Yakobo 5:5 - Biblía Axweesantá Hhohho' ar Mungú 2004

⁵ Kuungá' baraá slafingwhunge ana hoté' ar hheehha nee ar qwal/uú ilatleeri. Kuungá' munerhúng ana wahhaareemisé' as deeloodá' tunduwa tsu/i.

Ya/abtór hho' 1977

⁵ Kuungá' baraá slafingwhunge ana hoté' ar hheehha nee ar qwal/uú ilatleeri. Kuungá' munerhúng ana wahhaareemisé' deeloodár tsu/utaaro.

Yakobo 5:5 Iomraidhean Croise

WARA'AMI 17:14

AAKOÓ MUNGÚ, ar /uuruuwoge án ba/amisáng dír muko. Nee dír múk gur'er'ín gaa amór muruú /ayma kilós xu'us. Masók slafingw'ín in haats slahh'amaayeedá' taa qasi as inooín. Na/ii'ín ni aaxiye' nee ngi na/aá nangw'ín i geexaye'.

WARA'AMI 73:7

Tlakweema in baraaín wa ti'imiitiyá'. Inslawoó tlákw aa baalín baraá muner'ine.

AXWEESANOÓ SAGALOOA 17:1

Fa/ár ta /eetlo /ayi dinkwa nee wayda an gár hhoo', ta doó muruú /aymár yaariír kuwa qaasi dinkwa nee gila.

AXWEESANOÓ SAGALOOA 7:14

«Aníng ilahhooar'eé' tidár muruú ta tsu/i aga haniís, nee al'axweesante'eé' aga buú'.

DAHARUSMO 11:9

Kuúng masoómo, masoombi'iimarók sa qwalaala/eek, nee muunaáwók qwala/aseek baraá masoombaimaroge. Adór ta sla' baraá muunaáwoge eehareek, nee adór ilaawoge taqo ga/eera. Ala ka xú' baraá muruuwí sleémeerowo Mungú kuúng u huuw baraá sakwasleema.

ISAYA 22:13

Ala ga/aawaak kuungá' ana qwalaa/é' tari qasesendé', awe nee bee/aango kiri tsu/é', fu'unaay kiri /agé', nee difaái kari xufé' tari katé', «Qwalaasé', a /ayimaán nee a xufiitaán, asma matlo a qatlaán.»

ISAYA 3:16

AAKOÓ MUNGÚ i kaahi, «Dasuú Siyoni iwa daara/an, bir hi'iimitiyá' sage nga gáwtí kawaawa'ané', nee ilaaín in tawo waseeliná' as ilatleeri. Hi'itanor'ín ar taqanaa/i, i hara mitingaroó tsingili'imisiyá' ar ya'aaín.

ISAYA 47:8

Gawaá adoorihe, tí iiárií qaaseek kiíngár diihhooár slaa', kiíngadaádá' saxareemár hoot. Kiíng ana ó' baraá muunaáwók i aleeró, ‹Aníng a kilooeé', heé hatlá' oo adór aníng i kaahh aníng a adór kwaalo'órár hootaaká, laqaá tam na/iieé' sleeme i qatliaaká.›

ISAYA 56:12

Inooín ta kaahi, «Qwalaasé' difaái a leelehhaán, qwalaasé' buurár aa hamat a xufaán, matlo aqo adór laarí. Slamí matlo ar qoomay wasl an ak slawaán.»

YEREMIA 12:3

Ala aá AAKOÓ MUNGÚ, kuúng aníng i xú', nee in ga/eér, inslaway'eé' un amoorók i qwatsiín. Múk tlákw hhimbiritleek adór bee/ángw ta tsu/utár ay. Ki parátl as qoomár sakwasleemar'ín ar tsu/uta.

YEREMIA 25:34

Tsuunqumisé', kuungaásingaá de'eemusér muk'eé', nee /aa/é'! Baraá da/arár wa gwaangwaraa'amiité', kuungaá de'eemusér bee/aangw! Deelór kuungá' tunduwa tsu/i, nee tunduwa diyaa/i naa hardát. An pahhá' adór xooslár hhohho'.

ESEKIELI 16:49

Dakuúsár hho'oorók Sodoma a tí. Inós nee dasuuwós muruú /ayma nee balángw yaariír nguwa slayé', daara/ángw yaariír gina áy, tari pora/amuút, kudá' dabe kaaharen alee/iisaro ngina gunqareesiyé'.

ESEKIELI 39:17

«Hamí daxta, heewí, anuú Aakoó MUNGÚ a kah, Tsir/o sleémeero ateeteek, nee makaá sla/a sleémeerowo, burumbureek bihhe sleémeerowo as muruú /aymaadá' naa amohhe'eés ilahhooár muruú taa tsuú/ nguwa /aymár aya', muruú /aymadár deelór ló'wa ur gawaá tlom'aá Israeliro. Inooín fu'unaay ngay /ayiyá' nee tseere ngay wahaná'.

AMOS 6:1

Tsaxwaahúng kuungaásingá' aga yaandahhe'eese' baraá Siyoniro, nee tsaxwaahúng kuungaá amohhooár hootá' gawaá tloomár Samaríaro, tunduwa ga/ay a waawituú xooroodá' iia tleer tidá' múk Israeli aa haraahhiíf.

Luka 16:19

Yesu iri oó', «Heeko wák i deer, oo daqaarmo. Inqwaruú i tsitatiiti a inqwaruú sirda/atén, nee taa tleéhh ar kitaánír hhohho'. Nee umuú deelooro muruú /aymár hhó' gun /aa/aay.

Luka 16:25

«Abrahamu iri oó', ‹Garmaaeé', inslaweek adór kuúng muruú hhó' baraá yaamuwo kura sleér oo slafíngw baraá yaamu, ala Lasaro gár aa sláy a liitlakwe. Daxta inós hamí i diirí, ku gurkwa/amis, kuúng tu slahh'emiis.

Rumi 13:13

Atén masók an hootaán ar ilaiwa/ame ar adoodá' hotaá tlatla/aangw kiwa hariím. Ala mawa hootaán ar hheehha nee xufta, laqaá ar tsaatu'uuma nee ar slafíngw slasla/arén. Nee slám mawa hootaán ar gila nee da/i.

1 Timoteo 5:6

Ala kwaalo'oodá' ilatleerirós eeharahaar, inós aa gáwtií gwá' tim slafa.

2 Timoteo 3:4

múk múk sakikií/, múk siduuse nee daar/uuse, múk muruú baraaká' yaamu gu ak slaá' ta Munguhe.

2 Petro 2:13

Inooín ki slahh'eemiis asma adoodá' inooín nira slahh'eemisiye'. Tam qoomár tlaatla/aango inooín ta qwalalaa/ as hheehha. Mukwí bar nee kuungá' aga al'iwité' dír muruú /aymaaro, inooín tan /ayín ar bi/iri, gaarí a gár múk kríshaanáy gu slasla/areemiis nee gu murér i qamiim.

Yuda 1:12

A múk hhitár huwahuúw baraá dinku'uumarhúng tidár muruú /aymár sla'aariro. Tan al /ayín nee kuungá' ar mure wasle. Inooín kilooín tin xuiyá'. Inooín a adór huunkoó tar hi'iimiiti nee fur'a, ala i tluwoó konká. Slám inooín a adór xaa'aá mamaá kooma'aaká qoomár hariímár mamaá xaaiwo, kudá' taa dee/aruú al tuú/, nee niri kahiyé' niri slupuutiyé'.

Geehhoeemaá 18:7

Slahh'ámu nee gurhaami dirós i haniisaak ar adoodá' inós tira xirfayeemís, nee ira hót ar slafíngw diihhooa. Asma inós i baraá muunaáwósí kat, ‹Aníng a waawuto'o, slám a kwaalo'orooká. Aníng gurhaami a baloó araaká.›

1 SAMUELI 25:36

Abigaili iri wátl amór do', iwa hardát dír do'ose Nabali taa amohhe'eés muruú /aymár úr gwaa tleéhh oo hariímár doó waawutmoó wa ale, Nabali a kuqá' yaanda hhoó', asma aa qaroó ooniít. Gawaá adoorihe gár ngwaa beér i káhh tam ar wák, ay matlaatle iimi iwa /awaakuúr.

1 SAMUELI 25:6

Inós ku beerá', ‹Daudi kuúng ugwa intsihhiís, waydar hooteek, nee múk do'oge, nee tidá' sleémeero ta koonda.