YEREMIA 10:4 - Biblía Axweesantá Hhohho' ar Mungú 2004

⁴ Naagáy slaqsaydá' kuri parootuus ar peésa nee sahaábu, kuri kaka/aamií slaahh as miwa huú'.

YEREMIA 10:4 Iomraidhean Croise

WARA'AMI 115:4

Munguii'ín kina tleéhh ar peésa, muqsla nee sahaábu, a gadiyér dabaá muu.

WARA'AMI 135:15

Munguaá xoordu kina tleéhh ar peésa nee sahaábu, inooín a gadiyér dabaá muu.

ISAYA 44:12

Heé muqslír kwahhuút hhapér tlaa/aá koom ga weeqatis gari slaqsoó mungúr tleehh. Hee muqsla gan kwahhuut slaqsaay nguwa tleehhi ar /uuru. Qooma sleémeerowo inós in qwariimiit nee slamí i slaaqamiit nee i waximiit /uuruuwós i farkín.

ISAYA 46:6

Mukdaádá' sahaábuú duxuúm baraá tlakw'ii'ín wa alé peésa ngiri qoomeemeesiyá' ar kílo. Heedaáduú sahaábuú kwahhuút nguri buiyé' ar peésa, as slaqsa'aá mungui ngiwa tleehh. Naagáy kiri i tumbarara'aamiit kiri sluufmiis.

ISAYA 46:7

Inooín slaqsi'iidá' ngin sum'ii'ín ar loohisiyá', ngiri gagaariyá', ngiri qaasiyá' didá' inooín ta slai, niri didá' wa iwiwitiyá'. Didaádá' kay qaasi i baloó surukiaaká. Barnaxes hee ga i /aa/aá ay gu mu/aywatsiiká, laqaá hee gu ba/amisiiká baraá slahh'amuuwose.

HOSEA 13:2

Hám daxta tana ak kumiít tlakweema tlehhtuuwo, inooín munguú slaqsaay kway tleéhh ar peésa. Heé fuqurángw koóm slaqsaywí guna tleéhh ar peésa. Muruuwí sleémeero kuna tleéhh nee heé kwahhór baál, tari oó', «Ilahhooár muruú ta tsu/i dír muruuwí ti hanmisé'.» Muu slaqsi'iidá' mungui ngiri ma'amisiyé', kudá' taa tleéhh ar slaqsoó dama.

HABAKUKI 2:19

Tsaxwaawós heedaadá' xa'anoó babáw, ‹Tlawáng›, laqaá kudá' tlaa/ár afaa wasl ga babáw, ‹Sihhiitáng›. Xay, muruusíng kuúng u intsaahhatísi? Qaytsiít, kwaa sliík ar sahaábu nee ar muqslár peésa, ala i hiinsluú kon'aaká baraaine.»