YEREMIA 1:5 - Biblía Axweesantá Hhohho' ar Mungú 2004

⁵ «Iimír qoomár kuúng tuwa tsihiiká baraá guruú aayooro aníng kuúng una xuú', nee qoomár tuwa laqwaaliiká aníng kuúng una hhoohhoeés, una tsawaár as tawa aarusmoó xoordu.»

YEREMIA 1:5 Iomraidhean Croise

WARA'AMI 139:15

Fadueé' ki geetlakweeká diroge, qoomár án tiwa tleéhh ar sufa, án ina aán tiwa haragaás ar adór qoom baraá guruú aayor'eene.

WARA'AMI 139:16

Tam qoomár aníng tiwa laqwaliiká, ilaawók ina ariyé'. Deelór hotaeé' aga qoomés gooiro baraá kitaábuuwók i ale, dír aníng tira laqwaaliiká.

TI'INAANGW 33:12

Mose AAKOÓ MUNGÚ guri báy, «Ga/aaweek, kuúng aníng ina beér, ‹Mukwí ar tlaweek.› Ala heé nee aníng ti alkoomá' ngwa o'oká. Tam adoorihe ina beér, ‹Aníng kuúng u xuú' nee ugwa gurií baá/.›

TI'INAANGW 33:17

AAKOÓ MUNGÚ Mose guri báy, «/Aymuusíng taa ó' i qón, as aníng kuúng uwa gurií baá/, nee umuuwók nguwa xuú', adoosíng kuúng ta kat ngi tleéhh.»

ISAYA 44:2

AAKOÓ MUNGÚ kudá' kuungá' naa tleehh, kudá' kuungá' naa buqumbuqun baraá guruú aayooro nee kudá' nu alee/iís, i kaahi, «Ma da'ayumitaara', kuungaá múk Yakobo, sagadiyuuser'eé', Yeshuruni kudá' aníng naa tsawaár.

ISAYA 49:1

Aníng iiárií qaasaré' kuungá' hhapaá sawen, iia qaasaak kuungaá múk sawén, AAKOÓ MUNGÚ ina ateét qoomár aníng niwa baraá guruú aayoórí kaahh, ina umií tsaát qoomár niwa baraá guruú aayor'eéní kaahh.

ISAYA 49:5

Nee hám daxta AAKOÓ MUNGÚ, kudá' aníng iga tleehh iimír niwa baraá guruú aayor'eéní dirii' as tawa sagadiyusmoowós. As múk Yakobo nguwa amoorós i ki/is, nee múk Israeli nguwa amoorós i burumbuur. AAKOÓ MUNGÚ iga ilaiwa/amérí sláy dír geeraawose, nee Munguúeé' an /uuruueé', i axwees,

YEREMIA 1:10

Qaytsiít, laarí aleesleemu ngwa haniís daanduú xoorduwo nee waawuti'iimaro as kiwa tu/uun nee kiwa giqeer, aleesleemuú kiwa hhitiin nee kiwa qwaares, nee aleesleemuú kiwa tlehh nee kiwa sihhtis.»

YEREMIA 1:4

Axweesantá AAKOÓ MUNGÚ ana axaás i kat,

YEREMIA 20:15

I tsarere'eeti, heedaádá' baabuúeé' gwaa beemuú ay, «Na/oó garma kwa laqwaál.» Baabá guri qwal/aás.

YEREMIA 25:13

Aníng muruudá' sleémeero naa axweés daanduú yaamuukae ngu huúw, nee tidá' sleémeero taa gooín baraá kitaábuuwí, tidá' Yeremia aa aarín daanduú xoordu sleémeerowo a boo/eés.

YEREMIA 36:2

«Kitaábu tataahheek axweesantadá' naa kuúngí aaiím sleémeero gooimeek, tidá' naa káh daanduú Israeli, daanduú múk Yuda nee daanduú xoordaá hatlá' sleémeero, tidá' naa aaiím iimidá' axweesani ngiwa iimu/uúm nee kuúng, qoomár waawutmo tawa Yosia ay laarí.

YEREMIA 50:34

Ala ba/amusmooín oo /uuruú koóm, AAKOÓ MUNGÚ Aleesleemusmo an umuuwós. Inooín gin aleekalaa/, giri amohhooárií haniis baraá yaamuwo, ala yaamuloouusér Babuloni amoqwanaay gway sleér.»

Luka 1:15

Asma uraay gu sláy dír Aakoowo. Difaái ga baloó wahiiká laqaá umuúqo gár ooniitimisa. Inós ku hatsiis Qeeruú hhoohhoó' oo Munguhe iimír iwa baraá guruú aayoórí kahhi.

Luka 1:41

Elisabeti laawoó Maria nguwa axás, na/oó niiná iri neét baraá guruuwós wa ale, Elisabeti kari hatsiís Qeeruú hhoohhoó' oo Munguhe.

Luka 1:76

Nee ná/aay, kuúng sleeme tu bay aarusmoó Kudá' Gáwtí dirií', asma geeraá Aako in hát, as luhuuwós kiwa amohhe'es,

Yohana 10:36

Ala anuúwí taa tsuúq nee Baabá, nee tiri ya/aáw baraá yaamu, kuungá' mis babeera', ‹Kuúng a Munguú /ooslisliín,› án bar kah, ‹Aníng a Garmoó Mungú?›

Rumi 1:1

Anuú Paulo barwaárí ngina gooiím. Aníng a lawaalmoó Kristo Yesu, tina ateét tawa ya/abusmo, nee tiri tsawaár as Ya/abtór hho' ar Mungú ngiwa alki/iit.

Rumi 8:29

Asma iimír aáng, inooín kiwa tleehhiiká, Mungú inooín gaa qaroó xuú', slám gaa qaroó tsawaár iwa warqaya', as tawa slaqamís nee Garmaawós. Gawaá adoorihe Garmaawós masók an garmoó baris dír hhaeewós awa yaariire.

1 Korinto 8:3

ala heé Mungú gu slaá' inós ku xuu' nee Mungú.

Efeso 1:22

Mungú mura' sleémeero gwa gawaá dabaawós i qaás. Slám inós gun uráy haniis, as inós tawa ságw mukdá' inós gwa haratlintii',