YEREMIA 10:16 - Biblía Axweesantá Hhohho' ar Mungú 2004

¹⁶ Ala Munguú Yakobo a adór slaqsi'iikaeeká, asma inós umuú gaaro gana tleéhh, nee múk Israeli guna tsawaár tawa xooroorós. Umuuwós an AAKOÓ MUNGÚ Aleesleemusmo.

YEREMIA 10:16 Iomraidhean Croise

WARA'AMI 119:57

AAKOÓ MUNGÚ, aníng kuúng ugwa gurií baá/, al'axweesante'eé' ngi oó', «Aníng axweesantók a óh.»

WARA'AMI 135:4

Asma AAKOÓ MUNGUÚ Yakobo guna tsawaár tawa kós, múk Israeli guna tsawaár as nguwa mukós tleehhi.

WARA'AMI 142:5

AAKOÓ MUNGÚ, án kuúng u ateetiím, kuúng an dír guway'eé' ar saxmaar. Kuúng una gurií baá/ ta umuú gaaro baraá slafingw'eene.

WARA'AMI 33:6

Ar axweesantá AAKOOWO doori nina tleehharuutiyé', muruú gawaá doori sleémeero ina tleehharuút ar afkós.

WARA'AMI 73:26

Slaqwte'eé' nee muunaáeé' i /aaruyá'. Ala Mungú a /uuruú muunaáeé', nee an kwe'eé' ay alhhe'eesay wasle.

WARA'AMI 74:2

Inslaweek mukdá' taa iimír aáng wa tsawát, xooroodá' taa ba/amís as tawa aalirók. Inslaweek tloomár Siyoni, tidá' taa dír hotaawók tléhh.

TI'INAANGW 19:5

Hám daxta kuungá' bar axweesanay'eé' ugwa iialooesé' nee alqador'eé' aga oté', daqaní kuungá' a muk'eé' oo aalir'eé' baraá tla/ángw xoordaá hatlae, asma tam xoordaá hatlá' sleémeero sleeme a kwe'eé'.

TI'INAANGW 34:9

Mose iri oó', «Aá AAKOÓ MUNGÚ, bar aníng kuúng iga gurií bá/, aníng kuúng u firiím, atén nee kuúng masók tin alkoomaán, tam mukwí a múk sagegawdene tlakweemaarén gurtlaweek nee dakumisuurene, atén ti aalirók wa ot.»

AXWEESANOÓ SAGALOOA 16:4

AAKOÓ MUNGÚ umuúqo gaaro gana tleéhh ar sla'aarirós, Tam múk tlákw sleeme in deer as deelór slahh'amu.

ISAYA 19:25

Asma inooín an kudá' AAKOÓ MUNGÚ Aleesleemusmo aa tsuúq, iwa kaahi, «Muk'eé' oo Misri ku tsuuqi, dinkwa nee múk Ashuru kudá' dabaeene naa tleéhh, dinkwa nee múk Israeli kuduú aalir'eé'.»

ISAYA 45:7

Aníng gwa/aateema nee giwtiro ina tleéhh; Aníng qwala/ nee gurhaami ina tleéhh. Aníng an AAKOÓ MUNGÚ oo muruuwí sleémeero gwaa tleehh.

ISAYA 47:4

Ba/amusmoorén, umuuwós an AAKOÓ MUNGÚ aleesleemusmo, inós an kudá' hhoohhoó' oo Israeli.»

ISAYA 47:6

Aníng muk'eé' una i buúhh, aalir'eé' ngiri meetagaás, ngiri haniís gawaá dabaawók i alé, ala kiíng iga gurtleeriiká, qoomaadaádae kiíng bariise ana huwár iloói tsa/ás.

ISAYA 51:15

Aníng a AAKOÓ MUNGÚ, Munguúwók, aníng tlawi an /eera gaás nee gwaanduú ma'aay iri /orootl. Umuueé' an AAKOÓ MUNGÚ Aleesleemusmo.

ISAYA 54:5

Asma tleehharusmoowók an adór hhawaatuwók. Umuuwós a AAKOÓ MUNGÚ Aleesleemusmo, nee kudá' hhoohhoó' oo Israeli an gweerusmoowók. Inós an Mungú daanduú yaamu sleémeero.

YEREMIA 10:12

AAKOÓ MUNGÚ yaamu gina tleéhh ar /uuruuwós, ar sagalooaarose yaamuuká' gina gawdeés, ar fuquraangose doori gina hhaáf.

YEREMIA 10:6

Aá AAKOÓ MUNGÚ, oo adór kuúng i kaahh tumu wák, kuúng tu úr, umuuwók i /uuruú kón.

YEREMIA 31:35

Adoorí an adoodá' AAKOÓ MUNGÚ i kaahi. «Anuú AAKOÓ MUNGÚ Aleesleemusmo, aníng an kudá' gaa qoomees tsee/amá iwa gwa/aati tlaatla/ango, xweeraawo slahhaangw nee tsatse/ iwa gwa/aatiya', kudá' tlawi gaa gwaanduú ma'áy tleehh.

YEREMIA 32:18

Kuúng gár ta harslaaqat i káhh, nee múk kumér yaariir ugwa sla'aarirók ar warqawaakií laqaán, ala sleeme kuúng muu un múx as tlakweemaá xwayliitér'ín. Kuúng an Munguú úr oo /uuruú koóm, nee umuuwók an AAKOÓ MUNGÚ Aleesleemusmo.

YEREMIA 33:2

AAKOÓ MUNGÚ kudá' yaamu gaa tleehh, nee kudá' iihhafirír yaamu ga kumiitiís, kudá' umuuwós ta bay AAKOÓ MUNGÚ, inós aníng iri báy,

YEREMIA 46:18

Anuú waawutmo kudá' ta bay AAKOÓ MUNGÚ Aleesleemusmo, aníng lo'o aga /aáy ar umuueé', gídaabá oo wák ni hardah. Inós a adór tloomár Tabori baraá tla/ángw tlom'iiwo, nee a adór tloomár Karmeli bihhaá tlawto.

YEREMIA 50:34

Ala ba/amusmooín oo /uuruú koóm, AAKOÓ MUNGÚ Aleesleemusmo an umuuwós. Inooín gin aleekalaa/, giri amohhooárií haniis baraá yaamuwo, ala yaamuloouusér Babuloni amoqwanaay gway sleér.»

YEREMIA 51:19

Munguú Yakobo a adór inooineeká, asma inós umuú gaaro gana tleéhh. Múk Israeli an múk aalirós, AAKOÓ MUNGÚ Aleesleemusmo an umuuwós.

WA/AA/I 3:24

Aníng ana baraaeé' oó', «AAKOÓ MUNGÚ an aalir'eé', gawaá adoorihe, aníng inós un harahhiíf.»

AMOS 4:13

Mungú an kudá' tlom'i gaa tleehh nee fur'aaro, inós inslawaywós gun dír heéwí oo', inós an kudá' tlaatla/aangw gu xweerí warqeés, nee an kudá' sagér tlom'i ga yaamií adaráh. Inós umuuwós an AAKOÓ MUNGÚ, Munguú Aleesleemusmo.

SEKARIA 2:12

Nee AAKOÓ MUNGÚ xoorór Yuda gari aal, baraá yaamuudá' hhoohhoó' wa alé, inós Yerusalemu gay malé tsawaar.

DABE 32:9

Inós múk Yakobo guna qaás tawa mukós. Múk Yakobo guna tsawaár tawa aalirós.