Yakobo 5:11 - Biblía Axweesantá Hhohho' ar Mungú 2004

¹¹ Ga/aawaak, mukdá' aa qiqtlaatlin ay alhhe'eesaay atén un babawaan a múk amohhoó'. Kuungá' kángw qiqtlíngw Yobu ugwa axasé', nee aga aandé' tidá' Aako aa dír Yobú i tleéhh alhhe'eesaywo. Aako guruuwós iri tláy nee inós i haats gurtleemuuwo.

Ya/abtór hho' 1977

¹¹ Ga/aawaak, múkdá' aa qiqtlaatlin ay alhhe'eesaay atén un babawaan a múk amohhoó'. Kuungá' iidíguú qiqtlíngw Ayubu ugwa axasé', nee aga aandé' tidá' Aako aa tleéhh dír Ayubú i alé alhhe'eesaywo. Aako guruuwós i tlatláy nee inós i haats gurtleemuuwo.

Yakobo 5:11 Iomraidhean Croise

1 QOM'I 21:13

Daudi Gadi guri báy, «Aníng hhaslór yaariir iga eér, a tsiní bar aga huú' gawaá dabaá AAKOÓ MUNGÚ, asma inós i gurtleemuú kón ta niwa huua gawaá dabaá hee.»

2 QOM'I 30:9

Kuungá' barnaxes aga ki/é' amór AAKOÓ MUNGÚ, Munguúhúng, hhaeehúng nee na/iihúng kingi gurtláy nee niri ki/iyá' baraá yaamuuhúng. Asma AAKOÓ MUNGÚ, Munguúhúng, ku hhoó' nee i gurtleemuú kón, inós kuungá' nu ilaaoh bura i ki/é'.»

NEHEMIA 9:17

Niri iialooeesi'iiká, muruú waa/oo/amo oo taa tla/angw'ín wa tléhh ngwa inslay'iiká. Da/ewer'ín ngay gawdesiyé', geeraharusmo ngway qaasiyé' oo gi ki/ís baraá lawaali'iimár yaamaá Misri. Ala Mungú, kuúng tu inslaáhh gurtleemuwo, a gurtleemuú koón nee tsuuqaawo, kuúng tu inslahheeká buhhtaawo. Kuúng sla'aarirók i warqeeraaká, as adoorí inooín iga kwahhká.

NEHEMIA 9:31

Ala as gurtleemuwók kudá' yaariire iga meeriiká tawa ak hhan laqaá kiwa kwahh, kuúng a Mungú tsuuqaá koóm nee gurtleemuuwo.

YOBU 1:1

Heeko i deer, oo baraá yaamaá Usi. Inós a heé hhoó', oo gan'amuú tlehhahhiít, heé Mungú ilaiwawaá/, nee oo tlakweemaá sla'aaká. Heewí umuuwós a Yobu.

YOBU 1:2

Yobu daaqaay ngu kon faangw nee dasu tám.

YOBU 2:10

Yobu hareerós gari mu/aywaáts, iri oó', «Kiíng adór tar axwes a adór /ameenár daktana ir axweemaamis. Bar muruú hhó' una dír Mungú wa ilaoohaán, gár muruú tlákw kus ilaoohanaaká a milá?» Baraá muruuwí sleémeero Yobu /aymuú tlaákw afkose gwaa ooiiká.

YOBU 23:10

Ala inós hotaaeé' gi ado xuu', inós aníng iiarto bira hhe'eés, nin ti'iít oo hhoohhoó' adór sahaábu.

WARA'AMI 103:13

Adoodá' baabá na/iiwós ngir gurtlatlay, an adoodá' AAKOÓ MUNGÚ mukdá' ngu ilaiwawa/á' ngur gurtlaatlay.

WARA'AMI 103:8

AAKOÓ MUNGÚ i haats gurtleemu nee hhooeemawo. I gaanslár buhhabuhhiika, nee sla'aarirós i baloó warqeeraaká.

WARA'AMI 116:5

AAKOÓ MUNGÚ i haats gurhhooaro nee gana'amuwo, Munguúrén i gurtleemuú kón.

WARA'AMI 119:132

Amor'eé' i warqawang nee gurtlawáng, adoodá' ki /imamis mukdaádá' u slaá'.

WARA'AMI 145:8

AAKOÓ MUNGÚ ku gurhhoó' nee i gurtleemuú kón. Muneero ku inslahheeká, inós in haats sla'aarír warqawaakahe.

WARA'AMI 37:37

Heé ganaá' ló'wa alhooreeseek, heé inkihhím ga/aaweek. Asma heé tsá', yaeemirós ka tleer.

WARA'AMI 51:1

Mungú na'ás, án gurtlawáng, ar afi qoomoó sla'aarirók ar warqawaaká, ar yaareemaá gurtleemuwók, tlakweemaaeé' na fiitseek.

WARA'AMI 78:38

Tam adoorihe inós tawa kuduú gurtleemuú koóm, tlakweemaaín gina gurtláy nee inooín gaa hhaamisiiká. Ki/imaá yaariire mune gana gu/ún buhhtaawós gina ila/án.

WARA'AMI 86:15

Ala Aáko, kuúng an Munguú gurtleemu nee oo qeemu, tu inslaahheeká buhhtaawo, a háts sla'aarír warqawaakahe nee inkihhimuwo.

WARA'AMI 86:5

Kuúng tu hhoó', Aáko, tu amohhoó' gurtleemuwo, nee sla'aarirók i warqeeraaká, dír kudá' sleémeero kuúng u ateetima'a.

WARA'AMI 94:12

AAKOÓ MUNGÚ, heé amohhoó' a kudá' kuúng taa naanáq, kudá' dabeeroge ta intsaahhatís.

TI'INAANGW 34:6

AAKOÓ MUNGÚ iri waaraáhh ar dír geeraá Mose, iri malé oó', «Aníng a AAKOÓ MUNGÚ, a AAKOÓ MUNGÚ, a Munguú gurtleemuuwo haáts nee oo gurhhoó', aníng ti inslahheeká buhhtaawo, nee a haáts sla'aarír warqawaakahe nee inkihhimuwo.

DAHARUSMO 7:8

Tsiní alhhe'eesoó gaa ta iimu/uungose. Tsiní heé qitluú xuú' ta heé daara/aama.

ISAYA 63:7

Sla'aarír warqawaaká ar AAKOÓ MUNGÚ an alki/iít, xirfuú AAKOÓ MUNGÚ un oiím, ar har qoomoó muruudá' AAKOÓ MUNGÚ naa atén i tlehhiít, nee hhooeemadá' yaariir aa tlehhaahhiít dír múk Israeli, kudá' a tleehhaahhiít ar harqoomoó gurtleemuuwós, ar harqoomoó yaareemaá sla'aarírós ar warqawaaká.

ISAYA 63:9

Baraá slahh'amaayer'ín sleémeero inós kuna slahh'eemiís, nee malaykamooduú dír geeraawós inooín gina ba/amís ar sla'aarirose nee ar gurtleemuwose inooín gina gweér. Iimír aange inooín gina loohiís nee gina gagaraarín.

WA/AA/I 3:22

Sla'aarír warqawaaká ar AAKOÓ MUNGÚ i baloó fakká, gurtleemuuwós i baloó alhhe'eesoó konká.

DANIELI 9:9

Aakoó Munguúrén, kuúng guruuwók i tlatláy nee tlakweemá muu in gurtleér tam handá' atén aga dee/anutani.

Yoeli 2:13

Tlabaahúng mi feehhamisaara', ala munerhúng na warqeesaak.» AAKOÓ MUNGÚ, Munguúhúng, na i waya'aak, asma inós ku gurhhoó', slám i gurtleemuú kón, ku inslahheeká buhhtaawo, i haats sla'aarír warqawaakahe. Tam sakwasleemadá' aa oó', ga ya/án meemuwo.

YONA 4:2

Yona AAKOÓ MUNGÚ guri firín, guri báy, «Án kuúng u firiím, AAKOÓ MUNGÚ. Adoosíng a adoodá' aníng naa oóiíke qoomár niwa baraá yaamuueé' i dirii'? Adoosíng an gár nisa gaanslár ta'aaím baraá yaamaá Tarshishírí alé, asma aníng a xuú' kuúng a Munguú gurhhoó', slám a gurtleemuú koón. Kuúng buhhtaawo tu inslahheeká, ala aga háts sla'aarír warqawaakahe. Tam sakwasleemadá' taa ó' a ya/aán meemuwo.

MIKA 7:18

Munguú adór kuúng i deéro? Asma kuúng tlakweemaá mukók kudá' aa meet in gurtleér, nee dakuúsar'ín an hingeemís. Kuúng buhhtaawós i alkomkakondaaká deelo sleémeerowo. Ala gár ta ló'wa sla' a sla'aarír warqawaaká,

FAARO 14:18

‹Anuú AAKOÓ MUNGÚ ti inslaahheeká buhhtaawo, nee sla'aarír warqawaaká a koóm. Tlakweema nee dakumis in gurtlatláw. Ala tam adoorihe tlakweemaá xwayliité in buú' dír na/ii'ín tam ay nángw sagaáwa tám laqaá tsiyáhh.›

Matayo 10:22

Kuungá' muu sleémeero nu aahh as aníng. Ala heedaádá' aa qiitl ay alhhe'eesaay, an kudá' ba/ám.

Luka 1:50

Nee gurtleemuuwós i kumaamiit umuúqo qarto dír kudá' inós ngu ilaiwawa/a'a.

Luka 11:10

Asma umuúqo heé firiiriím, ku qáy, nee kudá' leelehhiít, ga sláy, nee kudá' afkú doó wa ateetiím, piindo ka duux.

Luka 6:36

Gimsé', gurtleemu koomaak, adór Baabuúhúng ir gurtleemuú kon.»

Rumi 2:4

Laqaá kuúng hhooeemaá Mungú kudá' yaariir nee qiqtliingós nee daamaaraangós, in waqaaqá'a? A xu'ukáhe adór hhooeemaá Mungú kuúng ur uuruxuná' as tawa hhu'u'uun?

Efeso 1:6

Adoorí gana tleéhh as atén tsuuqaawós kuká' xiríf kiwa ló'wa ilaiwawa/aan, as adoodá' inós tira ló'wa tsuúq, qoomár Garmaawós kuduú sla'aarusmo nguwa atén i haniís.

Efeso 2:4

Ala Mungú gurtleemuuwós ku úr, nee sla'aarirós ka ur direne,

Ebrania 10:39

Atén a kahhaán baraá tla/ángw mukdá' alií kikii/a, tari qwaaraán. Ala atén dír tay diriiaan a baraá tla/ángw mukdá' haratlintaaór koóm, tari ba/amán.

Ebrania 3:14

Asma atén sleémeero a alqaatuusér Kristo, barnaxés atén aga kumiitaán ar pihh'uumarén tidá' iimír iimu/uungo ta koomaan ay alhhe'eesaay.

Ebrania 3:6

Ala Kristo ku inkihhím asma inós tawa Garma. Inós kwaa qaás gawaá daanduú doó Mungú sleémeerowo as nguwa baali. Atén an do'ós, barnaxes a kumiitaán baraá pihh'uumarene nee harahhifoorene, harahhifoorén kawa diidi'iimisaan ay alhhe'eesaay.

Yakobo 1:12

Heé amohhoó' an kudá' iiara'at gu sa qiqtliím. Asma iiara'at bungura ar baá/, aluuwo slamaangw gu sláy. Slamaangwí an slafingwdá' Mungú aa al'axweés nguwa haniisi dír kudá' sleémeero inós ngu sla'á'.

Yakobo 1:2

Hhaee'eé', kuungá' iiara'aduú dimbadimbé bura sleeré', harafaaraak tawa qwal/uú úr dirhunge.

1 Petro 1:13

Gawaá adoorihe inqwaruuhúng siinootaak, nee ta dal'á'. Kuungá' masók tsuuqaadá' tindi haniisi qoomár Yesu Kristo burkwa geehhooeés, in ló'wa harahhifá'.

1 Petro 3:14

Ala kuungá' bartundun slahh'eemiis as gan'amu kuwa tlehhiité', kuungá' daqaní a múk amohhoó'. Kuungá' mutunduwa tawó dae tlaáq, laqaá ma tawó amoqwaqwadiimara'.

2 Petro 2:9

Tí ga laqaqaán adór Mungú múk gu ilaiwawaá/ ngur aleesláy ba/amisaro baraá iiara'aduwo. Slám ga aleesláy múk tlákw nguwa baraá tseegamór i ilaa/i, ay dír sakwasleema ngay slaya' bál deelór sakwasleemaro,