Yakobo 5:6 - Biblía Axweesantá Hhohho' ar Mungú 2004

⁶ Kuungá' heedá' gan'amuú koóm una sakwasleemuté' kuri gasé', ala inós kilós taa aleekal/anká.

Ya/abtór hho' 1977

⁶ Kuungá' heedá' gan'amuú koóm una sakwasleemuté' kuri gasé', ala inós kilós taa aleekal/anká.

Yakobo 5:6 Iomraidhean Croise

ISAYA 5:23

Múk aa dakuus kun gimáy ar slukma, nee kudá' dakuúsár kooma'aaká ngun gan'amuuín /ititiná'.

ISAYA 53:7

Inós kuna baramaanuús, kuri slahh'eemiís. Tam adoorihe inós afkós gwa waatleesiiká. Adór deelmoó bee/i oo ta gaasár ay, nee adór bee/ír ta se'eengw tlaaqi. Inós sleeme afkós gwa waatleesiiká.

Matayo 21:38

Ala qoomár doosluuseedá' garmaadá' nguwa aán, tari kilooín axweés ta kaahi, ‹Kwí a aalitmoowós. Qwalaas un gaasaán, as daqaní aali tawa toorén.›

Matayo 27:20

Kaahamuusér uren ar Mungú nee bariise boo/aay kuri harakeemiís as Baraba kunguwa duuxi, nee Yesu kuwa gaasi.

Matayo 5:39

Ala án kuungá' nu baw, miti tlaampa'aamisaara' nee heé tlaákw. Bar hee tlaaqarmoowók oo doó /iyáy gwa slaáhh, tlaaqarmoó bartá hatlá' warqeeseek as nguwa slahhi sleeme.

Tlehhema'aá ya/Abuuse 22:14

Aluuwo iri oó', ‹Munguú baabi'iirén kuúng ugwa tsawaár as sla'aarirós kawa tsahh, nee Kudá' Ganaá' kuwa aan, nee afoorós ar kilá' kawa axas.

Tlehhema'aá ya/Abuuse 7:52

Baabi'iihúng aaruusér taa máy gusisiingo a gaalá? Inooín aaruuse kana tsuú/, tidá' aa aaririin iwa kat, Kudá' Ganaá' ni hardah. Hám kuungá' ugwa saki/é' kuri gasé'.

Tlehhema'aá ya/Abuuse 8:32

Nee gooidá' i soomuusi a tí, «Inós kuna huúw didár mura' kuwa tsu/aa/in adór bee/ír wa ale. Nee adoodár deelmoó bee/i ir xaslmaamiti dír geeraá heedaádá' gu se'eengw tlaaqa, nee inós sleeme ina xasliít adoodár alé, afkós gwa waatleesiiká.

Ebrania 10:38

Ala hee'eé' kudá' gan'amkú koóm, inós gár ir slafi a haratlintaao. Ala barnaxes aa alií kií/, muunaáeé' i qwalaala/iiká as inós.»

Yakobo 2:6

Ala kuungá' liitlakusmo una mureekesé'. Múk kuungá' nu slahh'eemiís nee nu huwahuúw baraá maraá kwasleema, a daqaareéroóke?

Yakobo 4:2

A mak ilatleeruusá', ala gár ta koonda' i káhh. A mak tsu/utá' nee da/i nu mak ohiín, ala gár ta slasleera' i káhh. A mak slaqwá' nee a muxutá'. Gár ta koonda' i káhh asma a firiiriinda'aaká.

1 Petro 4:18

Asma Gooi i kat, «Ala barnaxes ba/amár heé hota ganaá' a gár gawit, xáy, a adoomá dír heedaádá' Munguú ilaiwawa/aakahe nee oo tlakusmoowo.»