YEREMIA 1:11 - Biblía Axweesantá Hhohho' ar Mungú 2004

¹¹ Axweesantá AAKOÓ MUNGÚ ana axaás i kat, «Yeremía, gár taa aán?» Aníng niri oó', «Halmír naa harma/ ar xa'anoó ta bay mloósi ana ár.»

YEREMIA 1:11 Iomraidhean Croise

IIMU/UUNGW 30:37

Yakobo xwatsoodá' naa/á' awa girgirmó giri taataáhh, nee awa xa'anoó ta bay loósi, xa'anoó adór miniqiti nee gal'a, xwatsoodá' giri qafo fiíq ar parooti as hha'aá /awak iwa gehhoouya' gawaá daanduú xwatsoodá' wa alé.

ISAYA 55:11

An adoodá' axweesantá aa baraá afkueé' wa ti'it, asma iwa tawo ki/ká amor'eé' ale. Ala aqo tidá' ni slaa' gan boo/és, aqo tidá' kasa ya/aáw gan tléhh.

YEREMIA 24:3

Naagáy AAKOÓ MUNGÚ aníng iri báy, «Yeremía, gár taa aán?» Aníng nguri, mu/aywaáts, «Mamaá /aantsí ina ár, tidá' hhohho' ka ló'wa hhohho', tidá' tlakw ka ló'wa tlakw, tam /ayma ga ya/aandaaká.»

ESEKIELI 12:25

Anuú AAKOÓ MUNGÚ kilá' tidá' tlehharuut ngi geerií oó'. Tí ni hardát i baloó tligaká. Kuungá' múk aa dee/anuut qoomár slafingwhunge axweesantí naa káh a boo/eés. Anuú Aakoó MUNGÚ tí aga oó'.»

ESEKIELI 12:28

Gawaá adoorihe, ki beer, Anuú Aakoó MUNGÚ a kah, Axweesante'eé' tí i tligaká ala iqo bó/ sleémeero deeloorír kilae. Anuú Aakoó MUNGÚ tí aga oó'.»

ESEKIELI 7:10

«Ga/aawaak, deeloodá' ni hi'ít, hhaamiisarhúng naa hardát, gurtleemu i umuú dii, nee daara/aangw a /ar/aantuús.

AMOS 7:8

AAKOÓ MUNGÚ aníng iri báy, «Ámos, gár taa aán?» Aníng niri oó', «Gár naa ár a hhutlmoodá' taa saga muqslír i tseék oo ta dó ár qoomeemeesi.» Naagáy Aako aníng iri báy, «Qaytsiít, hhutlmoowú qoomeemes un qaás baraá tla/ángw muk'eé' oo Israeli, mukwí daxta aníng u baloó gurtlawaaká.

AMOS 8:2

AAKO aníng iri báy, «Ámos, gár taa aán?» Aníng niri oó', «Gár naa ár a lakwaantír mamaá naa hamaariye' gi koom.» AAKOÓ MUNGÚ iri báy, «Alhhe'eesoó muk'eé' oo Israeli naa hardáh, aníng tlakweemaaín i malé gurtlawaaká.

SEKARIA 4:2

Aníng iri yaahaás, iri báy, «Gár ta ara'aan a milá?» Án niri oó', «Gár naa ár a kitángw tsaa'asi kay qamin oo taa tleéhh ar sahaábu, gawaawose i búklír kón, nee tsaa'asór faanqw gawaawose taámboó faanqw i deer oo di/tá huwahuúw amór tsaa'asoodá'.

SEKARIA 5:2

Malaykamoodá' aníng iri yaahaás, «Gár taa aán a milá?» Aníng nguri mu/aywaáts, nguri báw, «Kitaábuú gáwtá wa hi'imiít una ár, tlenaangós a miíta gwaleél nee uroó bihhe a miíta tsiyáhh nee tlaqi.»

FAARO 17:8

Matlaatlér taa kayi, Mose iri dáh baraá heémár lamabu'uungw. Baraadae hhartá Aroni oo tlahhoó Laáwi, ina harmá/, nee iri /ayús nee mamu naa hamaariyé' awa xa'anoó taa bay loósi.