YEREMIA 10:25 - Biblía Axweesantá Hhohho' ar Mungú 2004

²⁵ Daa/atúw buhhtaawo daanduú xoordaá kuúng u xua'aaká, nee gawaá kudá' umuuwók ngu ateetima'aaká. Asma inooín múk Yakobo nguna tsu/iyé', nguna tsu/iyé' ngway hhaamiisiyé', yaamuuín ngiri taanguyé'.»

YEREMIA 10:25 Iomraidhean Croise

YOBU 18:21

Looeemaawo muruuwí mukdá' Mungú da'ayuumitaaká gu sláy. Diirí an dír múk Mungú gu hhaslitaaká ku sahariím.»

WARA'AMI 14:4

Xáy, múk tlakweemaá tlehhiít ku tsuwá xu'uti wásle? Ahaá, masta hoot ar muruú muk'eé' kuwa hayohin ar /uuru. Slám inooín AAKOÓ MUNGÚ ngu firirina'aaká.

WARA'AMI 147:20

Muruuwí gwa tleehhiiká dír xoorór hatlae, Xoordaá hatlá' kaahirós ngi xuiaaká. AAKOÓ MUNGÚ xirfayeemisaak!

WARA'AMI 27:2

Múk tlakuuse niwa amor'eé' haratláy, as aníng iwa gu/tá wa slai, wakuuser'eé' tí sleémeero tari dukuúts nee tari huuhu'ún.

WARA'AMI 69:24

Buhhtaawo daa/atúw dir'íni alé, qa/iít buhhtawo xaraasleemawók ngi slaye'.

ISAYA 43:22

«Tam adoorihe kuungá' múk Yakobo, aníng iga firindi'iiká, kuungaá múk Israeli aga slaaqaté' as aníng.

ISAYA 64:7

Heé kuúng u fiririím i kaahh tumu wák, nee heé naagamiís kuúng leelehhtuuwo i kaahh, asma kuúng aga atén wa nahhát hám daxta taa baraá tlakweemaarén i meér.

ISAYA 9:12

Bihhaá da/aawe a múk Aramu, bihhaá /uwaawo a múk Filisti, afer'ín sleémeero ngaa awaatliyé' as Israeli ngiwa gu/iya'. Tam adoorihe muneerós aa baráy ki/ká, tam hamí dakós i loloqoosárí kaahh.

YEREMIA 11:1

Yeremia axweesantá AAKOÓ MUNGÚ gana axaás i kat,

YEREMIA 30:16

Ala kudá' sleémeero kuungá' nu hhaamiisár wa sla'á' ki hhaamiis. Wakuuserhúng sleémeero kar tláy baraá loohaay, kudá' kuungá' naa gaa wa hayohiye', muruuín ku hayoh sleeme. Kudá' kuungá' naa slakaatiyé' aníng in slakaát.

YEREMIA 50:17

Múk Israeli, a adór bee/ángw ta slakaati nee diraangw kudá' ta tlatlahhaás. Geeraawo kina hhaamiís nee waawutmoó Ashuru, nee hám daxta Nebukadnesa waawutmoó Babuloni kudá' gaa fadu giqaaqay.

YEREMIA 50:7

Umuú gár gaa harasliqiti gina /ák. Wakuuser'ín giri beer, ‹Atén ti tlakweeká asma inooín AAKOÓ MUNGÚ nguna sadakuusiyé', kuduú qawtantaín ar ló', AAKOÓ MUNGÚ kuduú harahhifór baabi'ii'ín.›

YEREMIA 8:16

Afór farsuín aga axaasaán baraá Dani, kididihoó farsuín oo slaqwara yaamu sleémeero gaa diingiís. Nin hardihiyá' as yaamu nee umuú gaaro ngiwa hhitina', gixsa nee mukose ngiwa hhitina'.

WA/AA/I 2:22

Kuúng wakuuser'eé' ana iigu'ús adór múk deelór ur ngi áw, wakuuser'eé' i dae tláq umuú bihheero, baalaadár buhhtaá AAKOÓ MUNGUHE heé kotsqoót laqaá oo /úw i kaahh. Na/iieé' kudá' naa du'umiís nee naa umiím kaa hhaamiís nee wakuuser'eé'.

SEFANIA 1:6

Mukdá' AAKOÓ MUNGÚ eeharto aa alií kii/, nee kudá' AAKOÓ MUNGÚ ngu leeleehhita'aaká, sleeme ngu yaahamisia'aaká.»

SEFANIA 3:8

AAKOÓ MUNGÚ i kaahi, «Gawaá adoorihe aníng daamaré' ay bál nay sihhiit as xoordu ngiwa sakwasleemuut, asma aga tsabiím xoordu ngiwa burumbuur nee waawuti'iima ngiwa burumbuur, nee ngiwa buhhtaeéní ku'uus, xarasleema sleémeero awa buhhtaeé'. Asma yaamu sleémeero ki daa/ ar buhhtaaeé' kudá' da/tá koomá' adór asla.

SEKARIA 1:15

Ala aníng xoorduudaá baraá diihhooár hootá' ina buhhtisiyé'. Ar ló' aníng múk Israeli una i buúhh gár niinawe, ala xoordu slahh'maayedá' ngina doogiyé'.›

Yohana 17:25

Baabuú gan'amuú koóm, muu kuúng ugwa xuiiká. Ala án kuúng ugwa xuú', nee kuká' ngaa xuiyé' adór án kuúng ira ya/áp.

Tlehhema'aá ya/Abuuse 17:23

Asma aníng ana hi'iimiít baraá gixsarí wa ale, nee qoomár niwa hi'iimiit, kitángw ilahhooa una ár oo taa gooín /aymi'iiká' i alé, ‹Dír munguúdá' xu'utiitaaká.› Ala aníng kángw ni alki/iit an kángw Munguúdá' kuungá' ta sluufmisa', kudá' kuungá' ta xua'aaká.

1 Korinto 15:34

Daarkiité' baraá oonitimerhunge, nee fuqurangwhúng ar gadiyuusaak, slám tlakweema mi tlehhiitara'. Asma kuungá' bahh'alé Mungú u xua'aaká. Aníng adoorí an káh as kuungá' nuwa mureekees.

1 Tesalonike 4:5

Ala kuungá' ma hootara' ar ilatleerír tlakw, adoodár múk xoordu ir hooti, kudá' Mungú gu xua'aaká.

2 Tesalonike 1:8

Qoomaadae tsángw asla iri deeruut. Inós mukdaádá' Mungú gwa xuiiká guri sakwasleemuut, nee kudá' Ya/abtór hho' ar Aakoorén Yesu nga iialooeesiiká.

Geehhoeemaá 16:1

Aníng afór ur ngiri axaás baraá Doó Mungú i alé. Afoorí malaykeedá' faanqw gari beér, «Tlawsé', slooqi'iidá' faanqw awa buhhtaá Mungú gawaá daanduú yaamu ti ku'use'.»