YEREMIA 1:8 - Biblía Axweesantá Hhohho' ar Mungú 2004

⁸ Kuúng inooín mi da'ayumitaar, aníng a dinkwa nee kuúng as uwa ba/amis. Anuú AAKOÓ MUNGÚ tí ngina oó'.»

YEREMIA 1:8 Iomraidhean Croise

TI'INAANGW 3:12

Mungú iri oó', «Aníng a dinkwa nee kuúng, layár ga laqaqaam adór aníng nee kuúng tar dinkwa a tí: Qoomár bar múk Israeli ngwa baraá yaamaá Misrír wa dúx, anuú Mungú iri gawaá tloomarí wa sluufmisá'.»

ISAYA 43:2

Qoomár kuungá' bar warahhá' ar baraá ma'aá yaariir, aníng nee kuungá' a dinkwa. Yau kuungá' nu hayohiaaká. Qoomár kuungá' bar baraá ásltár warhhá' tam tsángw asla kuungá' nu sloohhiiká.

ISAYA 51:12

AAKOÓ MUNGÚ i kaahi, «Aníng a kudá' kuúng u gurkwa/ás. Ahaá waáy gár heé gwaá' kus da'ayuumit Heé qo ilaá wa qwaár adór gitso?

ISAYA 51:7

Aníng iiárií qaasaré' kuungaá hotaá ganaa'á' ngi xuá', mukdá' baraá muner'ine daber'eé' ngi koomá' /ooslislíngw muu mu da'ayumitaara' nee mutunduwa amoqwaareés nee kaantíngw muu.

YEREMIA 1:17

Hám daxta kuúng Yeremía, ti amohhe'es siinotaywók tseegeek. Tláw tí u babaw ooeek, inooín mi da'ayumitaar, as kahhó' aníng kuúng muwa de'eérí tleés dír geeraaine.

YEREMIA 1:19

Inooín tan slaaqw nee kuúng, ala u baaliaaká, asma aníng nee kuúng a dinkwa as uwa ba/amis. Anuú AAKOÓ MUNGÚ tí ngina oó'.»

YEREMIA 20:11

Ala kuúng AAKOÓ MUNGÚ a dinkwa nee aníng. Dir'eene kuúng a adór migusmoó dae tlaáq. Gawaá adoorihe kuká' aníng i baramaanuusá' i dukuutsiyá', baaliro i aleeslay'aaká. Ki ló'wa mureekees, asma i baalina'aaká. Murér alhhe'eesay wasle ngin slayá', ar taqo baloó gunqareesiiká.

YEREMIA 30:11

Anuú AAKOÓ MUNGÚ a kah, «Asma aníng nee kuungá' a dinkwa as nuwa ba/amis. Aníng xoordu sleémeero i hhaamiís, kudá' aníng kuungá' nuy diyaá/. Ala aníng kuungá' nu hhaamisaaká. Kuungá' nun tawó muúx ar qoomoó gan'amu, ala a tawo watla'aaká burna muxiiká'.»

YEREMIA 39:11

Nebukadnesa waawutmoó Babuloni Nebusaradani kuduú geeraharusmoó xuumuuse, daanduú Yeremiawo guri báy,

YEREMIA 42:11

AAKOÓ MUNGÚ i kaahi, ‹Waawutmoó Babuloni mu da'ayumitaara' kusíng hám kuungá' ta da'ayumita', kár ee, mu baloó da'ayutara' tam adór niiná. Aníng a dinkwa nee kuungá' as nuwa ba/amis nee nuwa /iis gawaá dabaawose.

DANIELI 3:17

Bar adoosíng Munguúrén kudá' atén ta sagadiyusaan tiqo ba/amis baraá bohongwduú asltá gufteeriwo, inós atén ti ba/amis baraá dabaá waawutmoowo.

DANIELI 3:25

Iri oó', «Qaytsité' án baré muu ngu ga/aw a tsiyáhh, slám kwa gweér, i baraaqá' wa hi'imitiyá', gár gi a'aw i káhh. Nee slaqsoó kuquú tsiyáhh a adór malaykamo.»

Matayo 10:26

«Kuungá' mukwí mu da'ayumitaara'. Asma umuúqo gaaro ar taa tuuntuúk, ka waatlees, nee umuúqo gaaro ar taa luú/, ka geehhooees.

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Tlehhema'aá ya/Abuuse 18:10

Asma aníng nee kuúng a dinkwa. Heé kuúng u i haratláw nee u gaa laáq i kaahh, asma aníng muk'eé' ku yaariír baraá gixsarihe.»

Tlehhema'aá ya/Abuuse 26:17

Án kuúng u tuú/ baraá dabaá múk Israeliwo, nee dabaá múk xoordaá hatlá', asma aníng kuúng un amor'íní ya/aáw.

Tlehhema'aá ya/Abuuse 4:13

Mukdaádá' urén oo doó kwasleema pihh'uumár Petro nee Yohane kawa ár, nee kawa tsaáhh tawa múk aa soomuusiiká, tari waa/oó/. Kari tsaáhh adór mukwí nee Yesu tar dinkwa.

Tlehhema'aá ya/Abuuse 4:29

Ala Aáko, ham daxta de'e tlaquuín ga/aaweek, nee sagadiyuuseerók aleesleemu ti hanis as axweesantók kawa axweesi ar pihh'uuma sleémeero.

Efeso 6:20

Aníng a ya/abusmoó Ya/abtoorí hho', ala tam taa tseegi. Gawaá adoorihe, án aleefiriirimaaré' as Ya/abtoorí hho' ngi axwees ar pihh'uuma adoodá' aníng wá hariim.

DABE 31:6

Kuungá' /atlé', nee munehhe'eesé'. Mada'ayumiitaara', laqaá munduwa dae tlaaqiyé'. Asma AAKOÓ MUNGÚ, Munguúhúng nee kuungá' tin alkoondá', inós i surukiiká dirhunge nee nu geexayká.»

DABE 31:8

AAKOÓ MUNGÚ kuungá' nun geerahaar. Inós nee kuungá' a dinkwa. Inós i surukiiká dirhunge, laqaá nu geexayká. Mada'ayumiitaara', laqaá ma amoqwaqwadimara'.»

YOSHUA 1:5

Hee tumu wák i kaahh oo kuúng u tlampa'aás baraá deelór hotaawók sleémeero. Aníng nee kuúng a dinkwa, adoodá' aníng nee Mose tara dinku'uusaán daqisleém, kuúng gár uwa /aaruw i káhh, nee u geexawaaká.

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»