Yakobo 5:14 - Biblía Axweesantá Hhohho' ar Mungú 2004

¹⁴ Hee baraahunge bir tiiq, bariisér múk kríshaanáy ngi ateeti, nee inooín ngu aleefirine', nee nguwa di/ítár slikiya' ar baraá umuú Aako.

Ya/abtór hho' 1977

¹⁴ Hee baraahunge bir tiiq, inós bariisér múk Kríshaanáy ngi ateeti, nee inooín ngu aleefirine', nee nguwa slikiya' ar di/i ar aleesleemuudá' Aako aa dir'ín i haniís.

Yakobo 5:14 Iomraidhean Croise

1 WAAWITÁ 17:21

Naagáy Eliya tiri gawaá garmaadií alduúx sagaá wa tám, nee AAKOÓ MUNGÚ guri firín, «Aá AAKOÓ MUNGÚ, Munguúeé', na/aywí slafiíngwí ki/isek.»

2 WAAWITÁ 4:33

Naagáy afkú do' guri tseék, AAKOÓ MUNGÚ guri firín,

2 WAAWITÁ 5:11

Ala Na'amani ina ló'wa buúhh, iri tláy iwa kaahi, «Aníng ngi xuu' geeraawo aqo nin tsee/áy ti'iit, nee AAKOÓ MUNGÚ, Munguúwós guri firín, nee dir'e tidá' tiiq gari kwatimiit, nee iri hungu/uus.

Marko 16:18

dayshe tamka ohín, laqaá gár tsu/uut barka wáh, gár gi aw i káhh tam ar niiná. Dabaaín birka gawaá tiqtuusér i qaás, i hungaagú/.»

Marko 6:13

Neetlaamér yaariir kari duxún, tiqtuusér yaariir kari di/tár slikín, kari hungu/uumiís.

Tlehhema'aá ya/Abuuse 11:30

Adoodá' taa al'axweés, kari tleéhh. Barnaba nee Saulo kiri ya/aáw, as alee/isaydá' kuwa huwi amór bariiseedár baraá yaamaá Yudéár i dirii'.

Tlehhema'aá ya/Abuuse 14:23

Dír umuúqo kríshaanáy iwa deero bariise kari qamín. Tari firín nee tari gwaawín. Inooín kiri geexáy baraá dabaá Aako, kudá' taa haratlintií'.

Tlehhema'aá ya/Abuuse 15:4

Qoomár tawa hardáh Yerusalemu, kiri dahi'ís nee kríshaanáy nee ya/abuuse nee bariise. Nee muruudá' sleémeero Mungú aa tleéhh ar inooín, kuri alki/iít.

Tlehhema'aá ya/Abuuse 28:8

Qoomaadae baabuú Publio i tiiq ga/atanto, nee i tseerdaá gusín. Paulo iri amoorós i dáh, iri firín, guri dabaawós i qaás, guri hungu/uús.

Tlehhema'aá ya/Abuuse 9:40

Petro muu sleémeero guna tsee/ií duúx. Iri tumbarara'aát, iri firín. Iri amór tuuaárí warqáy iri oó', «Tabita, tlawáng.» Iri qaytsít, nee Petro nguwa aán iri tleér, iri iwít.

Tito 1:5

Án kuúng una yaamaá Kretér i geexáw as gadiyeédá' aa met kawa alhhe'es, ak alé bariise kawa qas baraá umuúqo gixsaro, ar adoodá' aníng kuúng ura hara'ayiím.