YEREMIA 1:9 - Biblía Axweesantá Hhohho' ar Mungú 2004

⁹ Naagáy, AAKOÓ MUNGÚ afkueé' guri kwatiít ar dakós, iri báy, «Qaytsiít axweesante'eé' aga qaás baraá afkók.

YEREMIA 1:9 Iomraidhean Croise

ISAYA 49:2

Afkueé' guna ngwatstís adór kuquú paánga iri baraá mahhtuú dakós i luú/. Iri mahángw taa duúq tleéhh, iri luú/ baraá tlaangasirós.

ISAYA 50:4

Aakoó MUNGÚ aníng iga intsaahhatís axweesantá qooma as múk a diqay tsatmiit nguwa /uurií haniís. Umuú matlaatleero in tleemiis as nguwa iiaárií qaas gawaá tidá' iwa intsaahhatimisi.

ISAYA 51:16

Aníng axweesante'eé' aga qaás baraá afkók nee ugwa luú/ baraá mahhtuú dakw'eé'. Doori ngiri hhaáf nee iihhafiirír yaamu ngiri qaás, múk Siyoni nguri báw, ‹Kuungá' an muk'eé'.› »

ISAYA 59:21

AAKOÓ MUNGÚ i kaahi, «Aníng alqado a tlehhiít nee kuungá'. Qeeruueé' kuduú gawaahúng nee axweesante'eé' tidá' naa qaás gawaá aferhúng, miwa qútl baraá aferhunge, laqaá baraá afér na/iihunge, laqaá baraá afér na/aá na/iihunge, iimír hamí tam ay alhhe'eesay wasle.»

YEREMIA 15:19

Gawaá adoorihe, AAKOÓ MUNGÚ i kaahi, «Barnaxés iga i kí/, aníng kuúng un adoodár aángií ki/ís, nee kuúng uri malé sagadiyusmooeé' tleéhh. Barnaxes axweesanoó lama ugwa meér, nee oo ganaá' bura axwés, daqaní kuúng an aarusmooeé' tleehhít. Muu nin amoorók i burumburiit, ala kuúng amor'ín a keeraaká.

YEREMIA 34:6

Naagáy Yeremia kangwdá' guri dír waawutmo Sedekia i oó' baraá Yerusalemúr wa aleeró.

YEREMIA 36:2

«Kitaábu tataahheek axweesantadá' naa kuúngí aaiím sleémeero gooimeek, tidá' naa káh daanduú Israeli, daanduú múk Yuda nee daanduú xoordaá hatlá' sleémeero, tidá' naa aaiím iimidá' axweesani ngiwa iimu/uúm nee kuúng, qoomár waawutmo tawa Yosia ay laarí.

YEREMIA 5:14

Gawaá adoorihe AAKOÓ MUNGÚ, Munguú Aleesleemusmo, i kaahi, «Yeremía, asma muksíng iwa adoosír axweesi, ga/aaweek axweesante'eé' an adór asla tleéhh baraá afkoge, mukwí tari adór migír, inooín asla giri /ák.

ESEKIELI 3:10

Iri male báy, «Heewí, axweesantí ni kuúng babaw sleémeero baraá muunaáwók ti qas, nee iiaárií qaasa hhe'eeseek.

DANIELI 10:10

Qoomaarihe dawa iri kwatiít, iri sihhtís nee diqoó ya'aeé' nee oo dabaawo guri kwa/ás.

DANIELI 10:16

Naagáy, slaqsayko wák una ár oo adór hee, slufoeé' gina kwatiít, aníng nay ilawaáts, heedaádá' aa sihhiit bihhaeé' nguri báw, ‹Aá Aáko, iigu'utuwí iga ló'wa slahh'eés tam án nay bus'umiít.

FAARO 23:5

AAKOÓ MUNGÚ axweesani gari oó' dír Bala'amu ar i ooár ay dír Balaki.

Matayo 10:19

Ala qoomár barnaxes kuungá' tundu huwahuuw, gár ta oa' ma leelehhitara', asma qoomaadae gár ta oa' kingi haniis.

Marko 7:33

Yesu heedá' gurira quútl dír muko, ditsaawós giri baraá iaá heedaádií qaás, iri tsuúq, guri tsifrangw kwatiít.

Luka 12:12

Asma siiwadae Qeeruú hhoohhoó' oo Mungú kuungá' nu intsaahhatis tidá' hariim ooaro.»

Luka 21:15

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

DABE 18:16

«Gaarí an gadaádá' kuungá' taa baraá Horebúr wa firiindé' dír AAKOÓ MUNGÚ, Munguúhúng, baalaadá' tawa burumburité' tari oé', ‹Afór AAKOÓ MUNGÚ Munguúrén, mawa male axaasaán, laqaá tam asltá ur ar adór tiqá' mawa male araán as kahhó' mawa qatlaán.›

DABE 18:17

Aluuwo AAKOÓ MUNGÚ aníng iri báy, ‹Mukwí looeemaaín ngaa ooiyé'.›

DABE 18:18

Aníng aarusmoó adór kuúng u baraá tla/angwhúng wa tsawaár, nee aníng axweesante'eé' a baraá afkós i qaás, inós tidá' sleémeero aníng ngwaa báw ngi dirhúng í oo'.