YEREMIA 1:14 - Biblía Axweesantá Hhohho' ar Mungú 2004

¹⁴ AAKOÓ MUNGÚ iri báy, «Slaqwaruusér /iikú daahh múk yaamuuká' hoót sleémeero gu hhaamís.

YEREMIA 1:14 Iomraidhean Croise

ISAYA 14:31

Maraay ni tsuunqumiisiye', gixsadu ni /aa/iye', kuungaásá xoorór Filisti gur'e ma'aay ngi dalaa/iye', Asma asla ni /iikú wa hi'ít, slám heé bihhií parangaá/ i kaahh baraá slaqwaruuser'ine.»

ISAYA 41:25

Hee ngwa bihhaá /iikú wa duúk, inós ni hardah, inós ngwaa tsawaár bihhaá da/aáw wa ale, inós umuueé' gu oo', waawitá gun yaamií harakalaa/ adór baa/í adór tleeusmo tleeirós ngir lufu/aa/in.

YEREMIA 10:22

Iia qaasaak, afo taa i hardát, tsimaahhír xoorór yaamaá /iikú daahh ni hardát, gixsadaá Yuda giri xaanxay tléhh, tari dír hotángw intsaawe.

YEREMIA 11:17

«Anuú AAKOÓ MUNGÚ Aleesleemusmo, kudá' kuugá' naa qaas baraá yaamuuká', amotlakwe ngi gawaahúng i huúw, kuungá' múk Israeli, nee oo Yuda asma tlakweemaadá' taa tlehhé'. Aníng iga buhhtisiyé' as mooyángw tsuú' nguwa da/iyé' dír munguúdá' ta bay Ba'ali.»

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 31:8

Qaytsité', muk'eé' ngu yaamaá bihhaá /iikú wa ki/ís. Aníng inooín in burumbuúr baraá hhapeemo sleémeerowo, múk taampu nee oo taqooraay ta dinkwa nee inooín. /Ameenár tsiihaawe nee ar xwaylár sla'a. Boo/oó yaariír oo muu ni diirií kii/.

YEREMIA 4:6

Bendeéra gáwtí tleesaak ka amór Siyoni xu'usá'. Guwé' as tiwa /isa', ma tligatligaara' AAKOÓ MUNGÚ slaqwarár ur ngi /iikú wa huuw nee hhaamimisuú urene.

YEREMIA 46:20

Yaamaá Misri a adór damár buka, ala seehhamoó /iikú daáhh gan kiihh.

YEREMIA 47:2

AAKOÓ MUNGÚ i kaahi, «Ga/aaweek, ma'aay naa bihhaá /iíkwá haratlayé', nee ma'ayká' tari yaaér aa tunqaywa/, inós yaamu sleémeero gi gú/ nee umuú gár baraadá' hoota, gixsa nee yaamuloouuse, tidá' baraadá' hoot. Muu iri /aa/amín, yaamuloouuse sleémeero tari tsuunqumiis.

YEREMIA 50:41

AAKOÓ MUNGÚ daanduú Babuloni i kahi, «Ga/aaweek, muu i bihhaá /iikú wa hi'iit, xoorór /uuruú koom nee waawituú yaariír tinda /iikú wa /ur/uriít.

YEREMIA 50:9

Asma ga/aaweek aníng xoororka ngi /ur/uúr amór Babuloni, dinku'uumár xoordaá yaariir awa /iikú dahhá', taa amohhe'eesiyé' Babuloni ngiwa hayoohiya'. Maheeri'ín a adór awa migusmoó slaqwarár baál, kudá' dab/oórár waawatlaaká.

YEREMIA 6:1

Múk Benyamíni, ti'iité' baraá Yerusalemuro, ta'aaimé' amór amohhooa. Tarumbeéta ufahhaak baraá gixsár Tekoaro, laya laqaamaak amoqár Bet-hakeremu. Asma amotlakwe ni bihhaá /iikú wa hardát dinkwa nee qwanoó ure.

YEREMIA 6:22

AAKOÓ MUNGÚ i kaahi, «Qaytsité', xoorór /iikú daahh ni hi'ít, xoorór /uuruú slaqwarár koom, ti amohhe'eemís amorqá' saáw wa aleeró.

ESEKIELI 1:4

Qoomár niwa qaytsiít, bambaaór tluwoó koom ar /iikú daahh ana ár. Huunkír ur kaa harweér nee mankarór wer'eliim, nee ar asltá bir'eeliim qooma sleémeerowo ana ár. Baraá tla/ángw asltadae naxés gár qwiirii/ adór muqslír sirdaa/aat i baraadií dirí'.

ESEKIELI 24:3

Muk'eé' kwí aa dee/anuut slaqsaywí tay laqaan, nee ki beer, Aníng Aakoó MUNGÚ a kah, ‹Hutlaay qaaseek gawaá akweeso, ku ma'áy qasá'.

Yoeli 2:20

Slawtá ingigi tidá' /iikú daahh a saweés dirhunge, aníng ngiri guús baraá yaamaá xaanxaay nee deewa'ame. Daqtá geerií dirii' iri dát baraá tlawtá da/aáw, nee daqtá alií dirii' i dát baraá tlawtá /uwa, nee dixtir'ín nay tleér, tsutsuir'ín yaamu gay tsatát, asma muruú urén oo tlákw nguna tleehhiyé'.»

SEKARIA 6:6

Gaáridá' ta uuruxun nee farsuú bó/ ina yaamaá /iikú xú', nee tidá' farsuú /awák i uuruxun ina yaamaá /uwa xú', nee ar ta uuruxun nee farsuú bahayén ina yaamaá baskú xú'.