YEREMIA 1:10 - Biblía Axweesantá Hhohho' ar Mungú 2004

¹⁰ Qaytsiít, laarí aleesleemu ngwa haniís daanduú xoorduwo nee waawuti'iimaro as kiwa tu/uun nee kiwa giqeer, aleesleemuú kiwa hhitiin nee kiwa qwaares, nee aleesleemuú kiwa tlehh nee kiwa sihhtis.»

YEREMIA 1:10 Iomraidhean Croise

1 WAAWITÁ 17:1

Aarusmooko ta bay Eliya oo Tishbe oo yaamaá Gileadi, waawutmo Ahabu guri báy, «Ar umuú AAKOÓ MUNGÚ, Munguú múk Israeli kudá' slaáf, kudá' aníng ni sagadiyuus, tluwaay i baloó taxaatiiká, laqaá hara' u aandaaká ay dír aníng kaangw gway oo'.»

1 WAAWITÁ 19:17

Naagáy heedaádaá /uy paángár Hasaeliwo, ar Yehu gu dakuská, nee kudaádaá /uy paángár Yehuwo Elisha gu gaas.

DAHARUSMO 3:3

Qoomár tsu/uta nee qoomár hungu/uumis. Qoomár fe/it nee qoomár tlehhma.

YEREMIA 1:5

«Iimír qoomár kuúng tuwa tsihiiká baraá guruú aayooro aníng kuúng una xuú', nee qoomár tuwa laqwaaliiká aníng kuúng una hhoohhoeés, una tsawaár as tawa aarusmoó xoordu.»

YEREMIA 24:6

Aníng i ló'wa de'eém daqisleeme, nee ngiri ki/ís baraá yaamuuká'. Aníng inooín i malé tleéhh, i baloó fee/aaká. Aníng inooín i dahaás adór balaangw, ala i tu/umaaká.

YEREMIA 25:13

Aníng muruudá' sleémeero naa axweés daanduú yaamuukae ngu huúw, nee tidá' sleémeero taa gooín baraá kitaábuuwí, tidá' Yeremia aa aarín daanduú xoordu sleémeerowo a boo/eés.

YEREMIA 31:28

Adoodá' aníng tir inkihhím ngiwa tu/uúm, ngiwa fe/iít, ngiwa daraáhh, ngiwa hhititiím nee ngiwa slahh'eemiís, nee ti inkihhím ngiwa malé dahaas nee ngiwa malé tleehh.

YEREMIA 31:40

Xatstidá' /aantaá múk koom, nee didá' xwaansláy kway kwaakwahhi, qamu sleémeero ay duxuú Kidroni ay bihhaá Afkú doó Faras, iri kumiit bihhaá da/aáw. Diirí an didá' taa paraátl as AAKOÓ MUNGÚ. Gár ta baloó hhitin i káhh baraakae, nee gixsarí ka baloó fee/iiká ay kureeraá kureér.»

YEREMIA 36:2

«Kitaábu tataahheek axweesantadá' naa kuúngí aaiím sleémeero gooimeek, tidá' naa káh daanduú Israeli, daanduú múk Yuda nee daanduú xoordaá hatlá' sleémeero, tidá' naa aaiím iimidá' axweesani ngiwa iimu/uúm nee kuúng, qoomár waawutmo tawa Yosia ay laarí.

YEREMIA 44:27

Mukwí aníng u iltá tlaákw ar ga/áw as nguwa gár tlaákwí tleehh nee u hhooeemáy sla'aaká. Múk Yuda sleémeero kudá' baraá yaamaá Misrír hoót ku hhaamiis ar paánga nee qwari, ay dír ti suquuti.

YEREMIA 45:4

«Ala aníng AAKOÓ MUNGÚ ina báy, kuúng uwa ádbaw, ga/aaweek, tidá' aáng naa tleéhh aga feé/, nee tidá' na dahasiím aga tuú/, adoorí an tleéhh baraá yaamu sleémeero.

ESEKIELI 21:19

«Heewí, lohdaá tsár gooimeek awa paángár waawutmoó Babuloni ir waarahh, lohduuká' tsaraawo i dír aykuú wák wa iimu/une'. Dír umuú iimu/úngw loohiro slaqsoó amór gixsár laqaqaám qaaseek.

ESEKIELI 23:36

AAKOÓ MUNGÚ ina báy, «Heewí, kuúng tu amohhoóe Ohola nee Oholiba sakwasleemaro? Gimáy, tlehhmi'ii'ín kudá' ta waki alki/iteek.

ESEKIELI 32:18

«Heewí, tsuunqumiís as mukwí yaariír oo yaamaá Misri. Mukwí huweek amór xoordaá aleesleemuú koomá', ta al/ee/etin nee kudaá baraá giaá kawá'.

ESEKIELI 36:36

Aluuwo xoorduudá' naa meetiye' dír inslaawayhunge, ngiri tsaahhiyá' adór anuú AAKOÓ MUNGÚ tar kudá' wa/ameedá' aa hhitiruumit gaa /abees tleehhamooro, nee dahaasiingw nguri dahaás baraá yaamuudaá xaanxaay. Anuú AAKOÓ MUNGÚ tí ngina oó', nee adoorí an adór ni tleehh.

ESEKIELI 43:3

Iigu'utuuwí a adór iigu'utudá' naa ár qoomár Mungú gixsár Yerusalemu ngiwa hhaamiisár áy. Nee sleeme a slaqmís nee iigu'utuudá' naa ár bihhaá yaaér Kebarír wa alé. Tidá' niwa huú' niri gurúr qaát yaamií ale.

HOSEA 6:5

Gawaá adoorihe án kuungá' naa tlaáq ar afér aaruuse, nuna tsuú/ ar axweesantá afkueé', sakwasleemar'eé' i gaansliín adór gwa/aateema.

AMOS 3:7

Ar tsuuwa ló', Aakoó MUNGÚ gaa ga tawo tleehhiiká, bar naaqoorós ngaa geehhooeesiiká dír sagadiyuuseerós tidár aaruuse.

AMOS 9:11

«Baalaarihe aníng doó Daudi kudá' aa huu' u tleéhh, nee koo/idá' aa hhitirut an tleéhh, aníng sluhhaywós kudá' aa huhu'un u sihhtís, gixsadá' an malé tleéhh ngay adoodár aángií ki/ís.

SEKARIA 1:6

Ala axweesante'eé' nee kaahir'eé' tidá' naa hara'ayiím dír sagadiyuuser'eé' tidár aaruuse, ahaá aa bo/káhe dír baabi'iihúng i ale, inooín nay hhu'uu'uné', ta kaahi, ‹Adoodá' AAKOÓ MUNGÚ Aleesleemusmo ni atén i tleehhi ar qoomoó lohduurén nee ar qoomoó tlehhmi'iirén, an adór tii tleéhh.»›