Yakobo 5:16 - Biblía Axweesantá Hhohho' ar Mungú 2004

¹⁶ Gawaá adoorihe, kuungá' ti kiloohúng tlakweemií hhu'u'uunde', nee ti kiloohúng aleefiriiriinde' as tunduwa hungu/uusi. Firór heé gan'amuú koóm i ló'wa /uuruú koón nee i gaa bú'.

Ya/abtór hho' 1977

¹⁶ Gawaá adoorihe, kuungá' ti kiloohúng i hhu'u'uunde', nee ti kiloohúng aleefiriiriinde' as tunduwa hungu/uusi. Firór heé gan'amuú koóm i ló'wa gaa bú'.

Yakobo 5:16 Iomraidhean Croise

IIMU/UUNGW 19:29

Ala Mungú yaamuudá' ngiwa hhitín, Abrahamu guna insláy, Loti guna hiingeés baraá yaamudae, as Loti munguwa qwaareés dinkwa nee múk yaamuudá'.

IIMU/UUNGW 20:17

Abrahamu Mungú guri firín, Mungú Abimeleki nee aamaarós nee sagadiyuuseerós giri hungu/uús as niwa malé laqwaaliya'.

IIMU/UUNGW 20:7

Ala daxta, /ameenisíng ki/iseek, asma Abrahamu a aarusmo, inós kuúng u aleefirín hota kiwa sleer. Ala kuúng barnaxes aga ki/iská, xueek, ar looeemaá kilae kuúng a gwá' nee mukók sleémeero.»

IIMU/UUNGW 32:28

Heedaádá' iri oó', «Kuúng tu malé bayká Yakobo, ala tun bay Israeli, asma nee Mungú tina /ootsité', nee muu sleeme, kiri arbá/.»

2 SAMUELI 19:19

Shimei waawutmo guri báy, «Án kuúng u firiím, aakooeé' waawuutámo, mi harafaaraar baraá dakuúsí ale, tam dakuúsadá' naa tleéhh baalaadá' tawa gixsár Yerusalemúr wa tlatleer, ma inslawaar. Án kuúng u firiím, ti ma oohaar.

1 WAAWITÁ 13:6

Naagáy waawutmo Yeroboamu aarusmo guri báy, «Gám na'ás, án aleefiriimáng dír AAKOÓ MUNGÚ, Munguúwoge, doóqa dakw'eé' way'aasár amor'eé' ga ya/án.» Heedaáduú Mungú, AAKOÓ MUNGÚ guri firín, dákw waawutmo way'aasár amoorós gay ya/án, iri adoodár geerií kií/.

2 QOM'I 30:20

AAKOÓ MUNGÚ firór Hesekia gari axaás, mukdá' guri gurtláy.

YOBU 42:8

Gawaá adoorihe awér faanqw slawaak nee gwaandaawér faanqwe, daqaní ta tleerá' amór sagadiyusmooeé' Yobu hikwaasíng ki ilahhooár da/a/ángw wá hanisá', as daandeemoohúng, Yobu kuungá' nu aleefirin, aníng firoorós a ya/aám, as kahhó' kuungá' munduwa alsihhiít as daktu'umarhúng tisíng, asma looeema iga kati'iiká daanduueene adoodár sagadiyusmooeé' Yobu ira axweés.»

WARA'AMI 34:15

Asma ilaá AAKOÓ MUNGÚ i dír mukdá' hota ganaa'á', nee firor'ín ga axamiis.

TI'INAANGW 17:11

Naxés bar Mose dakós ngwa gáwtí tleés, xoorór Israeli in baaliín, bar ngwa aweeriís, xooroodár Amaleki in baaliín.

TI'INAANGW 9:33

Naagáy Mose iri dír Farao wa tláy, iri tsee/aá gixsárí ti'iít, dabaawós giri amór AAKOÓ MUNGÚ i tleés. Tluwayduú tlaa/e nee kwarara/arose niri faakiyé', tluwaay iri sangw malé tluwiiká baraá yaamuwo.

AXWEESANOÓ SAGALOOA 15:29

AAKOÓ MUNGÚ ku saáw dír heé tlaakwe, Ala firór heé hota ganaá' gan axamiis.

AXWEESANOÓ SAGALOOA 15:8

Ilahhooár muruú ta tsu/i ar heé tlaákw AAKOÓ MUNGÚ ga waak, Ala firór heé hhoó' gun qwal/atimís.

AXWEESANOÓ SAGALOOA 28:9

Heé dabe gaa artá wa may tam firoorós sleeme ka waak.

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

YEREMIA 33:3

«Aníng ateetáng, aníng kuúng un mu/aywaáts, nee muruú urén ngu kuúng báw, kudá' taa luú/ oo kuúng ta baloó xu'uká.

YEREMIA 42:2

tari amór aarusmo Yeremia káy, nguri bayé', «Na'amaamís, firoorén iiárií qaaseek nee ateéká' aga meetaan ti aleefiriin dír AAKOÓ MUNGÚ, Munguúwoge, (Asma atén aáng ti ló'wa úr, ala hám a peeroó tawo, adoorí hamí kuúng kar ga/eera.)

FAARO 11:2

Muu iri /aá/ dír Mose, Mose AAKOÓ MUNGÚ guri firín nee asltadá' iri gwá'.

Matayo 21:22

Slám umuúqo gár ta firiinda'a baraá firorhunge, bar aga haratlintié', a sleerá'.»

Matayo 3:6

Tlakweemaaín kiwa hhu'uu'ún, giri baatimiís baraá yaaér Yordanír wa ale.

Marko 1:5

Xoorór yaamaá Yudea sleémeero nee múk Yerusalemu sleémeero kuri i daqáy, kiri baraá yaaér Yordanír wa baatimiís, as tlakweemaaín kiwa hhu'u'ún.

Luka 9:6

Tari tláy tari hi'iimiít baraá ayko, Ya/abtór hho' kari alki/iít, nee muu kuri hungu/uumiís umuúqo diiro.

Yohana 9:31

A xuaán adór Mungú múk tlakweemaá koóm ngur iiárií qaminká. Ala heé Mungú ilaiwawaá/ nee sla'aarír Mungú ga tlehhiít, heé adoorí Mungú gu iiárií qaas.

Tlehhema'aá ya/Abuuse 10:38

Kuungá' kángw Yesú Nasareti u xuá', adór Mungú ngura Qeeruuwós oo hhoohhoó' i haniís nee /uuru. Inós ina hi'iimiít umuúqo diiro, gadiyér hho' gari tlehhiít, nee muu sleémeero guri hungu/uumiís, kudá' Neetlaangw aa slahh'eemiís. Asma inós nee Mungú a dinkwa.

Tlehhema'aá ya/Abuuse 19:18

Sleeme múk yaariír oo aa haratlintii', tlehhemi'ii'ín kiri hhu'u'ún kiri geehhoatís.

Tlehhema'aá ya/Abuuse 8:24

uduú qwaslaarmo iri oó', «Án aleefiriimaaré' dír Aakoowo as muruusíng sleémeero naa aníng i katé' iwa pa/i.»

Rumi 3:10

Adór kara gooín tawa kaahi, «Heé ganaá' i kaahh tumu wák.

Rumi 5:19

Asma adoodá' mukdá' yaariír ira tlakuuse tleehhiít as dee/aanuú heé wák, adoorí sleeme an adoodá' mukdá' yaariír kur gan'amií harafaari as iialooeesár heedá' wák.

Kolosai 1:9

Gawaá adoorihe iimír kaangwí kuwa axaasaán, atén kuungá' naa mawaaniiká aleefirooro. An firiiriimaán as Mungú nuwa sagalooárí haniisi nee aleesleemuú amór Qeeruú hhoohhoó' oo Mungú daáhh, as sla'aarirós kawa tsaahha hhe'esa'.

1 Tesalonike 5:17

Firo ma baloó mawaara'.

1 Tesalonike 5:23

Mungú inósuú kilá', kudá' atén ti waydií hanimiís, inós kuungá' nu hhoohhooeesi kángw kilá' wa ale. Nee slám inós munerhúng nee qeeremoohúng nee slaqoohúng ngi xun as gár tlaakw munduwa sleér, ala kuungá' masók a múk xaslxaansli wásl ay bál Aakoorén Yesu Kristo nay hardihi.

1 Tesalonike 5:25

Hháe, atén ti aleefiriiriinde'.

Ebrania 11:4

Abeli Mungú guna haratlintií', ilahhooár ak hhoo' ar gár ta gaasi ta tidár Kainiwo gari amór Mungú i haniís. Mungú ilahhooár Abeli gari ya/án, gari ilaóh. Gawaá adoorihe Mungú Abeli gway lamabu'ún as haratlintaaoorós, adór tar heé ganaá'. Abeli tim aa gwaai ala tam laarí inós i kumiit axweesanto ar haratlintaaoorós.

Ebrania 11:7

Noa a heé haratlintaaór koóm. Inós kuna gurbuú' nee Mungú daanduú muruú hardáh oo geetlaákw qoomaadae. Adoodá' Mungú aa oó' gari ilaiwawaá/, miringamo guri tleéhh as múk do'ós nguwa ba/amisi. Múk aa haratlintii'iiká kuna sakwasleemuút as haratlintaaoorós. Inós gan'amu guri sláy as haratlintaaoorós.

Ebrania 12:13

Lohudaá ya'aahúng qwatsaak, as yaaeedá' aa sol'ot miwa qét, ala masók a kan hungu/uus.

Ebrania 13:18

Kuungá' kumiité' atén tiwa aleefiriiriinda'. Atén a xuaán adór munér hho' kar koomaán. Asma atén gár ta sla'aan a tidá' ganaa' kawa tleehhaan umuúqo deelooro.

YOSHUA 10:12

Baldá' AAKOÓ MUNGÚ múk Israeli guri baalírí haniís daanduú múk Amoriwo. Yoshua iri sihhiít dír geeraá múk Israeli, AAKOÓ MUNGÚ guri firín iri oó', «Tsee/amá, kuúng sihhiít gawaá Gibeoni, sláhhaangw, kuúng sihhiít baraá xatstá Aiyaloni.»

1 Petro 2:24

Kristo inósuú kilá' tlakweemaarén gina gagaár ar gawaá slaqwtós ay gawaá msalaába, as kahhó' atén tawa adór múk aa qaatl baraá tlakweemaawo, nee slám atén masók a múk slaáf baraá gan'amuuwo. Kuungá' tunduri hungu/uús as inkahhi'iidá' inós aa sláy.

1 Yohana 3:22

Nee umuúqo gár ta dirós i firiimana a slawaán, asma hara'ayaarós kawa eeharaharaan, nee adoodá' inós i slai kawa tlehhiitaan.

1 SAMUELI 1:12

Iwa kumaamít baraá firoro dír geeraá AAKOÓ MUNGUHE, Eli afkós guna ga/aa/áy.

1 SAMUELI 12:17

Laarí ahaá a baalaadár bu'úngw angaánoówóke? Án AAKOÓ MUNGÚ un firiím, as kahhó' kwarara/a nee tluwaay ngiwa huwi, daqaní kari tsahhá' adór tlakweemaahúng kudá' ta tlehhé' dír ilaá AAKOÓ MUNGÚ wa alé, nira tlahhiyé' kángw kilá' wa alé as waawutmo kuwa gurií ba/é'.»

1 SAMUELI 12:18

Naagáy Samueli AAKOÓ MUNGÚ guri firín, AAKOÓ MUNGÚ baalaadae kwarara/a nee tluwaay ngiri huúw, muu sleémeero AAKOÓ MUNGÚ nee Samueli kiri da'ayuút kángw kilá' wa ale.