YEREMIA 1:3 - Biblía Axweesantá Hhohho' ar Mungú 2004

³ Slám Yeremia axweesantí gana malé axaás de'emaá Yehoyakimu garmoó Yosia waawutmoó Yuda. Ina kumiít axamisuuwo ay alhhe'eesoó kurkú mibaá nee wak oo waawuti'imár Sedekia, garmoó Yosia waawutmoó Yuda, tam ay slahhángw kooán qoomár múk Yerusalemu kuwa loohatís.

YEREMIA 1:3 Iomraidhean Croise

2 WAAWITÁ 23:34

Farao-neko, Eliakimu garmoó waawutmo Yosia guri waawutmoó wa qaás kitángw baabuúwós Yosia, guri umuú /abén i tsaát kway báy Yehoyakimu. Ala Yehoahasi guri ar tláy ay yaamaá saawá' awa Misri, iri amoodá' i gwaá'.

2 WAAWITÁ 24:17

Nebukadnesa Matania maamoó Yehoyakini guri waawutmoó wa qaás kitaangose. Umuuwós guri warqeés guri báy Sedekia.

1 QOM'I 3:15

Daaqoó Yosia a kwí tsiyáhh: Yohanani a garmoó baris, oo tsár a Yehoyakimu nee oo tám a Sedekia, oo tsiyáhh a Shalumu.

YEREMIA 1:4

Axweesantá AAKOÓ MUNGÚ ana axaás i kat,

YEREMIA 34:1

Qoomár waawutmo Nebukadnesa oo Babuloni nee slaqwaruuseerós, nee slaqwaruusér xoordaá hatlá', kudá' inós aa baál, tawa slaqwi nee Yerusalemu nee gixsadaá iisaapaydá'. Axweesantá AAKOÓ MUNGÚ Yeremia gana axaás, i kat,

YEREMIA 35:1

De'emaá waawutmo Yehoyakimu garmoó Yosia, waawutmoó Yuda, Yeremia axweesantá AAKOÓ MUNGÚ gana axaás, i kat,

YEREMIA 36:2

«Kitaábu tataahheek axweesantadá' naa kuúngí aaiím sleémeero gooimeek, tidá' naa káh daanduú Israeli, daanduú múk Yuda nee daanduú xoordaá hatlá' sleémeero, tidá' naa aaiím iimidá' axweesani ngiwa iimu/uúm nee kuúng, qoomár waawutmo tawa Yosia ay laarí.

YEREMIA 39:2

Bál slahhángw tsiyáhh tawa gwaleél oo kurkú mibaá nee wák iimír Sedekia, tawa waawutmo, koo/ír gixsár Yerusalemu kana fooxiís.

SEKARIA 7:5

«Muu sleémeero nee kaahamuusér Munguhe ki beer, ‹Qoomár tawa gwaawiindé' nee tawa tsuunqumiisé' umuúqo slahhángw kooán nee oo faanqwe, baraá kureeriká mibeeri faanqw awa naa waarahhii'i, xáy aníng ina sa gwaawiindí'i?

SEKARIA 8:19

«Gwaawitór slahhángw tsiyáhh, nee ar slahhángw kooán, nee ar slahhángw faanqw, nee slahhángw mibaangw, a deelór tawa naagisi qwala/ nee bar/uuwo, nee a deelór ur dír múk doó Yudawo, gawaá adoorihe looeema nee wayda sla'aak.»