Yakobo 5:15 - Biblía Axweesantá Hhohho' ar Mungú 2004

¹⁵ Barta firín ar haratlintaao, tiqtusmoodá' iri tu/uut, Aako guri hungu/uus. Nee bar tlakweema ngaa tleéhh, ki gurtláy.

Ya/abtór hho' 1977

¹⁵ Aleefiroorír hararlintaaór koom tiqtusmoodá' gu alee/ís, nee Aako heedaádá' guri hungu/uus. Nee bar tlakweema ngaa tleéhh, ki gurtláy.

Yakobo 5:15 Iomraidhean Croise

ISAYA 33:24

Baraadae heé oó', «Aníng a tiíq.» i kaahh, múk baraadá' wa hoót tlakweemaaín sleémeero ki gurtláy.

Matayo 17:20

Yesu iri oó', «Asma haratlintaaorhúng ka /aár. Án a kah, haratlintaaór har qoomoó ilmoó haradaáli bar koondá', a aleesleerá' tloomarí kawa beera', ‹Quútl diirihe, tláw amorqá',› alók geera tidá' taa oé' i tleehharút. Tam /aymuú ta harslaaqata' tleehhamooro i kaahh. [

Yohana 5:14

Aluudae heedaádá' taa hungu/uús kuri harasliqiít nee Yesu baraá Doó Mungú. Yesu iri oó', «Qaytsiít, kuúng hamí aga hungú/. Tlakweema mi malé tleehhaar, as gár tlaakw ar adór tidá' ba/a muwa sleér.»

Yohana 6:39

Kudá' aníng iga ya/aaw gár i slai a tí, ‹Aníng tam heé wák muwa qwaareés baraá kudá' sleémeero naa aníng i haniisi, ala masók un waaslee/atís bál deelór alhhe'eesaywo.›

1 Korinto 1:21

Asma Mungú gana slaá' baraá sagalooarose, muu inós munguwa tsaáhh ar sagalooar'ín ar kilá'. Gawaá adoorihe inós kwasleema gari tsaát kilós alé as mukdá' haratlintaatií' kuwa ba/amisi ar axweesantadár dakti'iima, tidá' atén ta alki/iitaan.

2 korinto 4:14

Asma atén a xuaán Mungú, kudá' Aako Yesu gwa waasle/atis baraá múk aa qaátl wa ale, Munguúwí atén sleeme ti waasle/atis dinkwa nee Yesu, nee tiri hardahaas dír geeraawós i alé dinkwa nee kuungá'.

Yakobo 1:6

Ala i firin ar haratlintaao ar xure wasle. Asma heé xurumiít a adór gwaanduú ma'aay oo baraá tlawi, kudá' ta gusiisin nee fur'a nee kuwa kwakwaahhi umuúqo bihhiwo.

Yakobo 5:13

Hee baraahunge slahh'amu bunga sláy, inós Mungú ngu firin. Hee bir qwalalaa/, Mungú ngu diidi'iimisi.

Yakobo 5:16

Gawaá adoorihe, kuungá' ti kiloohúng tlakweemií hhu'u'uunde', nee ti kiloohúng aleefiriiriinde' as tunduwa hungu/uusi. Firór heé gan'amuú koóm i ló'wa /uuruú koón nee i gaa bú'.

Yakobo 5:20

kuungá' xuaak heé heeduú tlakusmo ngwa ki/is, nee niri kií/ baraá loohír qwanáy wa ale, inós qeeruú tlakusmoodá' gwa ba/amís baraá gwa'arár wa ale, slám tlakweemaá yaariir awa heedaádá' kaa gurtláy as inós.