YEREMIA 1:16 - Biblía Axweesantá Hhohho' ar Mungú 2004

¹⁶ Aníng múk Israeli un sakwasleemuút as tlakweemaaín kudá' sleémeero naa tleehhiyé' aníng iwa geexayé' nee munguaá hatlá' ngiri mooyángw i da/a/ané', nee slaqsi'i kudá' naa dabaaín ar tlehhiitiyé' ngina haratlintati'iyé'.

YEREMIA 1:16 Iomraidhean Croise

2 WAAWITÁ 22:17

Asma aníng iga geexayé', munguaá hatlá' ngaa mooyángw tsuú' i da/iyé', aníng iga buhhtisiyé' ar gadiyér dabaaín sleémeero. Gawaá adoorihe, aníng iga i daa/atúw buhhtaawo, nee i baloó tsauya'aaká.

2 QOM'I 15:2

Inós iri tláy waawutmo Asa guri al'áy gway báy, «Aá waawutmo Asa, nee muu sleémeero oo Yuda nee oo Benyaminiwo, aníng iiárií qaasaré', AAKOÓ MUNGÚ a dinkwa nee kuungá', barnaxes kuungá' a dinkwa nee inós. Kuungá' bura leelehhé' u sleerá', ala bura geexeeré', inós sleeme kuungá' nu geexáy.

2 QOM'I 28:2

Loohír aa eehár a tidár waawituú Israeli aa eehár. Inós munguúdá' ta bay Ba'ali guna tleéhh ar muqslír taa kwahhuút.

2 QOM'I 34:25

Asma aníng ina geexayé', munguaá hatlá' ngay mooyángw tsuú' i da/iyé', aníng iga buhhtisiyé' daanduú gadiyedá' naa dabaaín ar tleehhii'i. Gawaá adoorihe aníng yaamuuká' i ii daa/atúw buhhtawo, heé i har'óh i kaahh.›

2 QOM'I 7:19

Ala barnaxés kuungá' aníng iga geexeeré', kaahir'eé' kari sié' nee hara'ayar'eene, nee munguaá hatlá' kiri sluufmisuú eeré',

ISAYA 2:8

Yaamuuín naa hatsiyé' munguaá murslaaqatuuwo, gár i sluufmisiya' a gadiyér dabaaín, muruú taa tlehhiít ar ditsaá kilá'.

ISAYA 37:19

Mungui'ín kiri baraá ásltí supín, asma gaa a munguaá kil'eeká. Ala a gadiyér dabaá muu. Gaa a gufteeri nee tla/u. Gawaá adoorihe munguiidá' kiri suwatsaát.

ISAYA 44:15

Aluuwo tari migíruú hee, guna ásltár oohamiís guri mikaátér tleéhh, guri slaqsoó munguír tleéhh guri firiirín. Inós slaqsa'aá tawo gina tlehhiít giri sluufmiís.

ISAYA 65:3

Mukwí an múk aníng i hayloórí lehhiít umuú daqto dír geeraaeene ilahhooár muruú ta tsu/i hanmiisiyá' baraá asalmaá wa ale mooyángw tsuú' ngu da/aa/aná' gawaá matofaali.

YEREMIA 10:15

Inooín an muruú tawo, gadiyer'ín a al/aymár tawo, qoomár birka slahhtá áy i hhaná'.

YEREMIA 10:3

Asma alhotaarír xoordaá hatlá' a al/ayma, hee xa'ano gun tsaat baraá sla/atá wa aleeró, kuri daakw ar tsawo nee heé dakór xuú'.

YEREMIA 11:12

Naagáy múk gixsadaá Yuda nee yaamuloouusér Yerusalemu tari tláy dír munguiidá' naa ilahhooár mooyángw tsuú' i da/aa/ané', ala munguiidá' inooín ngi ba/amisiaaká baraá slahh'amuine.

YEREMIA 11:17

«Anuú AAKOÓ MUNGÚ Aleesleemusmo, kudá' kuugá' naa qaas baraá yaamuuká', amotlakwe ngi gawaahúng i huúw, kuungá' múk Israeli, nee oo Yuda asma tlakweemaadá' taa tlehhé'. Aníng iga buhhtisiyé' as mooyángw tsuú' nguwa da/iyé' dír munguúdá' ta bay Ba'ali.»

YEREMIA 15:6

Anuú AAKOÓ MUNGÚ a kah, «Kuungá' aníng iga sié', aníng iga geexeeré', tari alií ki/é'. Aníng kuungá' nay hhaamiís, asma aga slahhaá' kuungá' gurtlatlaango.

YEREMIA 16:11

Daqaní kuúng ki beer, AAKOÓ MUNGÚ i kaahi, «Baabi'iihúng aníng ina geexayé', munguaá hatlá' ngiri eehariyé' ngiwa sagadiyuusiyá', nee ngiwa sluufmiisiya'. Aníng ina geexayé' tam daber'eé' ngaa oohi'iiká.

YEREMIA 17:13

AAKOÓ MUNGÚ kuúng a harahhifór múk Israeli, kudá' kuúng ugwa si'iye' sleémeero ki mureekees. Kudá' kuúng ugwa geexaye' a adór umér taa gooín baraá hhape. Asma kuúnguú AAKOÓ MUNGÚ una si'iyé', kuduú kutltá ma'aá slafiingw.

YEREMIA 18:15

Ala muk'eé' iga gunqareés, inooín mooyángw tsuú' ngwa munguaá hatlá' i da/aa/ané'. Inooín naa dukuutsiyé' baraá lohuuine, baraá lohdaá aange. Baraá lohdaá irakw kinar uhín kitángw lohdaá hhaytantá urene.

YEREMIA 19:4

Asma mukwí aníng iga geexáy, nee yaamuuká' nga meeta gaasiyé' ar da/aa/ángw mooyaangw dír munguaá hatlá', munguiidá' inooín nee baabi'ii'ín, laqaá waawitaáín ta baloó xuiiká. Nee sleeme yaamuuká' nga hatsiisiyé' tseerdaá múk dakuús wasle.

YEREMIA 2:13

Muk'eé' tlakweemaá tsár gaa tleéhh. Aníduú kutltá ma'aá slafiingw iga geexayé', hhaleeri'ín ngiri kilooín fooliyé', kudá' ma'aay iwa /oomaa/ona'.

YEREMIA 2:17

Kuungá' múk Israeli tí ana kiloohúng leelehhité'. Aníng ina geexeeré', anuú AAKOÓ MUNGÚ, Munguúhúng kudá' naa geerahaar baraá loohiro.

YEREMIA 2:19

Tlakweemahúng awa kilá' kuungá' nu muxiyá', nee kuungá' lo'o nu eér as aníng iwa geexeeré'. Gimsé' xuaak, ka ló'wa tlaakw nee a gár slahh'eemiis, anuú AAKOÓ MUNGÚ, Munguúhúng, bira geexeeré', nee ilaiwa/amer'eé' bara hingesé' baraá muunerhunge. Anuú Aakoó MUNGÚ Aleesleemusmo tí ngina oó'.

YEREMIA 2:28

Ala munguiihúng kudá' taa tlehhé' as kuungá' i amoomá? A xáy gimsé', bundu aslayá' /iisaro nu alee/iisiyé' qoomár slahh'amuhunge. Kuúng Yúda, munguaá yaariir in koón adór gixsadaá ayaawók.

YEREMIA 4:12

Ala a fur'ár ló'wa fukukuu' ar amor'eé' daahh. A anuú AAKOÓ MUNGÚ oo sakwasleemarí ga tleéhh daanduuín.»

YEREMIA 4:28

Gawaá adoorihe yaamu i tsuunqumisiyá', nee doori i boo/ayá'. Tí án aga oó', i baloó warqeeraaká. Aníng tí aga ístí tsaát, sleeme a alií ki/aaká.

YEREMIA 44:17

Ala atén umuú gaaro ar ta lo'ór wa /ayaán aqo an tleehhaán, mooyángw tsuú' kuwa da/aa/amaan dír waawuto'ór doori, nee ilahhooár tsiririxiisa an dirós i haniisaán, adoodá' ta tlehhahhitaan atén nee baabi'iirén, nee waawitaárén, nee geeraharuuseerén, baraá gixsadá' Yudawo nee baraá lohdaá Yerusalemuwo. Asma qoomár adoorí kawa tlehhahhitaan muruú /aymár yaariír una slawaán, diihhooár yaariir ana slawaán, nee gár tlaakw ar taa araán i káhh.

YEREMIA 5:29

Xáy, inqo máwa slahhto as muruuwí sleémeero naa tleehhi'i? Li/aay bu'uto uqo tsuwa máwa dír xoorór adór tihe? Anuú AAKOÓ MUNGÚ tí ngina oó'.

YEREMIA 5:9

Xáy, aníng kaangwihe sakwasleemaro i qo máwa? Xáy, anuú AAKOÓ MUNGÚ daanduú xoorór adór tihe li/aay bu'utuuwo uqo máwa?

YEREMIA 51:17

Umuú hee a daktani, ku xu'uti wásl, umuú kareeramowo nee murslaaqatuuwose ki mureekees, asma slaqsi'iiwós a lama, slám i hiinsliiaaká.

YEREMIA 7:17

Xáy, kuúng hamí a ga/eerakáhe muruú inooín i tlehhiitiya' baraá gixsadaá Yudawo nee baraá lohdaá Yerusalemuro?

YEREMIA 7:18

Na/ii ta migiruú sleemiis, baabi'ii'ín ta asltá oohamiis, nee /ameena ta puuruú lufu/ún as mikaáte kawa tleehhi, as munguúduú /ameeni ta bay «Waawuto'ór gawaá doori» Slám munguaá hatlá' kina ilahhooár difaáírí tsiriximiís as aníng iwa ak buhhtisiya'.

YEREMIA 7:9

Kuungá' a fisisiindá', a tsu/utá', a fuqusá', lo'ór lama an /agá', mooyángw tsuú' un da/a/aandá' dír Ba'ali, nee munguaá hatlá' awa xuaawaslen kiri eehadé'.

ESEKIELI 16:18

Inqwaruú mardaádi una slaqsi'iidár uuntsús, di/taeé' nee mooyangw'eé' kudá' kuri hanís dír slaqsi'iidá'.

ESEKIELI 24:14

Anuú Aakoó MUNGÚ tí ngina oó'. Gaarí i bó/, aníng a tleéhh. Gár adór tihe aníng a lakiitaaká, laqaá gurueé' i tlayká nee a warqawaaká. I sakwasleemuút ar har qoomoó adoodá' tar hotaatiin nee tlehhmi'iiwók.› Anuú Aakoó MUNGÚ tí ngina oó'.»

HOSEA 11:2

Adoodá' ngira alkoóm ateetiingo, án inooín tina ak geexáy. Ilahhooadár muruú ta tsu/i ta Ba'ali hanmiisi ngina ooha hhe'eesiyé', nee ilahhooár mooyángw tsuú' ngina hanmisiyé' dír munguaá slaqsi'i.

HOSEA 8:6

Asma baraá Israeliwo múk dakór baál i deer, inooín dama ngina tleehhiyé' ala a munguheeká baloó ale. Ala damarír Samaria ka suwawaa'.

Yoeli 2:11

AAKOÓ MUNGÚ in tsee' ar afór ur dír geeraá slawtá slaqwaruuseerós wa alé. Asma slaqwaruuseerós ka ló'wa yaariir. Heé axweesantós ga boo/eemiís a pihhusmo. Deelór AAKOÓ MUNGÚ ka ur, slám i dae tláq. Heé deeloorí ga qiítl a heemá?

Tlehhema'aá ya/Abuuse 7:41

Murslaaqatuú dama kuri Mungú tleéhh deeloodane, kuri ilahhooár muruú ta tsú/i hanmiís, gadiyér dabaaín kay sa qwalalaá/.

DABE 28:20

«AAKOÓ MUNGÚ kuúng' un lu'us, uri amotlakweérí huuw, nee amoqwaqwadiingw, nee diqiya' tsatmit baraá gadiyeeduuwók sleémeerowo ay dír tay hhaan nee tari gaanslár suqút, asma tlehhmi'iiwók kudá' tlakw taa tléhh, awa Mungú kuwa geexeér.

DABE 31:16

AAKOÓ MUNGÚ Mose guri báy, «Kuúng daxta deeloorók ar tawa kahhut naa tseewuúr, nee alaá bara gwá', muu aníng i geexáy, nee munguaá hatlá' kiri eehaar awa baraá yaamuudá' tay hotaá ay. Aníng i geexayá', nee alqador'eé' ngiri geexayá', tidá' nee inooín taa tleehhaán.

YOSHUA 24:20

Kuungá' barnaxes AAKOÓ MUNGÚ ugwa gunqaaresé', munguaá /eetuuse kiri sagadiyusé', inós aqo nun al warqáy, nuri slahh'eemiis, nuri xooro qwaarees kitangw nuwa hhooeemáy tlehhahhiít.»

Geehhoeemaá 9:20

Nee múk aa meet, oo taa tsu/iiká ar muxtaarí, gadiyeédár dabaaín kaa hhu'u'unká, neetlaame kaa mayká sluufmisuuwo, nee munguaá muqslaaqatuuwo, kudá' taa tleéhh ar sahaábu nee ar peésa nee ar muqsla nee ar tlaa/e nee xaai. Munguiiká' i xumisiiaaká nee i axamisiiaaká, slám i hi'iimitiiaaká.