Yakobo 5:13 - Biblía Axweesantá Hhohho' ar Mungú 2004

¹³ Hee baraahunge slahh'amu bunga sláy, inós Mungú ngu firin. Hee bir qwalalaa/, Mungú ngu diidi'iimisi.

Ya/abtór hho' 1977

¹³ Hee baraahunge slahha'amu bunga sláy, inós Mungú ngu firin. Hee bir qwalalaa/, inós Mungú ngu diidi'iimisi.

Yakobo 5:13 Iomraidhean Croise

1 QOM'I 16:9

Inós i daa'aak, xirif ti dae', tlehhmi'iiwós kudaá waa/oo/amo alki/iitaak.

YOBU 33:26

Heedaádá' Mungú guri firín, nee firoorós Mungú gari ya/án, Mungú guri sluufmiis ar qwala/, Mungú guri xirfuuwós i ki/ís.

WARA'AMI 105:2

I daa'aak, xirfuú Mungú daa'aak. Alki/iitaak waa/oo/amoodá' sleémeero aa tleéhh!

WARA'AMI 118:5

Baraá slahh'amueene AAKOÓ MUNGÚ una i /aá/, inós iri iiárií qaás, iri amohhooári haniís.

WARA'AMI 18:6

Baraá slahh'amueene AAKOÓ MUNGÚ una ateét, una ateét Munguúeé' as iwa alee/iisi. Afor'eé' gari axaás amór do'ós wa ale. /Aa/ee'eé' nay baraá iaawós i hardihiyé'.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

WARA'AMI 95:2

Qwalaasé' a daqawán geeraawós ar ilahhooár sluufaay, qwalaasé' a daa'aán amoorós i ale ar afór qwal/uwo aa hats ar daa'ángw xirif.

ISAYA 65:14

Ga/aawaak, sagadiyuuser'eé' in dá' ar munér qwala/, ala kuungá' a /aa/amiindá' ar munér slahhahhaa', tari tsuunqumisá' asma slahh'amuú qeereemoohúng.

DANIELI 5:4

Difaái ngina xufiyé' amooqae i munguaá hatlá' xirfayemisiyá', kudá' taa tleéhh ar sahaábu nee peésa nee ar muqslár sirda/aten, nee muqsla nee xaai nee tlaa/e.

HOSEA 6:1

Qwalaasé', a amór AAKOÓ MUNGÚ i ki/aán, inós atén tina karslamiís nee inós atén tin hungu/uus, inós tina tlaqamiís, nee inós inkahhi'iirén ngin tseek.

YONA 2:2

iri oó', «AAKOÓ MUNGÚ, án kuúng una i /aa/amiím as slahh'amuueé', kuúng iri mu/aywáts. Ana baraá gi'ií wa firiím, kuúng afor'eé' kari axás.

YONA 2:7

Qoomár muunaáeé' iwa /e/etin, AAKOÓ MUNGÚ nguri insláw, firor'eé' niri hardát amoorók i alé, baraá Do'ók kudá' hhoohhoó'.

MIKA 4:5

Asma xoordu sleémeero nin hootiyá' nee umuú xoorooro ar baraá umér mungu'ii'ín. Ala atén an hootaán ar baraá umuú AAKOÓ MUNGÚ, Munguúrén, ay kureeraá kureér.

Matayo 26:30

Tawa hhe'eés daa'ango, tari tsa/án gawaá tloomár xaaiikaari ta bay seituúni.

Luka 22:44

Yesu iri ló'wa kumiít firooro as adoodá' muunaáwós iwa ló'wa gurhaamuuti, tam hameerós iri adór tseere tleehhít, iri yaamií taxaán.]

Luka 23:42

Tí ooaro ngiwa hhe'eés, iri oó', «Yésu, án inslawáng qoomár bara dát baraá waawuti'iimarók.»

1 Korinto 14:15

Adór ni laaq ala a adoomá? Aníng a firiím ar qeeru, ala an firiím ar fuquraangw sleeme. Aníng an daá' ar qeeru, ala an daá' ar fuquraangw sleeme.

1 Korinto 14:26

Ala hháe, adór ta laqa' a adoomá? Qoomár kuungá' bar aga burumburité', umuúqo heewo dirhunge barnaxes i daa'ángw kón, laqaá axweesantá intsaahhasa, laqaá axweesantá taa amoorós i geehhooeés, nee laqaá axweesantá tsifrír xuawaslen, laqaá ilaharmisuú axweesantadá', masók muruuwí sleémeero in tleehharuut as múk kríshaanáy kuwa kwa/amisi.

Efeso 5:19

Nee axweesé' kiloohúng alé ar wara'ami nee daa'ángw bara/, nee daa'ángw baraá Qeeru. Daaé' nee ta bar/á' baraá munerhunge as Aako.

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.

Yakobo 5:10

Hháe, aaruuseedá' aa axwes ar aleesleemuudá' Aako aa dir'ín i haniís, inooín masók a slaqsaay dirhunge, as adoodá' niwa qiqtliné' qoomár slahh'amu nguwa slayé'.

Geehhoeemaá 14:3

Inooín daa'ángw /abén kuna daá' dír geeraá kitangwduú aleesleemuú wa ale, nee dír geeraá muruudá' slaáf oo tsiyáhh, nee dír geeraá bariiseedá'. Ala heé daa'angwdá' intsaahharo gwa aleeslay i kaahh, aqo har mukduú kume tsiiruú wák nee mibeeri tsiyáhh nee tsiyáhh, kudá' taa tlaáxw baraá yaamuú wa ale.

Geehhoeemaá 7:10

Inooín tari tseeamín ar afór ur, ta kaahi, «Ba/ama amór i dahh a amór Munguúrén kudá' aa iwiit gawaá kitangwduú aleesleemu, nee amór Deelmoó bee/i.»