Yakobo 5:9 - Biblía Axweesantá Hhohho' ar Mungú 2004

⁹ Hháe, kuungá' miti i qununu/aara' as mutunduwa sakwasleemuút. Qaytsiité', sakwasleemusmo naa hardáh, aa sihhiít dír afkú do'.

Ya/abtór hho' 1977

⁹ Hháe, kuungá' miti sa qununu/aara' as mutunduwa sakwasleemuút. Qaytsiité', sakwasleemusmo naa hardáh, aa sihhiít afkuú doó i alé.

Yakobo 5:9 Iomraidhean Croise

IIMU/UUNGW 4:7

Xáy, bar gár hhoo' aga tléhh, ya/aám a sleerakáhe? Nee bar gár hhoo' aga tlehhká, tlakweema i dayá', i kuúng ilatleeruusiyá' as uwa arba/iya', adór makiito'ór xaraasl ar afkú dó' wa daamaraam, ala kuúng tlakweema na arba/eek.»

WARA'AMI 59:15

Nin tambeerusiyá' iwa muruú /aymár leelehhiitiya'. Birna aaxi'iiká i /orootliyá' xweera sleémeero.

ESEKIELI 7:12

«Qooma naa hardát, eeít, deeloodá' naa tseewuúr, heé gár tlaxuúm miwa qwalaá/, laqaá heé gár weeramiís miwa tsuunqumiís, asma buhhtaeé' muu sleémeerowo ngu slayá'.

TLAHHOÓ LAÁWI 19:18

Li/aay mu bu'uumar, laqaá ma wakaarír ar hootara' nee mukók, masók inslaawmoowók un slá' adór kuúng tir kilók sla'. Aníng an AAKOÓ MUNGÚ.

Matayo 24:33

Tam kuungá' sleeme muruuwí bura aandé' naxés naa iimu/ún, tsaahhaagáy adór qoomár alhhe'eesaay nira naká/.

Marko 13:29

Tam kuungá' sleeme muruuwí bura aandé' naxes naa iimu/ún, tsaahhaagáy adór Kristo nira tseewúy i dír afkú do'.

Marko 6:19

Herodia loohi gana leelehhít ar Yohane ngur gas, ala gaa sleeriiká.

1 Korinto 10:11

Muruuwí ina tleehharuút as tawa slaqsaay, nee kuri gooín as atén tiwa intsaahhatisi. Asma qoomaarí atén tay diriiaan a qoomár alhhe'eesoó yaamu.

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

2 korinto 9:7

Umuúqo heewo gár kuwa hariím a inós kilós gan aldaakw baraá muunaáwós i alé áx gár i haniisi a milá. Daqaní gadá' ngi haniisi ar sla'aarirós ar kilá', ala ar /uurutisarooká. Asma heé hanmiís ar qwal/amaaye, inós ku slaa' nee Mungú.

Galatia 5:14

Asma hara'aya sleémeero kaa haragaás gawaá hara'ayaarí wák, tí kah, «Inslaawmoowók slaeek adór kuúng tir kilók sla'.»

Galatia 5:26

Atén xirif muwa leelehhiitaán tam atén tiri kiloorén giirimiisaán nee tari tloomatloomaán.

Yakobo 4:11

Hháe, miti /ayseenáy tlaaqara'. Heé hhiyaawós gu /aysantí tlaáq, laqaá gu sakwasleemuút, heewí a hara'aya gan /aysantí tlaaq laqaá gan sakwasleemuut. Ala kuúng hara'aya bara sakwasleemút, kuúng a heé hara'ayár iialooeemisaaká, ala aga sakwasleemusmo tleehhít.

Yakobo 4:12

Kudá' hara'aya gaa haniis nee kuduú sakwasleemusmo a wak kilós. Inós an kudá' hee ba/amisaro gu aleesláw, laqaá nguwa qwaareesi. Kuúng a heemá tam heé hatlá' kuwa sakwasleemut?

Yakobo 5:10

Hháe, aaruuseedá' aa axwes ar aleesleemuudá' Aako aa dir'ín i haniís, inooín masók a slaqsaay dirhunge, as adoodá' niwa qiqtliné' qoomár slahh'amu nguwa slayé'.

Yakobo 5:7

Gawaá adoorihe, hhaee'eé', qiqtliimé' ay dír hardahamuú Aako. Qaytsiité', dooslusmo adór ir qiqtlaatlin qoomár bu'uungós oo afhhamít nguwa daamaaran baraá qaymoorós. In qiqtlaatlín iimír tluwoó saxi ay tluwoó buhaare.

1 Petro 4:5

Ala inooín kángw slafingw'ín ngun kwaliliná' dír geeraá Mungú, kudá' taa amoohhe'ees as múk slaáf nee múk aa qatli nguwa sakwasleemuuti.

1 Petro 4:9

Nee slám kuungá' kiloohúng ti dahi'iimise' ar qununu/ay wasle.

Geehhoeemaá 3:20

Ga/aaweek, aníng a sihhimiít afkú dó' wa ale, a ateetiím. Hee barnaxes afor'eé' gaa axaás, nee afkú do' guri gweér, aníng a dáh amoorós, aníng niri al/ayiím nee inós, nee inós iri al/ayín dinkwa nee aníng.