YEREMIA 1:6 - Biblía Axweesantá Hhohho' ar Mungú 2004

⁶ Aníng niri oó', «Aasla'áy Aakoó MUNGÚ, qaytsiít, aníng gár ni oo' a xuaaká, asma aníng ti niiná.»

YEREMIA 1:6 Iomraidhean Croise

TI'INAANGW 4:1

Mose guri mu/aywaáts, iri oó', «Ala qaytsiít, inooín aníng i haratlinti'iaaká, laqaá afor'eé' ngi iiárií qaasiaaká, asma tan ooi, ‹AAKOÓ MUNGÚ taa dirógí geehooeesiiká.› »

TI'INAANGW 6:12

Ala Mose AAKOÓ MUNGÚ guri báy, «Qaytsiít, muk Israeli aníng iga iiárií qaasiiká. Daxta alók an Faraówo oo aníng i iiárií qaás, anuúdá' axweesani qomeemesuwo ga xuaaká?»

TI'INAANGW 6:30

Ala Mose iri dír geeraá AAKOÓ MUNGÚ wa axweés, i kaahi, «Aníng bar heé axweesani qoomeemesuwo ga xuaaká, adór Farao aníng ir iiárií qaasi?»

ISAYA 6:5

Aluuwo aníng niri oó', «Tsaxwaaeé', asma aníng aga qwaár, aníng a heé afa slasla/aár, nee an hoót tla/ángw múk afe slasla/arén wa ale, nee ilaaeé' waawutmo ngwaa ariyé', AAKOÓ MUNGÚ Aleesleemusmo.»

YEREMIA 14:13

Naagáy, aníng niri oó', «Aá Aakoó MUNGÚ, ga/aaweek, aaruuse i múk babeer, kuungá' slaqwara nu sleeraaká, laqaá qwari, asma kuúng al'axweesani aga ó' tawa kat, ‹Wayda i kumamiit baraá yaamuukae.› »

YEREMIA 32:17

«Aá Aakoó MUNGÚ, kuúng doori nee yaamu ina tléhh ar aleesleemuú úr, nee ar /uuruuwók.

YEREMIA 34:6

Naagáy Yeremia kangwdá' guri dír waawutmo Sedekia i oó' baraá Yerusalemúr wa aleeró.

YEREMIA 4:10

Naagáy aníng niri oó', «Aá Aakoó MUNGÚ, ar ló' kuúng muu ugwa al/ák nee gixsár Yerusalemu. Ina beér, Kuungá' a hotá' ar amohhooa, laatí hamí slafiingw in baraá tsaxwa.»

ESEKIELI 4:14

Aníng nguri báw, «Aá Aakoó MUNGÚ! Aníng taa baloó meetagaasiiká as tuua ngiwa /aay, laqaá gár makiito'ór sla/a aa ót, laqaá tam fu'unaá makaá slasla/aren iga /ayiiká iimír tawa na/oó niiná.»

SEKARIA 2:4

Inós guri báy, «Ta'aaím masoomoodá' ku beer, ‹Yerusalemu kan al'iwiit nee muu, adór gixsár koo/ír koomaaká as muu kuwa yaariír, nee makaá ta de'en awa baraawós i diriiá'.