YEREMIA 1:17 - Biblía Axweesantá Hhohho' ar Mungú 2004

¹⁷ Hám daxta kuúng Yeremía, ti amohhe'es siinotaywók tseegeek. Tláw tí u babaw ooeek, inooín mi da'ayumitaar, as kahhó' aníng kuúng muwa de'eérí tleés dír geeraaine.

YEREMIA 1:17 Iomraidhean Croise

1 WAAWITÁ 18:46

/Uuruú AAKOÓ MUNGÚ iri hardáh dír Eliya, inós iri siinootín, iri ta'aaín, iri giirín hardahmuuwo dír Ahabuwo baraá gixsár Yesre'eli.

2 WAAWITÁ 1:15

Naagáy malaykamoó AAKOÓ MUNGÚ Eliya guri báy, «Inós mu da'ayumiitaar, al'aweeré' nee inós.» Eliya iri sihhiít tari al'aweér ay dír waawutmo

2 WAAWITÁ 4:29

Gehasi guri báy, «Siinootiím, are hhartaeé' tisíng huweek, gaanslár tlaw. Ma sihhiitaar, baraá loohiro hee mu laaw'eesaar, tam heé kuúng ugwa laaw'ees baraá loohiro ma ilawatsaar. Humaamísh amór do', hhartaeé' tí qaaseek gawaá gitsee/aá na/aay.»

2 WAAWITÁ 9:1

Qoomaarír kilae aarusmo Elisha heé wák baraá tla/ángw eeharuusér aaruuseero guri ateét, guri báy, «Ti amohhe'es Ramot-gileadi keemuuwo. Aree chupiito'ór di/i,

YOBU 38:3

Gím, siinootiím adór hhawaatuú wá ale, daqanirkó axweesante'eé' tí ngi tláxw.

TI'INAANGW 3:12

Mungú iri oó', «Aníng a dinkwa nee kuúng, layár ga laqaqaam adór aníng nee kuúng tar dinkwa a tí: Qoomár bar múk Israeli ngwa baraá yaamaá Misrír wa dúx, anuú Mungú iri gawaá tloomarí wa sluufmisá'.»

TI'INAANGW 7:2

Umuúqo gár ugwa bawi kuúng kari ó', nee hhiyaawók Aroni gari oo' dír Farao, as múk Israeli nguwa geemay tawa ti'iiti baraá yaamuuwose.

YEREMIA 1:18

Asma laarí aníng kuúng ugwa gawdeés adór gixsár taa harweér ar koo/ír gawit, ar taa uheemaá muqslár i siíhh, nee ar koo/irós taa tleéhh ar muqslár sirda/aten, as tiwa tlampa'aamisa' nee yaamu sleémeero, nee waawituú oo xoorór Yuda, nee geeraharuuserose, nee kaahamuusér Munguhe, nee múk yaamuuká' sleémeero.

YEREMIA 17:18

Kudá' aníng i slahh'eemisá' ki mureekeesi, ala aníng mi mawaar tiwa mureekeesi. Kuká' ki alsi'imúy, ala aníng mi mawaar tiwa alsi'imuy. Amotlakwe ti hup. Hhaamiseek ni sagaawa tsár wa qororo'ootiye'.

YEREMIA 23:28

Aarusmo kudá' tlataawós káh, tlataawós ngi oin, ala kudá' axweesante'eé' ga koóm ngi dahareemisi ar inkihhimu. Muundáy nee aangano iqo tsuwa alqoná'a? Aanuú AAKOÓ MUNGÚ tí ngina oó'.›

YEREMIA 26:12

Naagáy, Yeremia geeraharuusedá' nee muu sleémeerowo giri báy, «AAKOÓ MUNGÚ aníng ina ya/aáw as niwa aariim daanduú Do'owihe nee gixsarihe muruudá' sleémeero taa axasé'.

YEREMIA 26:2

«Anuú AAKOÓ MUNGÚ a kah, ‹Sihhiít baraá matla/ángw Doó AAKOÓ MUNGÚ, múk gixsár Yuda kudá' baraaká' wa sluufmamiís kaangwí ti o', muruuwí sleémeero naa kuúng báw, ti o', tam ar wák ma mawaar ooaro.

YEREMIA 36:8

Naagáy Baruku garmoó Neria muruudá' sleémeero aarusmo Yeremia ngwa báy guri tleéhh, daanduú kitaábuudá' taa axweesantá AAKOÓ MUNGÚ i gooín nguwa soomuusi baraá Doó AAKOÓ MUNGÚ wa alé.

WA/AA/I 3:57

Uwa ateét ina haratsewuúr iri beér, «Ma da'ayumitaar!»

YONA 3:2

«Tláw amór yaamaá Ninewi, gixsadá' ur kaweek, ya/abtoodá' naa dirók i oó' ilaharmiseek.»

Luka 12:35

«Masók aga siinootiindé' nee tsaa'asayhúng masók i gwa/aat.

Tlehhema'aá ya/Abuuse 20:20

Aníng kuungá' /aymuú nuwa /iít i kaahh. Ala umuúqo gaaro baraá axweesantá Munguhe ana alki/iít, nee ana intsaahhatimís ar geehhoeema laqaá tam baraá maraay, as alee/isayhúng.

Tlehhema'aá ya/Abuuse 20:27

Asma aníng adoodá' sleémeero Mungú i slai dirhúngí alki/iituuwo ngaa mawiiká.

1 Korinto 9:16

Asma aníng tam a Ya/abtór hhó' alki/iita, gár tir xirfayees i káhh. Asma gaarí a gadiyér tinda aníng i haniís, a gár ni baqaaká tleehhamooro. Aníng Ya/abtór hho' bar alki/iitaaká, a tsaxwaaeé'.

1 Tesalonike 2:2

Kuungá' a xuá' adór atén tira slahh'eemiís nee tira niqimís baraá yaamaá Filipír wa ale qoomár niwa hardahaaniiká ayaahúng i alé. Ala Mungú tiri /uurií haniís, Ya/abtór hho' ngari kuungá' i alki/iitaán, tam dukuutsér yaariir aga slaaslawaani.

1 Petro 1:13

Gawaá adoorihe inqwaruuhúng siinootaak, nee ta dal'á'. Kuungá' masók tsuuqaadá' tindi haniisi qoomár Yesu Kristo burkwa geehhooeés, in ló'wa harahhifá'.