kaáhh.

TI'INAANGW 9:14

Asma qoomaarihe kuúng muxtar'eé' sleémeero u sleér, nee geeraharuuse nee mukók sleémeero, as kahhó' kawa tsahh adór oo nee aníng slaqmís ir kaáhh baraá yaamu sleémeero.

ISAYA 2:4

Inós baraá xoordu sleémeero sakwasleema ga tleehh. Nee qaa/oó múk yaariír gun tsaat, inooín paangaduuín ngi kwahhutiyá', kiri kureemi tleehh. Lawluuín kiri tsata'aá tsaaráy tleehh, Xooro i xoorór hatlá' i slaqwká, slám slaqwara ngi malé intsaatsahhiaaká.

YEREMIA 10:6

Aá AAKOÓ MUNGÚ, oo adór kuúng i kaahh tumu wák, kuúng tu úr, umuuwók i /uuruú kón.

YEREMIA 5:22

Anuú AAKOÓ MUNGÚ a kah, «Ahaá aníng mis ilaiwawa/a'aaká? Ahaá mas daaraxa'aaká dír geeraeene? Aníng hhasaangw una qaás tawa harki/isoó tlawi, digmuú tlawi waarahhamko i baloó aleesleeraaká. Tam gwaanduú ma'aay digmuudá' ngu aya, ala gu waarahhiiká, tam i /orootli ala gu waa/akutiiká.

DANIELI 2:27

Danieli waawutmo guri báy, «Kángw naaqoodá' waawutmo aa yaahaás heé waagweeraro gu asláw i kaahh, tam ku sageeloén laqaá da/alusmo laqaá qwaslaarmo, laqaá qwaslaarér xu'utuusér kángw tsatse/.

DANIELI 2:28

Ala Mungú i deer gawaá dooriwo oo kángw naaqo gu geehhooatimís. Inós muruú aluú wá hi'iít oo deelór alhhe'eesaay ngwa laqán, aá waawutmo Nebukadnésa. Tlataawók nee iigu'utuú taa aán gawaá qatanirók wa alé a kwí:

HABAKUKI 3:2

Aá AAKOÓ MUNGÚ, aníng kangók ugwa axaás, nee tlehhmi'iiwók iri de'e tsatiyé'. Eeít AÁKO, gadiyeérók malé /abeeseek baraá kureeriikae. Baraá kureeriikae tlehhmi'iiwók i xu'utiitiye', bar aga búhh gurtleemuuwók inslaweek.

SEKARIA 2:11

«Nee de'emadae xoordaá yaariir i haragwaaiyá' dír anuú AAKOÓ MUNGÚ, inooín tari muk'eé, aníng nee inooín tari alhootaán.» Kuungá' kay tsahhá' adór aníng tira ya/aáw amorhúng nee AAKOÓ MUNGÚ Aleesleemusmo.

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

Luka 12:5

Ala oo kuungá' ta da'ayuta' án ngu xu'utís. Mungú na da'ayumitaak, kudá' aleesleemu gu koóm oo hee nguwa kwahhi baraá asltá baloó gwaa'aaká, alaá gaasaro burngwa hhe'eés. Eeít, án a kah, kwí na da'ayumitaak.

1 Korinto 8:6

Tam adoorihe direne Mungú a wak, inós an Baabá. Mura' sleémeero ina tleehharuút ar inós. Nee atén an dawaán as inós. Nee slám Aako a wak, inós an Yesu Kristo. Mura' sleémeero ina tleehharuút ar inós nee atén an dawaán ar inós.

YOSHUA 4:24

As kahhó' xoordu sleémeero awa baraakaá yaamu ngiwa tsaahhiya' adór dákw AAKOÓ MUNGÚ ir /uuruú kón, nee as kahhó' kuungá' AAKOÓ MUNGÚ, Munguúhúng, kuwa ilaiwawa/a' ay kureeraá kureér.»

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 15:4

Aáko, heé kuúng u da'ayumiitaaká a heemá, nee heé umuuwók xirfayeemiisaaká a heemá? Asma oo hhoohhoó' a kuúng kilók. Xoordu sleémeero ni hardihiyá' nee niri dír geeraawók i tumbarara'amitiyá', asma tlehhemi'iiwók awa ganaa'á' naa geehhouyé'.»